BIENA-BUALU BIA KULONGA

BIENA-BUALU BIA KULONGA

▪ ‘Kakuena tshidi mua kulenduisha’ badi banange Yehowa

Bena Kristo bonso badi mu lubilu bua kupeta muoyo wa kashidi. Kadi bu mutudi bapiane bubi, tuetu bonso tutu tulenduka. Tshiena-bualu etshi netshituambuluishe bua kumanya malu atanu atu alenduisha bantu ne netshituleje tshia kuenza bua kuepuka malu aa bua tuetu kupeta difutu.

▪ Udiku ne ‘muoyo wa kumanya’ Yehowa anyi?

Mukanda wa Yelemiya udi utulongesha malu a bungi adi atangila muoyo. Tshiena-bualu etshi netshituambuluishe bua kumanya ‘mutshima udi kauyi mutengula’ ne mudi mutshima wa nunku mua kuikala ne njiwu ya bungi nansha kudi bena Kristo. Mmushindu kayi utudi mua kuikala ne ‘muoyo wa kumanya’ Yehowa? Netumone kabidi bualu ebu.​—Yel. 9:26; 24:7.

▪ Tudi “bafike ku dimanya Nzambi,” nkushale tshinyi?

Mmalu kayi atudi mua kuenza bua kufika ku dimanya Nzambi ne bua kumanyika kudiye? Mmushindu kayi utudi tutungunuka ne kukola mu nyuma nansha patukadi bena Kristo bakole? Bua tshinyi? Tshiena-bualu etshi netshikuambuluishe bua kuandamuna nkonko eyi.

▪ Yehowa udi muaba wetu wa kushikamina

Tudi mu bulongolodi bubi, kadi katuena mua kutshina to. Tshiena-bualu etshi tshidi tshileja mutudi ne muaba muimpe wa bukubi utudi ne bua kusokomena, mmumue ne: kudi Yehowa Nzambi wetu.

▪ Nemeka dîna dinene dia Yehowa

Kuikala bantu badi ne dîna dia Nzambi kudi kumvuija tshinyi? Kuenda mu dîna edi kudi kumvuija tshinyi? Mmunyi mudi Nzambi umona bantu badi kabayi banemeka dîna diende? Tshiena-bualu etshi netshiandamune nkonko eyi.