“Batuadi Ba Mukenji Wa Ditalala Dia Nzambi”—Mpuilu Wa Distrike Wa 1996
1 Ku bantu 265 750 bavua babuele mu mpuilu wa distrike wa: “Basamunyi bena disanka” mu 1995 mu teritware wetu, ba bungi mbaleje dianyisha diabu bua ngenyi mikoleshi, mu ngakuilu wa mu nyuma. Mitshima yetu ivua miuule ne disanka pa kumona bayidi 4 318 bavua batambule bua kuleja didilambula diabu kudi Nzambi. Tuvua basanke bua kupeta mikanda mipiamipia ibidi eyi: Les Témoins de Jéhovah et l’instruction ne La connaissance qui mène à la vie éternelle. Bu mutuvua bababidile programe mukoleshi tshidimu tshishale bidi ne bua kutusaka bua kuenza madikolela etu wonso bua kubuela mu mpuilu ya distrike ya 1996: “Batuadi ba mukenji wa ditalala dia Nzambi.” Netusanke buonso bua kubikila aba badi balonga Bible netu. Bua yonso wa kutudi udi wanyisha kutungunuka ne kusadila Yehowa mu disanka mu matuku a ku nshikidilu aa, mpuilu eyi neikale mpokolo wa dikankamijibua ne dikoleshibua mu nyuma.
2 Udianjile kudiakaja bua kuikalaku mu matuku asatu a difesto dilenga edi dia mu nyuma, biangatshile ku musambu wa mbangilu ne ku disambila dia nkomenu. Pawadiakaja bua kubuela mu mpuilu, uleje dinanga pa kuvuluka aba badi bakengela diambuluisha, nangananga aba badi batuadije kulonga bulelela mu matuku makese aa, bua kubuelabu pabu mu bitupa bionso bia mpuilu. Nebikengedibue bua ukonkonone mamanyisha mafunda mu dibeji disakidila edi ne bantu badi balonga nebe Bible ne badilongolola bua kubuela mu mpuilu. (Gal. 6:6, 10) Mu ditanu, mpuilu neatuadije ne mijiki mu 9:30 ne neajike mu 16:30. Mu disambombo, neatuadije mu 9:30 ne neajike panyima pa musambu ne disambila mu 16:30. Programe wa mu Dia lumingu neatuadije mu 9:30, ne mpuilu neajike mu 16:00. Mamanyisha adi alonda aa neanuambuluishe mu didilongolola dienu.
3 Miaba ya kulala neyifidibue ku nzubu ya bantu. Tudi ne bua kuleja dianyisha dietu kudi bana betu aba badi bitaba bua kutupesha miaba ya kulala. Nebikale kabidi bibi pikala aba badibu bakidila banyanga malu ne balomba bua kubatekabu matuku a bungi kumpala peshi panyima pa mpuilu. Miaba ya kulala idi ifidibua anu MU MATUKU A mpuilu. Aba badi bapeshibua miaba ya kulala badi ne bua kunemeka bintu bia muena nzubu, kabanyangi tshintu, kabayi mu miaba idibu kabayi babikidibue, nebenze bua bana babu kulondabu ngenzelu eu. Bikala bena nzubu mua kubuelakana mu lutatu kayi luonso pa bualu ebu, badi ne bua kumanyisha diakamue tshibambalu tshia miaba ya kulala, etshi netshikale mua kubambuluisha.
4 Bamue bamanyishi ne bana babu badi ne majinga a pa buawu; nenku tudi ne bua kubaleja dijinga dietu dia kubambuluisha. Tshisumbu, ne nangananga bakulu, badi ne bua kutabalela bantu aba, kadi kabatudi bujitu buabu ne kubutentekela tshibambalu tshia miaba ya kulala tshia mpuilu nansha. Bakulu peshi bena mu tshisumbu bakuabu badi bamanye bualu ebu badi mua kuleja dinanga pa kufila diambuluisha didi dikengedibua. Ebi bidi misangu mivule bikengela ne: bamanyishi batabalele majinga a basadidi ba ku dîba ne ku dîba, a bakulakaje peshi a balema ne bakuabu. Tshilejilu, badi mua kubambuluisha pa kuya nabu peshi kubatabalela mu mishindu kabukabu.—Yak. 2:15-17; 1 Yone 3:17, 18.
Aba babuela mu mpuilu mukuabu
5 Misangu mivule, mpuilu uudi mulombibue bua kubuela ng’udi pabuipi ne muaba uudi musombele. Malongolola mmenza bua bungi bua miaba, bua mikanda, bua biakudia, bua miaba ya kulala, ne bikuabu, bilondeshile dîyi-diludiki dia se: bamanyishi bavule nebatantshile mpuilu udibu babikidibue bua kubuela. Kadi, biwikala ne kabingila kakumbanyine bua kubuela mu mpuilu mukuabu, udi ne budikadidi bua kuya.
