Bisangilu Bia Mudimu Bua Tshisanga
Lumingu lua dia 7 Tshisanga
Min. 10: Mamanyisha. “Mandamuna ku nkonko yenu” ne mamanyisha makumbanyine a mu Mudimu wetu wa Bukalenge. Kankamijayi muntu yonso bua kulondesha disankidila dileja kudi aba bavua babuele mu Tshivulukilu mu dia 23 Luabanya.
Min. 15: “Tuibake dîku dietu.” Mu nkonko ne mandamuna. Tela malu mamonamona mangatshila mu Annuaire 1995, dib. 228.
Min. 20: “Tuambuluishayi mêku bua kudijadikilawu nsombelu udi unenga mu matuku atshilualua.” (bikoso 1-5) Umvuija mu mêyi makese tshikoso 1 ne pashishe wambe mushindu utudi mua kujula dijinga bua mukanda wa Disanka mu dîku ku diambuluisha dia biena-bualu bia nshapita, dia bimfuanyi bia mekala a bungi ne dia tuzubu tua nkonko ya diambulula. Lomba bamanyishi bakumbane bua kuenzabu bikoso 2-5 mu dinaya dia tshilejilu. Kankamija muntu yonso bua kuenza madikolela a pa buawu bua kufila mukanda wa Disanka mu dîku kudi mêku akadi mamane kuleja disankidila. Vuluka bua kuakula bua mapa a budisuile.
Musambu 71 ne disambila dia nkomenu.
Lumingu lua dia 14 Tshisanga
Min. 10: Mamanyisha. Luapolo lua konte ne “Mapiamapia a teokrasi.”
Min. 20: “Tulejayi dianyisha.” Mu nkonko ne mandamuna. Kankamijayi bonso badi ne mushindu bua kuikalabu bampanda-njila bambuluishi mu Lumungulu.
Min. 15: “Tuambuluishayi mêku bua kudijadikilawu nsombelu udi unenga mu matuku atshilualua.” (bikoso 6-8) Fila imue mibelu pa mushindu wa kufila mukanda wa Disanka mu dîku patudi tufila bumanyishi bua mu mpukapuka ku mudimu, mu bilongelu, mu tshisalu, mu mashinyi adi abuela bantu bonso, ne padi muntu mu dikumbula dia bena mu dîku diende. Lomba mumanyishi mukumbane bua kuenzaye dinaya dia tshilejilu pa ngenzelu mileja mu bikoso 6 ne 7. Diyukidilangana dia mu dikumbulula nedikale ne bua kuambuluisha muntu bua kumvuaye ne: dilonga dia Bible didi mua kukolesha malanda a mu dîku. Badi ne bua kulombola malonga ku diambuluisha dia broshire wa Ntshinyi tshidi Nzambi utulomba? ne tshipatshila tshia kupita ku mukanda wa Dimanya, nebishilangane amu bikala dilonga dituadija diakamue mu mukanda wa Dimanya.
Musambu 72 ne disambila dia nkomenu.
Lumingu lua dia 21 Tshisanga
Min. 5: Mamanyisha. Amba ne: kutshidi dîba dia kufila dilomba bua kuikala mpanda-njila muambuluishi mu Lumungulu. Akula bua bisangilu bisakidila bia buambi bulongolola bua ngondo eu mu tshisumbu.
Min. 25: “Tupetayi dikima bua kuenza makumbulula.” (bikoso 1-16) Mu nkonko ne mandamuna. Dinaya dia tshilejilu dîpi pa tshikoso 16.
Min. 15: Tuambuluishayi mumanyishi mupiamupia utshidi utuadija. Konkononayi tshikoso 19 tshia tshisakidila tshia Mudimu wetu wa Bukalenge wa Kashipu 1996. Dinaya dia tshilejilu: mumanyishi mukumbane udi uleja mulongi wa Bible udi ufuma ku dipeta dianyisha dia bakulu bua kuikala mumanyishi ukena mutambule mushindu wa kudilongolola. Badi bakonkonona pamue mukanda wa Mudimu wetu, dibeji 111 tshikoso 2. Mumanyishi mupiluke udi wakula pa malu adi mua kumueneka imue misangu padi muntu uyisha ku nzubu ne ku nzubu, uleja ne: kabiena bikengela kuditekesha mu mikolo bikala ba bungi kabayi ne diandamuna dimpe. Udi ulonda bualu bumonamona bukankamiji budi buleja disanka didi nadi muntu padiye upetangana ne muntu kampanda wa muoyo muimpe mudiakaje biakane bua kuteleja. Badi balongolola pamue dileja dia mu tshikoso ne dipepele dia bibejibeji ne badi badibidija. Makankamija mmafila ne luya ne bamanyishi aba babidi badi bangata mapangadika majalame bua kudifila pamue mu buambi munkatshi mua lumingu.
Musambu 89 ne disambila dia nkomenu.
Lumingu lua dia 28 Tshisanga
Min. 15: Mamanyisha ne Tutumikayi biakane ne Annuaire des Témoins de Jéhovah 1997. Tatu udi ukonkonona malu manene a mu mabeji 3-9 ne bena dîku diende. Amba bua tshinyi tudi tusanka bua kumona didiunda dia teokrasi pa buloba bujima. Tatu udi umvuija ne: mu tshidimu tshiatuadiji etshi nebangate minute mikese dituku dionso pa dîba dia didia bua kubala kakesekakese mukanda wa Annuaire, mutubu benza bua mufundu wa ku dituku.
Min. 15: “Tupetayi dikima bua kuenza makumbulula.” (bikoso 17-21) Mu nkonko ne mandamuna. Konkonona kazubu mu dibeji 3. Kankamija muntu yonso bua kubala makumbulula ikalaye muenze munkatshi mua ngondo pafundaye luapolo luende lua mudimu wa buambi.
Min. 15: Mikanda ituafila mu Lumungulu. Netufile Tshibumba tshia Nsentedi ne Réveillez-vous ! Akula mu mêyi makese bua mibelu mifila mu bikoso 3, 4 ne 8, dibeji 8, dia Mudimu wetu wa Bukalenge wa Kasuabanga 1996 pa mushindu wa kulongolola maleja a bibejibeji. Manaya a tshilejilu: bamanyishi babidi badi benza dileja dimue peshi abidi mîpi. Bamanyishi nebikale ne bua kuangata mêna a badi bitaba bibejibeji ne kubasakidila ku njila wabu wa bibejibeji.
Musambu 92 ne disambila dia nkomenu.