Tudi tunubikila ne muoyo mujima

Lufu lua muntu Yezu Kristo kukadi bidimu bipite pa 1 900 luvua bualu butambe mushinga mu malu a bukua-bantu. Luakunzulula njila wa kuikala ne muoyo wa kashidi mu mparadizu pa buloba. Mu dileja dipepele, Yezu wakatumika ne mampa akena luevene ne mvinyo bu bimanyinu bia mulambu wende wa bu-muntu wa dinanga. Pashishe, wakambila balongi bende ne: “tungunukayi ne kuenza nunku bua kumvuluka.” (Luka 22:19, NW) Nenuvuluke muanda eu wa mushinga anyi? Bantemu ba Yehowa badi banubikila ne musangelu wonso bua kudisanga nabu mu dienza disekelela edi dia Tshivulukilu. Nedienzeke kunyima kua dibuela dia dîba mu dituku didi dikumbanangane ne dia 14 Nizan bilondeshile kalandrié ka mu Bible kaashila pa ngondo. Nudi mua kuya ku Nzubu wa Bukalenge udi pamue ne kuenu. ebejayi Bantemu ba Yehowa ba tshitupa tshinudi bua [kumanya] dîba ne muaba. Dituku dia disekelela mu 1995 nedikale mu ditanu, dia 14, Tshisanga.