Diambulula dia mu Kalasa ka Mudimu wa Teokrasi

DIBEJI DIA MANDAMUNA

Diambulula edi didi ne malu malonga mu kalasa lumingu lua dia 1 Lumungulu too ne lua dia 21 Tshimungu 1995.

MAMANYISHA: Muntu yonso udi ne bua kuikala ne dibeji dia nkonko ya diambulula dipatula mu Mudimu wetu wa Bukalenge. Wikale mushindike se: aba buonso badi bajinga kufila mandamuna badi ne dibeji dia kufundila. Mutangidi wa kalasa neamanyishe dîba diatuadija diambulula dienjibua mu minute 25. Kunyima kua minute eyi, neabale ne dîyi dikole nkonko ne mandamuna (udi kabidi mua kulomba bateleji bua kuandamunabo ku imue nkonko). Udi ne bua kukoka ntema yabo pa nkonko mikole ne kuambuluisha muntu yonso bua kumvua mandamuna bimpe. Mulongi yonso udi mua kulongolola dibeji diende nkayende pa kuenza amu kamanyinu ku luseke lua diandamuna dionso diakane. Kabakusangisha mabeji nansha. Musangu wonso, kabitu bipepele bua kufunda mandamuna wonso malelela pa dibeji dia mandamuna; ke bua tshinyi diandamuna dionso dimpe didi mu diumvuangana ne ngumvuilu wetu wa bulelela udiku lelu’eu nedianyishibue, nansha bikaladi kadiyi pa dibeji dia mandamuna. Kabena ne bua kufila dibeji edi dia mandamuna kudi bena mu tshisumbu bua kudibalabo kumpala kua diambulula nansha; kadi mutangidi wa kalasa udi mua kutumika nadi bua kushindika ngenyi kampanda. Nebatumike amu ne Bible nkayende munkatshi mua diambulula.

DIMANYISHA KUDI MUTANGIDI WA KALASA: Tshishiferi tshidi kumpala kua kamanyinu ka mukanda ntshiakanangane ne lumingu ludi lulonda kunyima kua diambulula dishale, lumingu luvuabo bakonkonone malu adi ne diandamuna ku lukonko.

Fundayi Bulelela peshi Dishima kunyima kua biambilu bidi bilonda ebi:

1. Ditendelela Nzambi mmuanda udi utangila muntu pa nkayende ne ki mmusuikakaja nansha kakese ku malanda etu ne bakuabu. (1 Yone 4:20) [1, uwSH dib. dia 134 tshik. tshia 7] Dishima. Mu mushindu kampanda, ditendelela Nzambi didi dianyishibue ndisuikakaja ku dinanga dietu bua bana betu.

2. Mubelu mupesha bena nkristo ba bisamba bia bende kudi kasumbu kaludiki bua kuepukabo ditendelela mpingu, didia mashi ne dienda masandi uvua mushindamene pa Mikenji ya Mozese. (Bienzedi 15:28, 29) [13, uwSH dib. dia 149 tshik. tshia 8] Dishima. Nansha muvua mikandu bu nunku isanganyibua mu Mikenji, ivua bushuwa mishindamene pa mianda ya mu Bible mifunda kumpala kua Mikenji.

3. Ku ntuadijilu, Mikenji ya Mozese ivua miomekela bukua-bantu buonso bua kuyitumikilabo. (Mus. wa 147:19, 20) [8, uwSH dib. dia 148 tshik. 5] Dishima. Mikenji ya Mozese kayivua miomekela nansha kakese bukua-bantu buonso bua kuyitumikilabo.

4. Nshapita wa 53 wa Yeshayi, mufunda bidimu bitue ku 700 kumpala kua diledibua dia Kristo, udi bu muyuki wa dikema wa mumonyi udi wakula bua Yezu ne bua malu avua mamuenzekele. [12, si dib. dia 112 tshik. tshia 8] Bulelela.

