Bisangilu bia mudimu bua Kashipu
Lumingu lua dia 3 Kashipu
Min. 10: Mbangilu, mamanyisha a mu tshisumbu ne Mamanyisha makumbanyine a mu Mudimu wetu wa Bukalenge.
Min. 15: “Tulondayi dijinga dia kumanya bivule dijula kudi trakte ya Ngumu ya Bukalenge No. 34.” Mu nkonko ne mandamuna.
Min. 20: “Tutumikayi bimpe ne mikanda ya kale.” Diyukidilangana ne bateleji. Ambila tshisumbu mikanda ya kale idi mu stoke. Kankamija bamanyishi bua bangate ya kupatuka nayi mu buambi. Manaya a tshilejilu abidi anyi asatu menzela pa maleja adi mafila. Mamanyisha a ndekelu.
Musambu wa 24 ne disambila dia nkomenu.
Lumingu lua dia 10 Kashipu
Min. 12: Mbangilu, mamanyisha ne luapolo lua tshibutshilu. Vuluija imue ngenyi ya mushinga mu difila dia ngondu eu. Kankamija muntu yonso bua kuangata ndambu wa mikanda ne kuyileja pikalabi bikumbanyine. Umanyishe ndongoluelu miangata bua kufila bumanyishi ku ndekelu wa lumingu.
Min. 15: “Balami ba mikoko biibaki.” Muyuki kudi mukulu muashila pa malu a mu ka-tshiena-bualu ka mu Tshibumba tshia Nsentedi tshia mu dia 15 Kabitende 1993, mabeji 22-23. Zangika imue mibelu ya mu Bible idi yambuluisha bua kutantamena ntatu kabukabu.
Min. 18: “Tuikalayi amu ne mudimu wa bungi.” Mu nkonko ne mandamuna. Ela nkonko kudi bamanyishi babidi anyi basatu badi ne dîba difinakane (mukulu, mamu wa lubanza, mpanda-njila, ne bakuabu): Mmunyi mudibu benza bua kulama disanka diabu eku bikale ne programe mûle tente? Mamanyisha a ndekelu.
Musambu wa 37 ne disambila dia nkomenu.
Lumingu lua dia 17 Kashipu
Min. 10: Mbangilu ne mamanyisha. Tela imue ngenyi miangata mu bibejibeji bipiabipia idi mua kujula diyukidilangana. Kankamija muntu yonso bua kupatuka mu buambi ku ndekelu wa lumingu udi ulua.
Min. 18: “Tunemekayi bakuabu—Tshitupa tshia kumpala.” Mu nkonko ne mandamuna. Vuluija se: bakulu badi ne bua kuambuluishangana bikole bua kujadika se: musonga wa nzubu, milonda ya mâyi, biamu bifidi bia mashika anyi luya, nzembu ne bikuvu bia bukubi, bionso mbiakane.
Min. 17: “Tulejayi se: tudi tuditatshisha bua bakuabu pa kuenza makumbula mapiamapia.” Bamanyishi basatu anyi banayi badi bayukila pa kenzela ka makumbula mapiamapia ne pa mushinga wawu. Zangika se: tshipatshila ntshia kutuadija malonga a Bible. Konkonona maleja mafila. Dinaya dimue dia tshilejilu anyi abidi. Bamanyishi basatu anyi banayi aba badi bazangika ngenyi mimpe ne bafila ngenyi pa mushindu wa kulengeja mishindu idibu batumike nayi. Mamanyisha a ndekelu.
Musambu wa 52 ne disambila dia nkomenu.
Lumingu lua dia 24 Kashipu
Min. 10: Mbangilu ne mamanyisha.
Min. 15: “Didilongela: bualu budi buakanyine ntema yetu.” Mu nkonko ne mandamuna. Sakidila imue ngenyi miangata mu Tshibumba tshia Nsentedi (mu Fransé) tshia mu dia 15 Kabalashipu 1985, mabeji 8-13.
Min. 20: Tulejayi mukanda wa Muoyo wa kashidi mu Tshimungu. Leja bua tshinyi bidi ne mushinga bua bantu kumanya mamanyisha adi mu mukanda eu. (Tangila Tshibumba tshia Nsentedi [mu Fransé] tshia mu dia 1 Tshisanga 1988, mabeji 25-6, bikoso 17 ne 18.) Londa mu mêyi makese amue malu adi aleja ne: bantu bena muoyo umue mbanyishe diubala. (Tangila Tshibumba tshia Nsentedi [mu Fransé] tshia mu dia 1 Kabitende 1989, dibeji 32, ne etshi tshia mu dia 1 Tshisua-munene 1991 [mu Fransé], dibeji 32.) Fila imue ngenyi pa mushindu wa kutuadija malonga a Bible ne bantu badi baleje disankidila ne batuvua bashile mukanda wa Muoyo wa kashidi. Dinaya dikese dia tshilejilu kudi mumanyishi mukumbanyine: dileja ku diambuluisha dia mbuelelu muibidi mufila mu mukanda wa Comment raisonner muinshi mua ka-tshiena-bualu ka “Vie/Bonheur,” dibeji 14; anyi, tumika ne dileja didi diakanyine teritware. Bela bateleji bua bangate imue mikanda kumpala kua kuya mu buambi lumingu elu. Mamanyisha a ndekelu.
Musambu wa 61 ne disambila dia nkomenu.
Lumingu lua dia 31 Kashipu
Bakulu nebalongolole wabu programe bilondeshile bidi tshisumbu tshikengela.