BIENA-BUALU BIA KULONGA

BIENA-BUALU BIA KULONGA

▪ Ikala ne dikima, Yehowa udi nebe

Bantu ba bungi badibu batele mu Bible bavua baleje ditabuja ne dikima. Tuetu bakonkonone amue malu avuabu benze, nebitukoleshe bua kuikala ne ditabuja ne kuenzela Yehowa mudimu ne dikima. Tshiena-bualu etshi tshidi tshileja mvese wa tshidimu tshia 2013.

▪ Kulekedi tshintu nansha tshimue tshikusemeja kule ne Yehowa

▪ Tungunuka ne kusemena pabuipi ne Yehowa

Kudi malu a bungi atudi katuyi mua kusungula mu nsombelu wetu bu mudi: baledi betu, bana betu ne muaba wa bobu kutulelela. Kadi mbishilangane bua malanda etu ne Yehowa. Tudi mua kusungula bua kuikala pabuipi nende anyi kubenga kuikala pabuipi nende. Biena-bualu ebi nebiakule bua malu muanda mutekete a mu nsombelu mutudi katuyi mua kulekela tshintu nansha tshimue tshitusemeja kule ne Yehowa.

▪ Tuenzayi mudimu katuyi tunyingalala

Tuetu bonso tukadi benza malu kampanda atutu balue kudiela meji ne: tuvua mua kuikala baenze mushindu mukuabu. Kadi, katuena mua kulekela meji a nunku atupangisha mpindieu bua kuenzela Nzambi mudimu to. Mu tshiena-bualu etshi, netumone mudi tshilejilu tshia Paulo tshituambuluisha bua kutungunuka ne kuenzela Yehowa mudimu katuyi tunyingalala.

▪ Bakulu bena Kristo ‘mbenzejanganyi netu ba mudimu bua disanka dietu’

Mu mukanda muibidi uvua Paulo mufundile bena Kolinto, uvua mubaleje ne: yeye ne bena diende bavua ‘benzejanganyi nabu ba mudimu bua disanka diabu.’ (2 Kol. 1:24) Mmunyi mudi mêyi a Paulo aa mua kuambuluisha nangananga bakulu bena Kristo? Mmunyi mudi yonso wa kutudi mua kuenza bua tshisumbu tshikale ne disanka? Netupete mandamuna a nkonko eyi mu tshiena-bualu etshi.