5. Miaku ya Solomo idi mu Muambi 3:1, 2 idi ifunkuna patupu dilondangana dia muoyo ne lufu, apo ki nkumanyisha kua tshidi tshidianjila kufundila muntu yonso bua kumufikilatshi. [6, Dibala dia Bible; tangila wF91 15/10 dib. 5.] Bulelela. Nansha kakese dîba menemene dia lufu ki ndidianjila kufunda kudi Nzambi, bienze bu tshidime udi wangata dipangadika dia “kukuna” peshi “kutuula bivua bikuna” pa dîba kampanda.

6. Kakuena mpokolo nansha umue mu bulongolodi ebu udi mua kuakanangana ne mibelu ya meji idi Bible ufila pa nsombelu wa dîku. [7, uwSH dib. dia 144 tshik. tshia 11] Bulelela.

7. Mukanda wa Nsumuinu udi ulenga pa dijita menemene dia bilumbu bietu pa kutubela bua kuteka dieyemena dietu dijima kudi Nzambi. [5, si dib. dia 105 tshik. tshia 35] Bulelela.

8. Baledi badi balekela bana babo batangila televizion kakuyi mikandu badi bushuwa bababueja mu njila wa budikadidi bunekesha. (Nsum. 29:15) [5, Dibala dia Bible; tangila wF88 1/8 dib. dia 12 tshik. tshia 8.] Bulelela.

9. Padi bilumbu bijuka mu dibaka, muena nkristo mulelela kakushindamena pa mapanga a muena dibaka nende bu kabingila kadi kamupa njila bua kulengulula majitu ende to. [3, uwSH mab. 140-1 bik. 4, 5] Bulelela. Neadikoleshe bua kuakama ntatu ya mu nsombelu ne kupeta mishindu mikumbanyine ya kuyijikija mu diumvuangana ne mêyi-makulu a Yehowa.

10. Dimanyisha dia Solomo mu mukanda wa Muambi dia se: bionso bidi patupu ndilamika tshintu kayi tshionso kabiyi kufùla tshimuepele. [9, si dib. dia 108 tshik. tshia 15] Dishima. Ntempelo wa Nzambi, ntendelelu mukezuke, ne dipa dia muoyo ki mbiumvuija pabi kudi Solomo bu bia patupu nansha.

Andamunayi ku nkonko idi ilonda eyi:

11. Ndîyi-diludiki dinene kayi didi dimanyisha mu Ekesode 20:7? [15, uwSH dib. dia 152] Tudi ne bua kuangata dîna dia Nzambi ne kanemu. (Diumvuija ndikumbane)

12. Babidi ba ku bakalenge banayi bavua bakokeshe mu Yudeya pavua Yeshayi usadila bu muprofete mbanganyi? [12, si dib. dia 112 tshik. 3] Uziya, Yotama, Akaze, ne Hezekiya. (Nansha babidi kayi batedibua)

13. Anu mudibi biumvuija mu Yeshayi 14:4, 12-14, muena tshikadilu tshivua tshileja kudi mukalenge wa Babilone nnganyi? [16, Dibala dia Bible; tangila wF85 15/3 dib. dia 16 tshik. 2.] Satana ke muena tshikadilu tshivua tshileja. (Diumvuija ndikumbane)

14. Bilondeshile Ekesode 19:10, 11, ntshinyi tshidi Yehowa ulomba bamutendeledi bende? [15, uwSH dib. dia 152] Batendeledi ba Yehowa badi ne bua kuikala ne mankenda a mubidi. (Diumvuija ndikumbane)

15. Nnganyi udi nsentedi wa mu matuku etu aa, ne mmukenji kayi udiye umanyisha? (Yesh. 21:8, 12) Mbashadile ba Izalele wa mu nyuma badi bafila didimuija ne bukitu buonso pa dilubuluka dia “butuku” buatua ku nkomenu wabu ku Armagedon ne buena “dinda” dialonda ne [ntuadijilu wa] bukokeshi bua Mileniuma bua ditalala bua Kristo. [17, Dibala dia Bible; tangila wF87 1/3 dib. dia 12 tshik. tshia 10.] (Diumvuija ndikumbane)

