Tshisangilu tshia ku Tshidimu tshia mu dia 3 Kasuamansense 1998

TSHISANGILU TSHIA KU TSHIDIMU tshia bena mu Watch Tower Bible and Tract Society of Pennsylvania netshienzeke mu dia 3 Kasuamansense 1998, mu Nzubu wa Mpuilu wa Bantemu ba Yehowa, mu Boulevard Kennedy nimero 2932, Jersey City, mu New Jersey. Tshisangilu tshia diunzulula natshi tshialu netshienzeke pa dîba 9:15 mu dinda anu bua bena mu Société, pashishe nekulonde tshisangilu tshinene tshia ku tshidimu pa dîba 10:00 mu dinda.

Bena mu Société badi ne bua kumanyisha Biro bia Sekretere bituadije ku mpindieu bua dishintuluka kayi dionso dia adrese yabu munkatshi mua tshidimu tshishale bua mabeji a dibikila nawu a pa tshibidilu ne formilere ya kuuja yadianjila kutumibua bibafikile mu Kashipu.

Formilere, yatuminabu bena mu Société pamue ne mabeji a dibikila nawu a tshisangilu tshia ku tshidimu, badi ne bua kuyipingaja bua kufikayi ku Biro bia Sekretere wa Société kumpala kua dia 1 Tshimungu. Muena mu Société yonso udi ne bua kuuja formilere wende ne kumupingaja ne lukasa luonso, pa kushindika bikalaye mua kubuela anyi kayi mua kubuela mu tshisangilu etshi. Mamanyisha mafila mu formilere yonso adi ne bua kuikala majadikibue, bualu nebashindamenepu bua kutshinka bantu bikalaku.

Mbitekemenyibue se: ndongamu mujima, pa kukonga ne tshisangilu tshia dikonkonona konte ne luapolo, nebijike pa dîba 1:00 mu mapingaja anyi katupa kakese panyima. Ndongamu mukuabu kakuikalaku mu mapingaja. Bua bungi bukese bua miaba, nebikengele amu kuleja dibeji dia dibikila bua kubuela. Kabakulongolola bua se: ndongamu wa tshisangilu etshi atelejibue ku nshinga to.