Tudi mua kukeba ne kupeta lungenyi lua dianyisha tuetu tuelangana meji pa masanka atudi bapete ne tuela Yehowa tuasakidila bua masanka aa. Kuikala ne muoyo wa dianyisha nekutuambuluishe bua kuluisha lungenyi lua dibenga kuela tuasakidila ne bua kutantamena ntatu. Mvese wetu wa tshidimu tshia 2015 neatuvuluije bualu ebu mu bule bua tshidimu tshijima.

▪ Bua tshinyi tutu tuenza Didia dia dilolo dia Mukalenge?

Tshiena-bualu etshi tshidi tshileja patoke bua tshinyi tudi ne bua kuvuluka lufu lua Yezu. Tshidi tshileja tshidi diampa ne mvinyo bia mu Tshivulukilu biumvuija ne tshileja mudi muntu mua kumanya bikalaye mukumbane bua kudia bimanyishilu ebi. Dilonga edi nedituambuluishe kabidi bua kudilongolola bua Didia dia dilolo dia Mukalenge.

▪ Ibaka dibaka dikole ne dia disanka

▪ Yehowa akoleshe dibaka diebe ne adikube

Bantu badi mu mabaka batu batuilangana ne nsombelu mikole ne mateta. Kadi, ne diambuluisha dia Yehowa, badi mua kuenza dibaka dikole ne dia disanka. Tshiena-bualu tshia kumpala netshiakule bua madioto atanu adi ibaka dibaka dikole ne dia kashidi ne potopoto utudi mua kuenza nende mudimu bua kulamakaja madioto aa pamue. Tshiena-bualu tshibidi netshiakule bua mushindu wa kukolesha bintu bia mu nyuma bidi bikuba dibaka.

▪ Kunanga bua kashidi: bidiku mua kuenzeka anyi?

Dinanga dilelela didi pankatshi pa mulume ne mukaji ndinanga kayi? Dinanga dia kashidi didiku mua kuikalaku anyi? Mmunyi mudibu baleja dinanga edi? Manya tshidi Musambu wa Solomo ulongesha bua bidi bitangila dinanga dia kashidi.

BIENA-BUALU BIKUABU

3 Bakadifila ne muoyo mujima mu New York

TSHIZUBU: Bayisha ne Bible mukuate mu tshianza mu Grindelwald, ne mikuna ya Alpes ya mu Berne panyima

SUISSE

BUNGI BUA BANTU

7 876 000

BUNGI BUA BAMANYISHI

18 646

BUNGI BUA BAVUA BABUELE MU TSHIVULUKILU MU 2013

31 980