16. Bua tshinyi Muambi 12:12 udi ufila mmuenenu mubi nunku pa bidi bitangila mikanda? [9, Dibala dia Bible; tangila wF87 15/9 dib. dia 25.] Pa kufuanyikija ne Dîyi dia Yehowa, mikanda mivulavulayi ya bena bulongolodi ebu idi ipatuibua bu kakuena ndekelu wayi idi’amu ne ngeledi wa meji patupu wa bantu. “Kulamata bikole” ku mifundu bu nunku ya bantu patupu kudi kupetesha masanka a mushinga anu mukese. (Diumvuija ndikumbane)

17. Mu diumvuangana ne Nsumuinu 1:2-4, ntshinyi tshidi mukanda wa Nsumuinu uzangika? [4, si dib. dia 104 tshik. tshia 19] Udi uzangika dimanya, meji ne bujinguludi. (Diumvuija ndikumbane)

18. Ntshinyi tshivua Paulo ujinga kumvuija pakasengelelaye bena Kolinto bua “kualabala”? (2 Kol. 6:13) [2, uwSH dib. dia 137 tshik. tshia 14] Uvua ubalomba ne muoyo umue bua “kualabala” pa kuleja disuangana ne dinanga kudi bakuabo. (Diumvuija ndikumbane)

19. Mmunyi mudi dinanga “ne bukole bu lufu”? (Mus. wa Sol. 8:6, 7) [11, Dibala dia Bible; tangila wF87 15/11 dib. dia 25.] Mu kufiatutuka kuadi bua kupeshibua lulamatu lujima kaluyi kuabanya, dinanga dilelela didi dilomba ne kusuminyina anu bu Sheol (lukita) mu dilomba diende dia mibidi ya bafue. (Diumvuija ndikumbane)

20. Mmalongesha kayi makuatshishi adi mafidibue mu Musambu mulengele wa Solomo? [11, si dib. dia 111 tshik. tshia 16] Lulamatu, bulamatshi ku mikenji, ne muoyo mutoke [pa kulamata ku] mêyi-maludiki a Nzambi, pamue ne bulengele bua bikadilu bia tshitembu ne bua bianza bitoke. (Diumvuija ndikumbane)

Kumbajayi miaba idi mishale patupu mu biambilu bidi bilonda ebi:

21. Nansha mutudi katuyi muinshi mua Mikenji ya Mozese, netupete masanka a bungi mu dikala ne dimanya dilelela dia mêyi makulu a nshindamenu ne bilejilu bia baprofete bidi mu mikenji eyi. [14, uwSH dib. dia 153 tshik. tshia 14]

22. Mukenji udi mu Ekesode 20:4-6 udi ukandika kutendelela kua mpingu, kabidi mvese eyi idi isokolola mudi muine mukenji eu mushindamene pa dîyi-diludiki dia se: Yehowa udi ulomba anu kulomba lulamatu lujima kaluyi kuabanya. [16, uwSH dib. dia 152]

23. Dîyi-diludiki didi mu Dutelonome 7:1-4 didi dileja patoke ne: musadidi wa Nzambi kêna ne bua kudia tshiovo bua dibaka ne muntu udi kayi usadila Yehowa. [17, uwSH dib. dia 152]

24. Mu Musambu wa Solomo 2:1-3, ngakuilu ya mu tshimfuanyi mitumika nayi idi isokolola budipuekeshi ne budipope bia Sulamite, kabidi ne bikadilu bia tshitembu ne makokeshi majima bia mulami wa mikoko. [10, Dibala dia Bible; tangila wF87 15/11 dib. dia 24.]

25. Basadidi ba lulamatu ba Nzambi badi bimansha bienzedi bia diebeja bafue mamanyisha bua ba-muoyo, bualu mayukidilangana bu nunku adi bushuwa enjibua ne ba-demon. (Yesh. 8:19) [14, Dibala dia Bible; tangila wF89 15/3 dib. dia 20 tshik. tshia 11.]

