Mamanyisha

◼ Mikanda ya kufila mu Tshisanga: Nsapi wa disanka mu dîku. Lumungulu ne Kabalashipu: Tshibumba tshia Nsentedi ne Réveillez-vous ! Munkatshi mua lumingu ne mu teritware mienzela mudimu bikole, nenuikale mua kutumika ne broshire mupiamupia wa Ntshinyi tshidi Nzambi utulomba? Kashipu: Dimanya didi difikisha ku muoyo wa kashidi. Nenudienzeje muntu ne muntu bua kutuadija malonga a Bible a ku nzubu.

◼ Tshidimu etshi, muyuki wa pa buawu mulongolola bua tshikondo tshia Tshivulukilu nebawenze mu bisumbu bivule mu Dia lumingu dia 6 Tshisanga. Muyuki eu udi ne tshiena-bualu: “Dilamayi bakezuke ku bukoya bua mu bulongolodi ebu.” Yonso wa kutudi neikale ne bua kubuelamu, ne netuikale ne bua kubikila kabidi bantu badi badiakaje bimpe bikala babuele mu Tshivulukilu. Kakuyi mpata, bituateleja nebikoleshe dipangadika dietu dia kusankisha Nzambi.

◼ Mu bikondo bishilashilangane bia mu tshidimu, kakutu kalasa ne bantu kabatu benza mudimu mu matuku a diikisha. Ke bikondo bitambe buimpe bua tshisumbu kudifilatshi bikole mu mudimu wa buambi. Bakulu nebikale ne bua kulongolola bikondo ebi ne kudianjila kumanyisha tshisumbu mapangadika mangata bua kufila bumanyishi bua mu tshisumbu mu matuku a diikisha.