“Dipa dia dikema dia kudi Yehowa”

NIMERO wa Tshibumba tshia Nsentedi tshia mu dia 1 Lumungulu 1996, uvua ne dikonkonona diondoke dia ndubidilu wa bena nkristo ne mushindu wa kukelemeja majitu etu kudi Yehowa ne kudi “Kezare.” (Matayo 22:21) Mêyi a bungi a dianyisha avua mumvuike bua dimanyisha dipiadipia edi difila. Munkatshi muawu mudi mukanda udi ulonda eu, mufunda kudi Ntemu kampanda wa mu Grèce ne mutumina Kasumbu Kaludiki ka Bantemu ba Yehowa:

“Ndi musue kujikula dianyisha dianyi dipite kuondoka kunudi nuenu bonso bana betu basuibue bua ditutabalela dimpe mushindu’eu mu nyuma. Mumane kupitshisha bidimu bifike ku tshitema mu buloko anu bua ditabuja dianyi dia Buena-nkristo, ndi bushuwa nganyisha ngenyi ya dikema idi mu nimero wa Tshibumba tshia Nsentedi tshia mu dia 1 Lumungulu 1996. (Yeshaya 2:4) Nimero eu uvua dipa dia dikema dia kudi Yehowa.​—Yakobo 1:17.

“Pamvua nkonkonona biena-bualu ebi, ngakavuluka diumvuija kampanda dia mu Tshibumba tshia Nsentedi tshia matuku mashale aa (1 Tshimungu 1994, dibeji dia 14): ‘Mu butoke buonso, ditshintshikila nngikadilu wa mushinga mukole, wa ku mivule idi itusaka ku ditamba kunanga Yehowa.’ Eyowa, bana betu, ndi ngela Yehowa tuasakidila bua mundi panyi muena mu bulongolodi buende bulenga ne bua dinanga, bùdì buleja mu butoke buonso meji ende.​—Yakobo 3:17.

“Bukenke bukolesha mu Tshibumba tshia Nsentedi tshia mu dia 1 Lumungulu buvua buakidila bimpe munemu mu Grèce, nangananga kudi aba bakapitshisha bidimu bivule mu buloko peshi aba batshidimu bua ditabuja diabu. Tuasakidilayi tshiakabidi. Yehowa anukoleshe ne spiritu wende bua nutungunuke ne kutupetesha biakudia bia mu nyuma bia mushinga mu bikondo ebi bia ntatu.”