Mikanda, mikanda, mikanda!

Solomo, Mukalenge wa meji wa kale wakafunda ne: “Kakuena ndekelu wa kufunda kua mikanda ya bungi.” (Muambi 12:12) Mu 1995, bavua bapatule mu Grande-Bretagne pabuipi ne mukanda mupiamupia umuepele bua bantu 580 ba ku badi basombelamu, bivuija ditunga edi dia kumpala mu dipatula dia mikanda mipiamipia. Ditunga dia Chine, ditu ne bantu bapite bungi, divua dibidi ne mikanda 92 972 pa kufuanyikija ku mikanda 95 015 ya Grande-Bretagne. Allemagne wakalonda (mikanda 67 206), ne pashishe kuakalua États-Unis (49 276), ne panyima France (41 234). “Ditamba kupatuka wa kumpala bua buloba bujima dia Grande-Bretagne didi anu bua ditangalaka dia muakulu wa Anglais,” ke mudi tshikandakanda tshia mu Londres tshiamba.​—The Daily Telegraph.

Luapolo idi ileja ne: disakula dia mikanda ndipueke kukadi bidimu bia bungi, ne mpindieu anu bakulumpe 80 pa lukama mu Grande-Bretagne ke badi basumba mukanda umue peshi ya bungi ku tshidimu. Kadi bantu batu babala mikanda yonso itubu basumba anyi?

Bible mmukanda umuepele udi utungunuka ne kuikala mutangalake ne udibu babala bikole. Udiku mpindieu mu bitupa anyi mu bujima mu miakulu mipite pa 2 120. Biwikala kuyi muanji kupeta webe, ebeja biro bia Société Watch Tower bidi pabuipi nebe bua upete Bible. Biwikala ne Bible, umuangate ne ukebe mvese mifila mu biena-bualu bia tshibejibeji etshi. Mu dienza nenku, neusokolole dimanya dia mu Bible difidi dia muoyo.