Mpungilu “wa pa buende” muelela ka-lumbandi

MUAKUDI ku tshisanji mu Lima, mu ditunga dia Pérou, uvua ne mpata ya bungi pa Bantemu ba Yehowa. Kadi, panyima pa mumane kubuela mu umue wa ku mpungilu yabu ya distrike, mmuenenu wende wakashintuluka bikole. Bushuwa, uvua mukeme bikole, kufikaye ku difila amue mumvuija malenga kudi bateleji ba kadiomba kende. Adi alonda aa ng’amue a ku mêyi akambaye:

“Mpungilu uvua bushuwa wa pa buende. Kakuvua kabeji nansha kamue panshi anyi musumbishi wa bintu. Bantu kabavua bafimpakana mu miaba ya kupitshila. Bantu binunu bitanu ne nkama ibidi bakaya mu tshipalu ku mfranga yabu, muntu yonso uvua muambule mbeketshi, mukusu, tshilamba tshia kukupula natshi lupuishi, kantu ka diboya naku butshiafu, lukombo, bulosu, bia divuala ku bianza ne nsabanga bua kusukula ne kutokesha muaba. Muaba uvua ukengela kulaba mukubu, bavua baya ne balaba mukubu. Mfranga ivua ifuma penyi? Buobu nkayabu bavua balua nayi! Padibu babamanyisha tshintu kampanda tshidi tshikengela kuenza, buonso buabu badi bela tshianza mu mpaya bua kufila. Ndi nnuambila ne: Ekleziya Katolike utshidi mulale bua malu a mushindu’eu. Ndi musue kuela Bantemu ba Yehowa ka-lumbandi ne balombodi ba muanda eu. Ne ndi musue kubambila ne muoyo wanyi mujima ne: Nzambi anuambuluishe ne anubeneshe.”

Tshidimu etshi mu bimenga bivule pa buloba bujima, Bantemu ba Yehowa nebenze Mpungilu wa Distrike wa “Nsombelu muanyisha kudi Nzambi.” Newikalemu anyi?

[Lungenyi lunene lua mu dibeji 32]

“Kakuvua kabeji nansha kamue panshi”