TSHIBUTSHILU TSHIA MIKANDA TSHIA KU ENTERNETE tshia Watchtower
TSHIBUTSHILU TSHIA MIKANDA TSHIA KU ENTERNETE
tshia Watchtower
Tshiluba
  • BIBLE
  • MIKANDA
  • BISANGILU
  • w96 15/12 dib. 30
  • Udi muvuluke anyi?

Kakuena filme nansha umue mu tshitupa etshi to.

Tshilema ntshienzeke mu diambula dia filme.

  • Udi muvuluke anyi?
  • Tshibumba tshia Nsentedi tshidi tshimanyisha Bukalenge bua Yehowa—1996
  • Bintu bia muomumue
  • “Nzambi wa busambi buonso”
    Tshibumba tshia Nsentedi tshidi tshimanyisha Bukalenge bua Yehowa—2008
  • Ndilua dia Yezu, anyi ndikalaku dia Yezu?
    Tshibumba tshia Nsentedi tshidi tshimanyisha Bukalenge bua Yehowa—1996
  • Nkuepi kutudi mua kupetela busambi bulelela?
    Tshibumba tshia Nsentedi tshidi tshimanyisha Bukalenge bua Yehowa—2003
  • Tangila kudi Yehowa bua kupeta busambi
    Tshibumba tshia Nsentedi tshidi tshimanyisha Bukalenge bua Yehowa—1996
Tangila bikuabu
Tshibumba tshia Nsentedi tshidi tshimanyisha Bukalenge bua Yehowa—1996
w96 15/12 dib. 30

Udi muvuluke anyi?

Udiku muanyishe dibala nimero ya ndekelu ya Tshibumba tshia Nsentedi anyi? Né bidi nanku, neusanke pa kuvuluka malu adi alonda aa:

◻ Ndiumvuija kayi didi nadi muaku wa tshiena-Greke pa.rou.si’a mutumika nawu mu Matayo 24:3, 27, 37, 39?

Nkonga-miaku wa Vine (Expository Dictionary of New Testament Words) udi wamba ne: “PAROUSIA . . . udi umvuija bionso bibidi: difika pamue ne dikalaku ne.” Pa nanku, kabiena amu dîba dia difika, kadi dikalaku didi ditungunuka kutuadijila ku difika.​—15/8, dibeji dia 11.

◻ Mmunyi muvua ‘matuku au mipidija’ mushindu uvua “mubidi” mua kupandishibua mu siekele wa kumpala, ne mmunyi muenzekabi mu mushindu mualabale? (Matayo 24:22, NW)

Mu 66 B.B., bena Roma bakipidija kabiyi bitekemena dijingila diabu dia Yeruzaleme, pa kupetesha “mubidi” wa bena nkristo mushindu wa kunyema. Bia muomumue, tudi batekemene se: dibundibua ditshilualua pa Babilone Munene nedipidijibue mu mushindu kampanda. Mushindu’eu bena nkristo bela manyi pamue ne binabu nebapandishibue ku kabutu kikalaku.​—15/8, mabeji 18-20.

◻ Ntshinyi tshitudi ne bua kuenza padi muntu kampanda utuadija kudia ne kunua bimanyinu bia mu Tshivulukilu anyi ulekela kuenza nenku?

Kabiena bikengela bua bena nkristo bakuabu baditatshishe bua bualu ebu. Yezu wakamba ne: “Ndi mulami muimpe wa mikoko; ndi mumanye [mikoko] yanyi.” Anu bu mudibi bileja mu mushindu mushindika, Yehowa mmumanye aba badiye musungule bushuwa bu bana ba mu nyuma. (Yone 10:14; Lomo 8:16, 17)​—15/8, dibeji dia 31.

◻ Mikenji ya Mozese ivua ne tshipatshila kayi tshinene?

Bangabanga, ivua ilongesha bena Izalele dikengela diabu dia Masiya, eu uvua ne bua kubapikula ku nsombelu wabu wa bena mpekatu. (Galatia 3:24) Mikenji ivua ilongesha kabidi ditshina dia Nzambi ne butumike, ne yakambuluisha Izalele bua kudilama kule ne bienzedi bibole bia matunga mena mutumba. (Lewitiki 18:24, 25)​—1/9, dibeji dia 9.

◻ Tshiovo tshipiatshipia tshidi ne tshipatshila kayi? (Yelemiya 31:31-34)

Ntshia kupatula ditunga dia bakalenge ne bakuidi bua kubenesha bukua-bantu buonso. (Ekesode 19:6; 1 Petelo 2:9; Buakabuluibua 5:10)​—1/9, mabeji 14, 15.

◻ Bua tshinyi tudi ne bua kuikala ne tshibidilu tshia kulomba luse?

Dilomba luse didi mua kuambuluisha bua kutekesha dibungama dikebesha kudi dipanga bupuangane, ne didi mua kulengeja malanda adi mu lutatu. Dilomba luse dionso ditudi tuenza ndilongesha dia budipuekeshi ne didi dituibidija bua kutamba kumvuila nyanji ya bakuabu.​—15/9, dibeji dia 24.

