Diambulula dia mu Kalasa ka Mudimu wa Teokrasi
Diambulula edi nedienzeke ne mikanda mibuikila pa biena-bualu bilonga mu Kalasa ka mudimu wa Teokrasi kutuadijila ku lumingu lua dia 2 Tshiongo too ne lua dia 17 Tshisanga 1995. Funda mandamuna wonso awudi mua kuikala nawu pa dibeji dikuabo bilondeshile dîba difidibue.
[Dimanyisha: Padi diambulula dienzeka, utumike amu ne Bible nkayende. Nimero ya mabeji idi kunyima kua lukonko luonso neyikuludike mu mukanda muvua tshiena-bualu etshi tshikonkonona. Abi nebipepeje makebulula ebe nkayebe. Nimero ya mabeji ne ya bikoso ki mmifidibue yonso bua makebulula ebe mu Tshibumba tshia Nsentedi to.]
Fundayi Bulelela peshi Dishima kunyima kua biambilu bidi bilonda ebi:
1. Bu muvua Nzambi muanyishe kunyingalala kua Davidi bua mpekatu wende ne Bate-Sheba, Davidi ne bena dîku diende bakepudibua ku ntatu ya ngenzelu wende mubi. [uwSH dib. dia 127-8 tshik. 5]
2. Dîyi-diludiki dimanyisha mu Nsumuinu 11:1 didi dileja ne: tudi ne bua kulonda nsombelu mulenga ne bululame mu midimu yetu yonso ya bungenda-mushinga bituikala basue kuanyishibua kudi Yehowa. [Dibala dia Bible; tangila w86 15/11 dib. dia 19.]
3. Kuanyisha mubelu ntshimanyinu tshia bufuba. [uwSH dib. dia 127 tshik. 4]
4. Nsumuinu 14:17 udi ukoka ntema diambedi pa nyanji ya munda bualu pa tshibidilu itu inundumuka kumpala kua muntu kuenza bualu kampanda. [Dibala dia Bible; tangila w93 15/8 mab. 20-1.]
5. Aba buonso badi babikila Yezu ne: Mukalenge, nebasungidibue. [uwSH dib. dia 105 tshik. 5]
6. Mu 33 B.B., pakabiishibuaye ku lufu ne kusomba ku dia balume dia Nzambi, Yezu wakatuadija kukokesha tshikondo atshi pa balongi bende bela manyi. (Kol. 1:13) [gt nshap. wa 132]
7. Bidimu bitue ku 3 000 kumpala kua bena sianse kujandula nsangilu wa bikadilu bia buntu bidianjila kufunda mu mashi ne bidi bisambulujibua [code génétique], Musambu wa 139:13-16 ukavua muleje dimanya dia muanda eu. [Dibala dia Bible; tangila w92 15/5 dib. 4.]
8. Nsumuinu 8:22-31 udi ufila diumvuija patupu dia meji. [Dibala dia Bible; tangila w87 15/5 dib. dia 28.]
9. Muena nkristo mulelela kêna ne bua kukina tshintu nansha tshimue. [Dibala dia Bible; tangila w92 1/1 dib. dia 21.]
10. Nsumuinu 11:25 ntshilejilu tshia diumvuija ngenyi mifuanangane bilondeshile mfundilu wa diela kasala kudi bena-Ebelu, ne nsumuinu 10:7 ntshilejilu tshia diumvuija ngenyi mibengangane. [si dib. dia 107 tshik. tshia 7]
Andamunayi ku nkonko idi ilonda eyi:
11. Bua tshinyi mukanda wa Misambu udi ne mushinga mukole kupita mikanda yonso milenga? [si dib. dia 99 tshik. tshia 23]
12. Kumanya kuende kua mukanda wa Misambu kuvua ne dikuatshisha kayi kudi Yezu? [si dib. dia 100 tshik. tshia 30]
13. Nnganyi wakapesha Solomo meji ende, ne patudi tubala Nsumuinu, dimanya dia muanda eu didi ne bua kutusaka ku dikuna mmuenenu kayi? [si dib. dia 101 tshik. tshia 1]
14. Pakakulaye ne Yezu mubiishibue mu budimi, Mariya Madelene wakatuma meji ende kudi nganyi, ne ntshinyi tshiakamuambuluisha bua kumujingulula bimpe menemene? [gt nshap. wa 128]
15. Tela mena a bena mu Sanhedrin babidi bavua ne buôwa bua kumanyika bu bantu bavua ne Yezu, kadi bakambuluisha ku diakaja dia mubidi wende bua dijiikibua. [gt nshap. wa 127]
16. Mu midimu yetu ya ku dituku ne ku dituku, mmunyi mutudi mua kuleja se: tudi ne dinanga dia didipangisha amue masanka bua bana betu? [uwSH dib. dia 132-3 bik. 3, 4]
17. Mmuanda kayi wa kale udi mulonda mu Musambu wa 136:10-15, ne ntshinyi tshiakenzekela Faraone? [Dibala dia Bible; tangila w93 15/6 dib. 5.]
