Tshia kulonga

KIPATSHILA KA BIENA-BUALU BIA KULONGA

TSHIENA-BUALU TSHIA KULONGA 1, 2 DIBEJI 7-18

Mmilayi ya mu Bible kayi idi mua kukuambuluisha bua kumvua bimpe malu ikala mua kuenzeka pa buloba kumpala eku? Biena-bualu bibidi ebi bidi biakula bua mulayi wa lupingu lunene udi mu Danyele nshapita 2 ne wa nyama wa luonji ne tshimfuanyi tshiende udi mu Buakabuluibua nshapita wa 13 ne wa 17. Neumanye malu adi Bible wamba bua matuku atshilualua.

TSHIENA-BUALU TSHIA KULONGA 3 DIBEJI 20-24

Muntu udi witaba bua kutambula ne kulua muena Kristo udi witaba bua kuteka malu a Nzambi pa muaba wa kumpala mu nsombelu wende. Kuelangana meji pa mapangadika avua batendeledi ba Yehowa ba kale bavua badilambule kudiye bangate kudi mua kutuambuluisha bua kukonkonona mushindu utudi tuenza mudimu ne dîba dietu, makanda etu ne bintu bitudi nabi.

TSHIENA-BUALU TSHIA KULONGA 4 DIBEJI 25-29

Tshiena-bualu etshi tshidi tshileja mushindu uvua baprofete ne bafundi ba Bible ‘benzejibue kudi nyuma muimpe’ ne bua tshinyi tudi tuamba ne: Bible mmukanda wa Nzambi. (2 Pet. 1:21) Tshidi tshituleja kabidi tshidi mua kutuambuluisha bua kutungunuka ne kuanyisha Bible.