◻ Mvula wa kabutu wa pa buloba bujima mu matuku a Nowa uvua muanda mujadika anyi?

Eyowa. Miyuki ya kale ìdì yakula bua mvula wa kabutu wa pa buloba bujima idi mua kusanganyibua pa buloba bujima, kumbukila ku Amerike too ne ku Australie. Ditangalaka dia tshiena-bualu etshi didi ditua nyama ku mikolo muanda wa se: mvula wa kabutu wa pa buloba bujima wakenzeka, anu bu mudibi bilonda mu Bible. (Genese 7:11-20)​—15/9, dibeji dia 25.

◻ Dikala muakididianganyi didi diumvuija tshinyi? (Lomo 12:13)

Diakidilangana ndikudimuna ku muaku wa tshiena-Greke udi muenza ne miaku ya ntaku ibidi idi yumvuija “dinanga” ne “muena kule.” Nunku, diakidilangana didi diumvuija nangananga “dinanga dia bena kule.” Kadi didi diumvuija bivule kupita dinanga diashila pa mêyi-maludiki, dìdì dilejibua bua dikala muenzejibue. Ndiashila pa disua dia pa muoyo, disuangana, ne bulunda bilelela.​—1/10, dibeji dia 9.

◻ Ntshinyi tshidi dijadika dia Paulo pa bidi bitangila dibaka ne bujike mu mukanda wende wa kumpala kudi bena Kolinto, nshapita wa 7?

Dibaka ndiakanangane ne mêyi ne, mu imue nsombelu, ndia meji bua bamue. Kadi kakuyi mpata bujike mbulengele bua mulume anyi mukaji muena nkristo udi musue kusadila Yehowa ne ditanaja dikese menemene.​—15/10, dibeji dia 13.

◻ Mmunyi mudi mukulu “utabalela bena diende”? (1 Timote 5:8, NW)

Mukulu udi ne bua ‘kutabalela bena diende’​—mukajende pamue ne bana bende—​ku mubidi, mu nyuma, ne mu mpampakenu.​—15/10, dibeji dia 22.

◻ Mmunyi mudi Yehowa upetesha basadidi bende busambi?

Spiritu munsantu wa Nzambi udi utumika bu “musambi.” (Note kuinshi kua Yone 14:16, NW) Mushindu mukuabu udi Nzambi upetesha busambi nku diambuluisha dia Bible. (Lomo 15:4) Nzambi mmumanye makengela etu a muntu ne muntu, ne udi mua kukuata netu mudimu bua tuetu kuikala basambianganyi, anu bu muakapetela Paulo busambi ku luapolo lua Tito luvua lutangila bena Kolinto. (2 Kolinto 7:11-13)​—1/11, mabeji 10, 12.

◻ Dileja Yehowa bu “Tatu wa luse luengeleki” kudi Paulo, dìdì disanganyibua mu 2 Kolinto 1:3 (NW) didi diumvuija tshinyi?

Muaku wa tshiena-Greke mukudimuna se: “luse luengeleki” udi ufumina ku muaku mutumika nawu bua kuleja dibungama padi mukuabu muntu muikale mu dikenga. Pa nanku Paulo udi umvuija nyanji miengeleki ya Nzambi bua yonso wa ku basadidi Bende ba lulamatu bàdì bapetangana ne makenga.​—1/11, dibeji dia 13.

◻ Ntshinyi tshivua tshikumbajibua ku dilama tshijila dia bena Izalele mu Dituku dia Dibuikidila dia ku tshidimu? (Lewitiki 16:29-31; 23:27)

Disekelela dia dilama tshijila divua disaka tshisamba tshia Izalele ku dijingulula diondoke dia ngikadilu wabu wa bena mpekatu ne dikengela dia bupikudi. Ku dilama tshijila bavua baleja dibungama bua mpekatu yabu ne dinyingalala ku mêsu kua Nzambi.​—15/11, dibeji 5.

◻ Ntshinyi tshidi tshiumvuija mu dîyi-dituma edi kudi bansonga dia ne: “Nunku, uvuluke Mufuki webe Munene”? (Muambi 12:1, NW)

Mukanda kampanda udi wamba ne: muaku wa tshiena-Ebelu mukudimuna se: “kuvuluka” utu misangu mivule umvuija “kujinga kua mu tshieledi tshia lungenyi ne tshienzedi tshidi tshiya pamue ne bukokeshi bua ditutshila muoyo.” Nunku ditumikila dîyi-dituma edi didi diumvuija bivule kupita diela meji patupu pa bidi bitangila Yehowa. Didi dilomba dienza bualu, dienza tshidi tshimusankisha.​—1/12, dibeji dia 16.

    Mikanda ya mu Tshiluba (1982-2024)
    Patuka
    Buela
    • Tshiluba
    • Tumina bakuabu
    • Biudi musue
    • Copyright © 2025 Watch Tower Bible and Tract Society of Pennsylvania
    • Malu a kulonda
    • Mikenji ya mua kulama malu masokoka
    • Biudi witaba bua kuenzekabi mu tshiamu
    • JW.ORG
    • Buela
    Tumina bakuabu