Mamanyisha
◼ Difila dia mu Tshiongo: Broshire isatu ya mabeji 32. Luishi: Broshire. Luabanya: Udi mua kuikala ne muoyo wa kashidi pa buloba bukudimuna mparadizu. Tshisanga: Udi mua kuikala ne muoyo wa kashidi pa buloba bukudimuna mparadizu ne broshire. Lumungulu: Les Saintes Écritures — Traduction du monde nouveau ne mukanda wa La Bible: Parole de Dieu ou des hommes? Kabalashipu: Le plus grand homme de tous les temps.
◼ Binuikala kanuyi bapete “Tukonkononayi Mifundu” bua 1996, tudi tunulomba, panutshidi bindila, bua kuangata mvese ya dituku ya ngondo ya kumpala ya mu 1995. Nutangile dituku dia ngondo. Tshilejilu, mu dimue dia 1 Tshiongo 1996, nenukonkonone mvese wa mu Dia lumingu dia 1 Tshiongo 1995.
◼ Bisumbu nebiangate mapangadika makumbanyine bua Tshivulukilu tshienzeka tshidimu etshi mu dia 2 Tshisanga panyima pa dibuela dia dîba. Bidi bipite buimpe bua bisumbu kuenza Tshivulukilu pa nkayabi, nansha mutu mushindu kawuyiku misangu yonso. Mu miaba idi bisumbu bivule bienzela bisangilu mu Nzubu wa Bukalenge umu’epele, nebikengele ne: tshimue peshi bivule bikuabo bienzele mu miaba mikuabu dilolo adi. Tshivulukilu katshiena ne bua kutuadija dîba dipite bualu bidi mua kutekesha bapiabapia badi basankidila bulelela. Dîba kadikadi kabidi dikese kumpala ne kunyima kua disekelela edi bua kumona mua kuela babikila muoyo, kulomba bamue bua kubapetesha diambuluisha dilunguluke dia mu nyuma peshi kukankamijangana umue ne mukuabu. Bamane kukonkonona ne lubatshi malu wonso, bakulu nebangate mapangadika makanyine bua ne buonso baalua mu Tshivulukilu bapeteleku masanka mavule.
◼ Muyuki wa pa buawu newenzeke mu bisumbu bionso mu Dia lumingu dia 21 Tshisanga 1996. Newikale ne tshiena-bualu etshi: Tushalayi katuyi ba kudiwula munkatshi mua tshipungu tshibipe. Netutabalela bua kubikila aba buonso babuela mu Tshivulukilu tshidimu etshi. Netuenze madikolela a pa buawu bua kuambuluisha miliyo ya bantu badi balonga Bible.
◼ Mu tshisangilu tshia mudimu tshia mu dia 8 Tshiongo, nebikengele kuenza bua kupetesha bamanyishi batambuishibue buonso mukanda wa “Instructions médicales — Pas de sang” ne tuarte tua bu-muntu bua bana babu.
◼ Programe wa dilonga dia mukanda: Biangatshile mu dia 29 Tshisanga too ne mu dia 2 Kabitende 1996, netulonge mukanda mupiamupia wa Dimanya didi difikisha ku muoyo wa kashidi. Muntu yonso mmukankamijibue bua kudipetela biangatshile ku mpindieu wende mukanda. Mumue ne: kutuadija ku dituku adi dia ngondo programe utudi tulonda mpindieu neimanyishibue bua tumone mua kuikala pa tshiidia tshimue ne bana betu buonso pa buloba bujima.