Bualu buudi kuyi ne bua kupangila

“Dipa dilenga dionso ne tshintu tshipuangane tshionso” tshidi tshipueka tshifuma kudi Nzambi, Tatuetu wa mu diulu. (Yakobo 1:17, NW) Dipa ditambe bunene didi Nzambi mupeshe bukua-bantu buena mpekatu ndilongolola dienza bua kubapetesha lupandu ku diambuluisha dia Muanende mulela umuepele, Yezu Kristo. Lufu lua Yezu bu Mutupikudi ludi lupetesha njila bua muoyo wa kashidi pa buloba bua mparadizu. Mu Luka 22:19, mbatutumine dîyi bua kuvuluka lufu luende.

Bantemu ba Yehowa badi bakubikila ne musangelu wonso bua kudifila nabu pamue mu dilonda dîyi-dituma edi dia Yezu. Disekelela edi dia ku tshidimu nedienzeke kunyima kua dibuela dia dîba mu dituku didi diakanangane ne dia 14 Nizan mu kalandrié ka ngondo ka mu Bible, nebikale mu Dibidi, 2 Tshisanga 1996. Funda dituku edi bua kudipu muoyo. Bantemu ba Yehowa ba mu muaba uudi musombele badi mua kukuambila muaba mujalame ne dîba mene bia tshisangilu etshi.