MANDAMUNA A NKONKO YA MU BIBLE
Badiku mua kutubuikidila mibi yetu anyi?
Ki mbikole bua Nzambi kutuanyisha to
Bilondeshile Bible, bantu bonso mbena mibi. Tudi bapiane lungenyi lua kuenza bubi kudi muntu wa kumpala Adama. Kadi tutu imue misangu tuenza malu mabi ne pamuapa tunyingalala pashishe bua tshitudi benze. Yezu Kristo Muana wa Nzambi, wakafua bua bualu buetu bua kutupikula ku bubi. Mulambu wende wa tshiabupukudi wakambuluisha bua batufuile luse ku mibi yetu. Ndipa didi Nzambi mutupeshe.—Bala Lomo 3:23, 24.
Bamue bantu badi benze mpekatu minene badi badiebeja bikala Nzambi mua kubafuila luse. Bia disanka, Dîyi dia Nzambi didi diamba ne: “Mashi a Muanende Yezu adi atulengeja ku bubi buonso.” (1 Yone 1:7) Yehowa udi pabuipi bua kubuikidila muntu bubi nansha buobu bunene yeye munyingalale ne muoyo umue.—Bala Yeshaya 1:18.
Ntshinyi tshitudi mua kuenza bua batubuikidile
Tuetu basue bua Yehowa Nzambi kutubuikidila mibi yetu tudi ne bua kulonga malu adi amutangila, kujingulula njila yende, kumvua mibelu yende ne tshidiye utulomba bua kuenza. (Yone 17:3) Yehowa udi ubuikidila mibi ya aba badi banyingalala bua malu mabi adibu benze ne baditatshisha bua kushintulula nsombelu wabu.—Bala Bienzedi 3:19.
Ki mbikole bua Nzambi kutuanyisha to. Yehowa mmumanye mateketa etu. Udi Nzambi wa luse ne muakane. Luse lujalame ludiye mutuleje elu kaluena lukusakaku bua kulonga malu a bungi adi akuambuluisha bua kumusankisha anyi?—Bala Musambu 103:13, 14.