Mapa Bua Mudimu Wa Pa Buloba Bujima Wa Société Adi Ambuluisha Didiunda

Bu muvuabi bimanyisha mu Yeshaya 54:2, 3, ntendelelu mukezuke wa Yehowa udi utungunuka ne kudiunda pa buloba bujima. Ke mudibi mu mushindu wa pa buawu mu matunga mashilashilangane a mu tshitupa tshia buloba tshia Afrike, pamue ne mu bimue bidiila bia pabuipi. Mu bidimu dikumi bishale ebi, makandika avua pa mudimu wa Bukalenge akumbushibua mu matunga bu mudi Angola, Cameroun, Éthiopie, Guinée équatoriale, Madagascar, Malawi, Mozambique ne Togo. Mu matunga aa ne kabidi mu makuabu mudi madimi matoke bua dinowa, mbatumemu ba-misionere ba Gilada, bena mapoloma a Kalasa ka dilongesha mudimu, bena ku Betele ne bamanyishi bakuabu.​—⁠Mat. 9:​37, 38.

Mbiumvuike bua se: divulangana dia bungi bua batendeledi balelela mu bulongolodi bua Yehowa didi dilomba diibaka dia nkama ne nkama ya Nzubu ya Bukalenge. Bidi kabidi bikengela kuibaka Nzubu ya mpuilu ne kuasa anyi kudiundisha filiale. Tshitupa tshinene tshia mapa matumina Société bua mudimu wa pa buloba bujima badi batumika nawu bua kukumbaja majinga a mfranga makebesha kudi luibaku elu, ne bua kulubuluja mudimu wa Bukalenge ki ng’anu mu Afrike, kadi kabidi mu bitupa bikuabu bia buloba.

Foto ne bimfuanyi bizola bidi pa dibeji dia tshisakidila etshi bidi bituleja tshidi Société udikolesha mua kuenza mu Afrike. Mbaleja nzubu itshidibu benda biibaka ne eyi yatuadijabu mu matuku makese kumpala eku.

Pa kukonkonona tablo wa luapolo lua pa buloba bujima mu mukanda wa Annuaire 1996, nenupete lungenyi lutambe kujalama pa mudimu udi bamanyishi bakumbaja mu matunga aa. Matunga mavule mmapete dilubuluka dia kukatshila, ne bungi bua pa buabu bua babuedi ba mu Tshivulukilu budi buleja ditekemena dia didiunda divule. Patudi tuela meji pa tshidi mudimu wa buambi ne wa kuenza bayidi ufikisha ku dikumbaja mu bitupa bikuabu binene bia buloba, tudi tujingulula muabi utudi nawu wa ditua malu a ntendelelu mulelela nyama ku mikole pa bidi bitangila bintu bia ku mubidi.​—⁠Luka 16:9; 1 Tim. 6:⁠18.

[Miaku miumvuiji ya bimfuanyi pa dibeji 3]

Nzubu wa Bukalenge muibaka mu matuku 9 mu KwaZulu-Natal, Afrique du Sud.

Nzubu wa Bukalenge wa mushinga mukese, mu Nigeria.

Mu Mozambique, Nzubu wa mpuilu wa miaba 1 500, wajika ku ndekelu kua 1996.

Nzubu ya filiale wa Mozambique, yabangisha kutumika mu muvu wa automne 1996.

Filiale wa Sierra Leone, udi ne bua kujika mu muvu eu wa été.

[Miaku miumvuiji ya bimfuanyi pa dibeji 4]

Maurice: Nzubu wa mpuilu mumane kujika, mushiya buashi ku nseka, ne nzubu ya filiale idi ne bua kujika mu muvu wa printemps 1997.

Filiale wa Zimbabwe, utshiena washibua.

Nzubu wa mpuilu mushiya buashi ku nseka ne filiale utshiena washibua mu Sénégal.

Filiale mupiamupia wa mu Kenya ku Nairobi, tshimamuende wa bukalenge.

Filiale wa Madagascar, ukadi pabuipi ne kujika.

Mpàngu wa luibaku lua filiale bua Malawi.