18. Mbipatshila kayi bibidi bidi bikumbajibua ku mashi mapumuna kudi Yezu? [uwSH dib. dia 115 tshik. tshia 13]
19. Bua tshinyi bapostolo ba lulamatu, Yakobo muanabo ne Yezu, pamue ne balongi bapite pa 500 bavua batuishibue ne: Yezu mmubiishibue ku lufu? [gt nshap. wa 131]
20. Ntshinyi tshiakavuija Yezu muntu mutambe bunene wa katshia ne katshia? [gt mbangilu]
Kumbajayi miaba idi mishale patupu mu biambilu bidi bilonda ebi:
21. Mu muyuki wende muende lumu dia Pentekoste wa mu 33 B.B., Petelo wakatela misangu mivule mukanda wa _________________________ , tshine tshikondo atshi, bantu batue ku _________________________ , bakatambushibua ne kusangishibua ku tshisumbu. [si mab. 97-8 bik. 25, 26]
22. Mukanda wa Misambu uvua mudianjile kumanyisha ne: nebapeshe Yezu _________________________ , bua kunua, nebele nshobo bua _________________________ biende bia pa mutu, ne neamueneke bu mulekelela kudi _________________________ . [si dib. dia 100 tshik. tshia 30]
23. Bulongolodi bua Yehowa mbuena teokrasi, mbuena kuamba ne: _________________________ ; Yehowa udi ubulombola ku butuangaji bua Mutu wa tshisumbu, _________________________ , ku diambuluisha dia Dîyi Diende, _________________________ , ne Yezu mmuimikile “ _________________________ ” bujitu bua pa buabu. (Mat. 24:45) [uwSH mab. 118-19 bik. 4-6]
24. Bishilangane ne bela manyi 144 000 badi bangatshibue bua kuya mu diulu,“_________________________ ,” udi muntu kayi mua kubadika, neupanduke ku _________________________ anu pine pa _________________________ . (Buak. 7:9, 14) [uwSH mab. 104-5 bik. 3, 4]
25. Bua kuangata dipangadika dianyishibue kudi Nzambi, kasumbu kaludiki ka mu siekele wa kumpala kakakonkonona ne lubatshi bua kujingulula tshivua _________________________ mifundisha ku spiritu ne bua kumanyisha pa tshilumbu tshivua mu tshialu, kabidi kavua keyemena dikuatshisha dia kudi _________________________ . (Bienz. 15:6-29) [uwSH dib. dia 120 tshik. tshia 8]
Mu biambilu bidi bilonda ebi, elayi kashonyi muinshi mua mandamuna malelela:
26. Dîba divuaye mupopela pa mutshi, bakapesha Yezu maluvu masambakaja manananshi a myrhe, kadi wakabenga bua kuanua bualu (Mikenji ivua ikandika muanda bu nunku; uvua Munazi; uvua musue kutumika ne makokeshi ende a diela lungenyi mu tshuwidi tshiawu tshijima). [gt nshap. wa 125]
27. Kusukula nkanzu yetu ne kuyitokesha mu mashi a Muana wa mukoko kudi kumvuija ne: (tudi tulekela kuenza mpekatu; tudi tuitaba mutudi tukengela bukole bua dijimija mpekatu bua mulambu wa Yezu; tudi tulambula muoyo wetu kudi Nzambi ne tudi tutambushibua). [uwSH dib. dia 106 tshik. tshia 7]
28. Yezu wakabingishibua muvuaye kayi ne tshilumbu misangu bu itanu anyi kupita apu kudi (Herode; Pilato; Felikse) wakamulapa pashishe ku dilomba dikole dia bena Yuda ne kumufila bua kushipibua. [gt nshap. wa 124]
29. Basadidi buonso bena lulamatu ba Nzambi bakafua ne kushala mu lufu kumpala kua Pentekoste wa (36; 35; 33) B.B. kabavua bedibue manyi a spiritu munsantu bua kupeta muoyo mu diulu nansha. [uwSH dib. dia 111 tshik. 5]
30. Satana udi ufuikakaja mudi bantu basakibue kudi (dinanga; lukuna; dijinga dia budinangi) ne badi baditatshisha kumpala kua bionso (bua dîna dia Nzambi; bua bakuabu; buabu buobu nkayabu). [uwSH dib. dia 124 tshik. tshia 14]
Suikakajayi biambilu bidi bilonda ebi ku mvese idi mibiakanyine:
Nsum. 3:27, 28; Yone 19:4-6; 19:25-27; Lomo 15:2, 3; Buak. 7:16, 17.
31. Bena nkristo badi ne bujitu bua kutabalela baledi babu bakulakaje. [gt nshap. wa 126]
32. Bidi bia mushinga bua tuetu kutabalela buenzeji budi luidi luetu ne mmuenekelu wetu mua kuikala nabu pa bakuabu, nunku netuanyishe ku budisuile bua kudipangisha dibabidila bimue bintu bidi bitulengelela tuetu nkayetu. [uwSH dib. dia 130 bik. 10, 11]
33. Musangu wonso utudi ne mushindu wa kuenzela bantu netu bimpe, nansha mu malu a mu nyuma anyi a ku mubidi, tudi ne bua kubabidila mushindu eu udi mutupesha ne kuambuluisha muinetu, nangananga bana betu mu nyuma. [Dibala dia Bible; tangila w93 15/12 dib. dia 20.]
34. Patudi tupetangana ne buluishi, kulama buneme bua bumuntu buetu ne kuleja lutulu bidi mua kuambikisha Yehowa butumbi ne kutupetesha petu kanemu ka kudi bantu. [gt nshap. wa 123]
35. Kubangila ku mpindieu, tukadi batuadije kulabula nsombelu milenga mipue milaya idi ifunkunyibua bushuwa ku tshibikidilu etshi: “mparadizu wa mu nyuma.” [uwSH mab. 107-9 bik. 9-11]
S-97-SH No. 285 4/95 Dipatula mu Zaïre