Mpuilu Ya Bukua-matunga Mu Amerike Wa Ku Nord Mu 1998

Bu muvuabi bimanyisha mu Disambombo dia 5 Kasuamansense 1996 mu Tshisangilu tshia ku tshidimu tshia bena mu Watch Tower Bible and Tract Society of Pennsylvania, Kasumbu Kaludiki nkapangadije bua kulongolola mpuilu ya bukua-matunga mu 1998. Pa kusakidila ku mpuilu ya distrike ya pa tshibidilu nebalongolole mpuilu ya bukua-matunga mu Amerike wa ku Nord pamue ne mu Afrike, mu Azi, ku Mputu, mu Amerike wa ku Sud, mu Antilles ne mu Pacifique wa ku Sud.

Mivule ya ku mpuilu eyi ya pa buayi neyenzekele mu Amerike wa ku Nord, ne baleji-mpala ba pa buloba bujima nebabikidibuemu. Kabidi, tudi tulongolola bua kuakidila ba-misionere ku mpuilu eyi ya bukua-matunga. Ba-misionere ne bana betu bakuabu badi bakumbaje malu malomba, nebabikidibue bua kubuela mu umue wa ku mpuilu eyi mu matunga abu mabalelela, peshi mu ditunga kampanda didibu nadi mutumba.

Musangu udi ulonda, nenupete mamanyisha makumbane pa matuku a ngondo, miaba, malu malomba bua kuikala muleji-mpala, mapangadika mangata bua baleji-mpala bafumina mu matunga menyi ne malu makuabu kabidi. Bungi butshintshika bua baleji-mpala ba mu États-Unis nebupete mushindu wa kubuela mu mpuilu ya bukua-matunga mu matunga makuabu. Bamanyishi badi bajinga kuuja dilomba bua kuikala munkatshi mua baleji-mpala aba nebasanke pamu’apa bua kutuadija kudibutshila mfranga bua dilongolola dia bibilu ebi bia pa buabi.