Mamanyisha

◼ Mikanda ya kufila mu Tshiongo: Traduction du monde nouveau pamue ne mukanda wa La Bible : Parole de Dieu ou des hommes ? Luishi: Mukanda kayi wonso wa mabeji 192 mupatula kumpala kua 1984 udi mu stoke mu tshisumbu. Bisumbu bidi kabiyi ne mikanda eyi nebifile mukanda wa Mushindu wa kupeta lupandu luebe ne kupiana buloba bupiabupia. Luabanya: Buakabuluibua​—⁠Nkomenu wabu munene ukadi pabuipi! Tshisanga: Nsapi wa disanka mu dîku.

◼ Bisumbu nebienze malongolola makanyine bua Tshivulukilu, tshiasekeledibua tshidimu etshi mu Dia lumingu 23 Luabanya, panyima pa dibuela dia dîba. Muikalaku kakuyi tshisangilu tshikuabu nansha tshimue dituku adi, pa kumbusha tshisangilu bua mudimu wa buambi, mashintuluka adi akengedibua adi ne bua kuenzeka bua se: dilonga dia Tshibumba tshia Nsentedi dienzeke mu tshikondo tshikuabu. Batangidi ba bijengu nebikale pabu ne bua kuakaja programe wabu bua lumingu alu bilondeshile nsombelu ya pa miaba idibu. Mbitekemenyibue bua tshisumbu ne tshisumbu tshisekelele Tshivulukilu pa buatshi, nansha mutubi kabiyi bikumbana bua kuenza nanku misangu yonso. Miaba itu bisumbu bivule bienzela bisangilu mu Nzubu wa Bukalenge umue, nebikale pamu’apa bikumbane bua tshisumbu tshimue peshi bivule bia kudibi biye miaba mikuabu dilolo adi. Tshivulukilu katshiena ne bua kutuadija dîba dipite didi mua kutekesha ku muoyo basankididi bapiabapia ba bulelela. Ku luseke lukuabu, programe kikadi mufimpakane mu mushindu wa kupanga nansha dîba dikumbane kumpala ne panyima pa disekelela edi bua kuelangana muoyo ne bantu babikila, kulomba bamue ba kudibu bua kubapetesha diambuluisha dia mu nyuma dilondolola peshi bua kukankamijangana bamue ne bakuabu. Panyima pa bamane kukonkonona malu onso adi ne buenzeji pa disekelela edi, bakulu nebangate mapangadika pa tshidi tshiakanyine kuenza bua kupetesha bonso balua mu Tshivulukilu mushindu wa kutshibabidila menemene.

◼ Bilondeshile mushinga wa disekelela edi, kasumbu ka bakulu nekikale ne bua kusungula bu ngamba-malu bua Tshivulukilu umue wa ku bakulu batambe kukumbana pamutu pa kusungula muntu ku muntu peshi kutumika ne muanetu umue-umue bidimu bionso.

◼ Mu 1998, Tshivulukilu netshienzeke mu Disambombo dia 11 Tshisanga, panyima pa dibuela dia dîba. Dituku edi ndidianjila kumanyisha bua kupetesha mushindu wa kulaminyisha miaba peshi kufutshila nzubu mikuabu miaba itu bisumbu bivule bikale mu Nzubu wa Bukalenge umuepele, ebi bidi bibenzeja bua kukebabu miaba mikuabu tshikondo etshi.

◼ Muyuki wa pa buawu mulongolola mu tshikondo tshia Tshivulukilu newenjibue mu Dia lumingu 6 Tshisanga 1997. Bisumbu bìdì ne dikumbula dia mutangidi wa tshijengu, ne mpuilu wabi wa tshijengu peshi mpuilu wa pa buende wa dituku dimue lumingu alu nebiteleje muyuki wa pa buawu lumingu ludi lulonda. Tshisumbu nansha tshimue katshilongolodi bua muyuki eu kuenzekawu kumpala kua dituku dia 6 Tshisanga.

◼ Mikanda mipiamipia idiku:

Pourquoi adorer Dieu en amour et en vérité ? (broshire munene)

Louons Jéhovah par nos chants​— Lingala

Les Écritures grecques chrétiennes — Traduction du monde nouveau​—Swahili

◼ Tusete tupiatupia tudiku:

Faisons ce qui est droit aux yeux de Dieu— Mfualansa (kakuteleja)

Jusqu’aux extrêmités de la terre​— Mfualansa (video)

Mélodies du Royaume (ne biombelu)​— Mfualansa

◼ Mu Tshisangilu tshia Mudimu tshia mu dia 6 Tshiongo, bidi bikengela kulongoluela bamanyishi bonso batambule kakanda ka “ Instructions médicales — Pas de sang ” ne tuarte tua bumuntu tua bana babu.