BIENA-BUALU BIA KULONGA

Tshiena-bualu etshi tshidi tshileja amue malu adi enza bua bantu ba bangi bafike ku diamba ne: Bantemu ba Yehowa badi ne bulelela. Netumone kabidi malu makuabu adi ajadikila Bantemu ba Yehowa ne: badi ne bulelela.

Tuetu bonso tudi ne bua kupeta makenga bualu tudi mu bulongolodi bua Satana. Amue makenga atu buluishi bua mpala ne mpala bua kunyanga ditabuja dietu; makuabu atu a muinshi muinshi. Tshiena-bualu etshi netshituambuluishe bua kumanya mishindu ya buluishi eyi ne mutudi mua kudilongolola bua kutantamena buluishi bua Satana.

Baledi badi ne bua kukolesha bana babu ne “mibelu ne didimuija bia Yehowa.” (Ef. 6:4) Tshiena-bualu etshi tshidi tshileja mishindu isatu idi baledi mua kulama bana babu ne kubambuluisha bua kunangabu Yehowa.

Mmunyi muvua lufu lufike ku dibuela mu bantu? Mmunyi muikalabu mua ‘kujimija muena lukuna wa ndekelu lufu’? (1 Kol. 15:26) Mona mudi mandamuna aleja buakane, meji ne nangananga dinanga bia Yehowa.

Katshia ku kale Yehowa utu ne batendeledi bende ba lulamatu badi bamuenzele mudimu ne muoyo mujima nansha mudiku ntatu ya kuenza nunku mu bulongolodi ebu. Ntshinyi tshitudi mua kuenza bua ‘kuvuluka mudimu wabu wa ditabuja ne mudimu wabu mukole muenza ne dinanga’?​—1 Tes. 1:3.