Mu biambilu bidi bilonda ebi, elayi kashonyi muinshi mua mandamuna malelela:

26. Bilondeshile Nsumuinu 26:20, 21, bituikala (bena lukasa ku dipindulula; bena kulapula malu; bapole-malu), pamutu pa ‘kusakidila nkunyi mu kapia’ ne kubunda bakuabu matandu, netuikale ne (bilumbu bietu nkayetu; kuyukidilangana kukese; malanda masheme) nabu. [3, Dibala dia Bible; tangila wSH No. 10/91 dib. dia 20 tshik. tshia 16.]

27. Bilondeshile Nsumuinu 27:6, muntu udi mukunange (kakukuamba nansha kakese dîyi didi dikutapa munda; kakutshina bua kukuambila bulelela pa muanda udi ukutangila; udi ukupa mibelu paudi uyikengela). [4, Dibala dia Bible; tangila wSH No. 9/90 dib. dia 28.]

28. Tshijadiki tshia se: Solomo ke mufundi wa mukanda wa Muambi tshidi mua kumuenekela ku muanda wa se: (dîna diende didi disanganyibua mu mukanda muine; bafundi ba mikanda mikuabu ya mu Bible badi bamutela bu muwufundi; mukanda muine udi ujadika mudi Solomo muikale eu udi muwufunde kawuyi utela dîna diende). [6, si dib. dia 106 tshik. 4]

29. Bantu badi bela meji se: tshikadilu tshibi tshia dipanga busunguluji kudi bena lelu, ne mmuenenu wabu wa se: bionso mbianyishibue, bushuwa (ki mbabiipe; mba kufuila luse; badi mu mîdima ya mu nyuma). (Yesh. 5:20) [13, Dibala dia Bible; tangila wSH93 1/3 dib. dia 11.]

30. Musambu wa Solomo udi uzangika (muanzu wa Solomo bu mukalenge; bubanji buvulavulayi bua Solomo; lulamatu lujima lua nsongakaji wa mu ditunga kudi nsongalume mulami wa mikoko). [10, si dib. dia 109 tshik. 2]

Suikakajayi biambilu bidi bilonda ebi ku mvese idi mibiakanyine:

Nsum. 22:3; Muambi 7:21, 22; Yesh. 13:19, 20; Mat. 5:23, 24; Kolos. 3:18-20, 23, 24

31. Nansha mudi Yehowa kayi upetesha tshisamba tshiende bukubi budianjila kujadika budi buepula nkayabu ku njiwu, mvita ya bena ditunga, peshi dibunda dia bibawu, dienza malu pa kutumika ne meji makanyine a mu Bible didi mua kufila dikuatshisha dia mushinga mukole. [Nsum. 22:3] [1, Dibala dia Bible; tangila wSH 1/92 dib. dia 10 tshik. tshia 23.]

32. Kudi tubingila tujalame bua kubenga kuela mpata nansha kakese pa dikumbana dia milayi ya mu Bible. [Yesh. 13:19, 20] [15, Dibala dia Bible; tangila wSH 5/92 dib. 6.]

33. Muena nkristo mulelela udi ne bua kudianza kuela tshiidia bua kubueja malanda a ditalala pankatshi pende ne bana babo. [Mat. 5:23, 24] [2, uwSH dib. dia 135 tshik. tshia 10]

34. Bua kukolesha malanda mu dîku, ki mbimpe kuindila bua bakuabu benze tshidi tshikengedibua, kadi muena dîku yonso udi ne bua kuenza tshiende tshitupa, nunku kuleja mudiye yeye muine wenza malu bilondeshile ditshina dia kanemu bua Nzambi ku nzubu. [Kolos. 3:18-20, 23, 24] [7, uwSH dib. dia 143 tshik. tshia 10]

35. Ki mbia meji bua kutekemena bua kuleja bupuangane mu biwudi wenza bua disanka diebe nkayebe peshi mu malanda ebe ne bakuabu bu mudibo bantu bapange bupuangane. [Muambi 7:21, 22] [8, Dibala dia Bible; tangila wF90 1/3 dib. dia 8.]

S-98-SH #286b 8/95 Dipatula mu Zaïre