Ntshinyi tshidi Bible wamba?

Armagedone ntshinyi?

Bamue bantu badi bamba ne:

ndibutuka dia buloba bujima diakebeshabu kudi bingoma bia mpolondo anyi kudi dinyanguka dia kapepe. Wewe udi wela meji kayi?

Tshidi Bible wamba

Armagedone mmuaba wa mu tshimfuanyi wenzekela “mvita ya dituku dinene dia Nzambi Wa Bukole Buonso” yenzaye bua kuluisha bantu babi.​—Buakabuluibua 16:14, 16.

Mmalu kayi makuabu atudi tulonga mu Bible?

• Nzambi kakuenza mvita ya Armagedone bua kubutula buloba to, kadi mbua kubupandisha ku dinyanguka dikebesha kudi bantu.​—Buakabuluibua 11:18.

• Mvita ya Armagedone neyijikije mvita yonso mikuabu eyi.​—Misambu 46:8, 9.

Kudiku mushindu wa kupanduka ku mvita ya Armagedone anyi?

Udi mua kuandamuna bishi?

• Eyowa

• Tòo

• Pamuapa

Tshidi Bible wamba

“Musumba munene wa bantu” ba mu bisamba bionso newupanduke ku “dikenga dinene” diajika ne mvita ya Armagedone.​—Buakabuluibua 7:9, 14.

Mmalu kayi makuabu atudi tulonga mu Bible?

• Nzambi mmusue bantu ba bungi menemene bapanduke ku Armagedone. Neabutule bantu babi anu pamonaye ne: kena ne tshikuabu tshia kuenza to.​—Yehezekele 18:32.

• Bible udi uleja tshia kuenza bua kupanduka ku Armagedone.​—Sefanya 2:3.