Diambuluishangana dienu didi ne mushinga
6 Dienza mudimu bimpe ne mu mushindu muakane dia tshibambalu tshia miaba ya kulala ndishindamene pa diambuluisha dia muntu yonso. (Eb. 13:17) Ke bua tshinyi tudi tulomba muntu yonso bua kuambuluishanganaye ne tshibambalu tshia miaba ya kulala tshiteka kudi Société. Nenku, netukepeshe ntatu itudi tupeta.
[Assembly Location List]
MPUILU YA DISTRIKE BUA 1996
MATUKUMIABABIJENGU BIBIKILA
05-07 KashipuKinshasa (F) KIN-4, KIN-7, KIN-10
12-14 KashipuKinshasa (LI-1) KIN-1, KIN-3, KIN-8, KIN-12, KIN-13
Kananga KA-1, KA-14, KA-18, KA-19, KA-28, KA-30
Bujumbura/Uvira KI-8, BU-1, BU-2, BU-3
Malemba Nkulu S-8, S-9, S-10, S-14, S-16
19-21 Kashipu Kinshasa (LI-2) KIN-2, KIN-5, KIN-6, KIN-9, KIN-11
Bukavu KI-1, KI-11, KI-12
Ilebo KA-10, KA-15, KA-21, KA-29
Mbuji-Mayi KA-2, KA-5, KA-13, KA-16, KA-17, KA-20, KA-25
Butembo KI-5, KI-7, KI-9, KI-10
26-28 Kashipu Bunia HZ-4, HZ-12
Matadi BZ-1, BZ-2, BZ-5, BZ-8
Kasongo Lunda B-7, B-13, B-17
Mbandaka E-2, E-7, E-16, E-17, E-23, E-24
Goma KI-2, KI-6
Mwene-Ditu KA-3, KA-8, KA-9, KA-24
02-04 Tshimungu Brazzaville CO-1, CO-4, CO-5, tshitupa tshia CO-7, tshitupa tshia CO-8
Lubumbashi S-1, S-2, S-13, S-17, S-20
Bandundu B-1, B-10
Gemena E-1, E-14, E-18
Isiro HZ-2, HZ-6, HZ-13, HZ-17, HZ-18
Mbanza Ngungu BZ-3, BZ-4, BZ-6, BZ-7
09-11 Tshimungu Kenge B-3, B-9, B-21
Pointe-Noire CO-2, CO-6, tshitupa tshia CO-8
Kolwezi S-3, tshitupa tshia S-5, tshitupa tshia S-15
Nioki B-4, B-6, B-14, B-15
Gbadolite E-5, E-9, E-19
Kisangani HZ-1, HZ-5, HZ-7, tshitupa tshia HZ-9, HZ-10, HZ-14, tshitupa tshia HZ-16
16-18 Tshimungu Sandoa tshitupa tshia S-5, S-21
Kongolo KI-4, tshitupa tshia S-18
Kikwit B-2, B-5, B-8, B-16, B-19, B-20, B-22
Buta HZ-8, HZ-11
Lisala E-8, E-11, E-21
23-25 Tshimungu Ouesso CO-3, tshitupa tshia CO-7
Bumba E-4, E-12, E-15, E-20, E-22, HZ-3, HZ-15
Moba S-11, S-12, tshitupa tshia S-18, S-19
Boende E-3, E-6, E-10, E-13, E-25, E-26
30 Tshimungu - 01 Kabitende Kamina S-4, S-6, S-7, tshitupa tshia S-15
Tshikapa KA-6, KA-22, KA-23
Kindu KI-3, tshitupa tshia HZ-9, tshitupa tshia HZ-16
Lodja KA-4, KA-7, KA-11, KA-12, KA-26, KA-27
27-29 Kabitende Mukedi B-11, B-12, B-18, B-23
7 Mu didilongolola bua kubuela mu mpuilu ya distrike bua 1996: “Batuadi ba mukenji wa ditalala dia Nzambi,” pamue ne bana betu ba balume ne ba bakaji, tuanyishayi bua kuvuluka dikuatshisha ne bintu bietu ne mfranga ditudi mua kufila bua dilongolola dia difesto dia mu nyuma edi! Anu bu bena Izalele ne bena nkristo ba kumpala, katuyi mu mpuilu bianza bitupu nansha.—Dut. 16:16, 17; 2 Kol. 8:12.