Tulongeshayi Dîyi Dia Nzambi Ku Diambuluisha Dia Broshire
1 Basadidi bonso baditshipe ba Yehowa badi ne bujitu bua kulongesha bakuabu Dîyi dia Nzambi. Mushinga wa mudimu eu udi utumuenekela patudi tumvua se: eu udi mupeshibue bukokeshi mu diulu ne pa buloba udi utuomekela bujitu bua kuenza “bantu ba bisamba bionso bayidi, . . . kubalongesha.” (Mat. 28:18-20, NW) Nenku buambi bua lumu luimpe budi butulomba bua tulue balongeshi.—2 Tim. 2:2.
2 Mu Luishi, netutumike ne nzanzu yetu ya bulongeshi mu difila dia broshire. Tudi mua kuangatshilamu imue ngenyi ya milowo ya mu Bible ne kulongolola amue mumvuija adi atuambuluisha bua kutuadija diyukidilangana.
3 Biwaleja broshire wa “Dieu se soucie-t-il vraiment de nous?” udi mua kuamba nunku:
◼ “Tudi bakumbule bena mutumba benu bavule, ne tudi bamone se: badi banyingalala bua didiunda dia dibunda bibawu, dia ditshinyishangana ne dia tshikisu. Bua kuebe kumona, bua tshinyi malu aa adi matangalake nunku? [Lekela muntu andamune.] Bidi bikoka ntema yetu pa kubambisha ne: Bible ukavua muamanyishe. [Bala 2 Timote 3:1-3.] Umanye se: avua ne bua kuenzeka mu ‘matuku a ku nshikidilu.’ Ebi bidi biumvuija ne: bualu kampanda budi bufika ku tshibungubungu. Udi wela meji munyi?” Lekela muntu andamune. Bulula broshire mu dibeji dia 22, leja tshimfuanyi ne konkononayi mvese umue peshi ibidi mitela mu dibeji edi. Wenze malongolola bua kualukila ne kumvuija bua tshinyi tudi tuitabuja ne: mabenesha aa neamueneke mu tshitupa tshîpi.
4 Imue misangu newanyisha kuleja broshire wa: “Quel est le but de la vie? Comment le découvrir?”:
◼ “Bantu bavule badi ne lutatu lua kupeta tshipatshila tshia muoyo wabu. Bakese ke badiku ne disanka, kadi bavule badi ne nsombelu wa dibungama ne wa makenga. Udi wela meji se: ke malu avua Nzambi mulaye bua kutufikilawu anyi? [Lekela muntu andamune.] Bilondeshile Bible, Nzambi mmusue bua tuetu kuikala ne muoyo mu muaba wa buen’eu.” Leja tshimfuanyi tshia mu dibeji dia 21, ne pashishe utangile mu mabeji a 25 ne 26, bikoso 4-6, ne umvuije tshidi Nzambi mulaye. Wele lukonko elu bua dikumbula dialonda: “Mmunyi mutudi mua kujadika se: Nzambi neakumbaje malaya ende?”
5 Tudi mua kufila broshire wa: “Ikalayi ne muoyo wa kashidi ne disanka pa buloba!” pa kuleja tshimfuanyi tshia pa mutu tshionso ne kuebeja ne:
◼ “Newanyishe kusomba muaba muule ne bantu ba disanka wa mushindu eu anyi? [Lekela muntu andamune.] Bible udi utuambila ne: Nzambi mmunange bantu ne mmusue kubamona ne muoyo wa kashidi ne disanka pa buloba.” Tangila tshimfuanyi tshia 49, ne ubale umue wa ku mvese mitela. Pashishe uleje tshimfuanyi tshia 50, ne umvuije tshidi tshikengela kuenza bituajinga kusomba mu Mparadizu. Umuebeje bua kualukila ne kuyukidilangana pa mushinga wa kuikala ne ditabuja mu Yezu Kristo.
6 Yehowa udi ne disanka patudi tuenza bua ‘dikola dietu dimueneke patoke pa kuikala tutabalela diyisha dietu.’ (1 Tim. 4:15, 16, NW) Broshire neyikale ya mushinga mukole bua tuetu kuambuluisha aba badi bajinga kuteleja ‘lumu luimpe ne lumu lua diakalengele.’—Yeshaya 52:7.