Diambulula Dia Mu Kalasa Ka Mudimu Wa Teokrasi
Diambulula edi nedienzeke ne mikanda mibuikila pa biena-bualu bilonga mu Kalasa ka Mudimu wa Teokrasi kutuadijila ku lumingu lua dia 6 Tshiongo too ne lua dia 21 Tshisanga 1997. Funda mandamuna onso audi mua kuikala nawu pa dibeji dikuabu bilondeshile dîba difidibue.
[Dimanyisha: Padi diambulula dienzeka, utumike amu ne Bible nkayende. Mikanda mitela idi kunyima kua lukonko luonso neyikuambuluishe mu makebulula ebe nkayebe. Nimero ya mabeji ne ya bikoso ki mmifidibue yonso bua makebulula ebe mu Tshibumba tshia Nsentedi to.]
Andamunayi Bulelela peshi Dishima ku biambilu bidi bilonda ebi:
1. Bidimu bia kumpala kua diunzulula dia Tshilongelu tshia Bible tshia Watchtower tshia Gilada, lumu luimpe luvua lufikisha mu madimi a kule kudi Bantemu bakalongela bulelela mu matunga menyi ne bakalukila mu matunga abu mabalelela bua kuyisha. [jv dib. 428 tshik. 2]
2. Gideona uvua ne bukokeshi bua kutshimuna bena Midiyana bualu uvua mukolesha mu busalayi. [ad dib. 578 bik. 3-4]
3. Mu dikumbana dia Zekâya 9:2-4, Tire uvua mubutula yonso kudi Nebukadnezare. [si dib. 160 tshik. 4]
4. Eva wakamba bualu bulelela mu mêyi ende a ne: mmupete muana wa balume (Kaina) “ku diambuluisha dia [“Yehowa,” NW].” (Tshibangidilu 4:1, MMM) [ad dib. 505 tshik. 7]
5. Nansha muvua C. T. Russell mumanyike bikole bu muena tshipedi tshia bungamba-malu bua patoke, ditabalela diende dia bantu ne muoyo umue ke diakamuvuija mumuangalaji wa evanjeliyo uvua upatula bipeta bimpe. [jv dib. 404 tshik. 2]
6. Dikoba difiike ki ndifume kudi Kanana muana wa Hama, wakelabu mulawu kudi Nowa. [ad dib. 257 tshik. 6]
7. Munkatshi mua “mbuji” mitela mu Matayo 25:31-46 (NW), yapeta dibutudibua dia kashidi, nemuikale bena mu Babilone Munene ba tshisumi ne balombodi ba bitendelelu babu. [Dibala dia Bible dia ku lumingu luonso; tangila w95 15/10 dib. 26 bik. 13-15.]
8. Bu tshipeta tshia dikengeshibua dikole ku Mputu, bungi bua bamanyishi buakapueka mu mushindu mukuate buôwa mu tshikondo tshia Mvita Mibidi ya Buloba bujima. [jv dib. 454 tshik. 2]
9. Difuila bakuabu luse didi ditokesha njila bua mpekatu yetu kufuidibuayi luse kudi Nzambi. [Dibala dia Bible dia ku lumingu luonso; tangila w94 15/9 dib. 7.]
10. Gabriele ng’umue wa ku banjelu anu babidi ba lulamatu badi Bible utela mêna. [ad dib. 563 tshik. 11]
Andamunayi ku nkonko idi ilonda eyi:
11. Nngenzelu kayi wa dikema uvuabu batumike nende ku Londres mu Angleterre, mu 1938 bua kumanyisha tshiena-bualu tshia muyuki wa mu mpuilu tshia “Face aux réalités” (Batuilangane ne mianda)? [jv dib. 447 tshik. 2]
12. Mmidimu kayi ibidi mikumbaja kudi Yezu Kristo ivua mileja mu Zekâya 6:12, 13? [si dib. 162 tshik. 25]
13. Ndongoluelu wa ne: bisumbu bitumike pamue mu difila dia mapa mu Tshibutshilu tshia Société tshia Nzubu ya Bukalenge ntshilejilu tshia ditumikila dîyi-diludiki kayi? [jv dib. 344 bik. 3-4]
14. Mmu mishindu kayi mudi bantu mua kupetela bulenga ku mulambu wa Yezu lelu’eu? [kl mab. 68-9 bik. 17-19]
15. Bua tshinyi katuena ne bua kuelakana bua kumvuija bena ku nzubu ne: mudimu wetu mmukuatshisha kudi mapa a budisuile? [jv dib. 349 tshik. 4]
16. Mmu ngumvuilu kayi muvua “Eliya muprofete” mumueneke mu siekele wa kumpala, mu dikumbana dia Malaki 4:5? [si dib. 165 tshik. 15]
17. Mmunyi muakatampakana mpekatu kudi bantu bonso? [kl dib. 58 tshik. 13]
18. Mu mukanda wa Matayo, mmuaba kayi utudi tupeta mubelu muimpe mufila kudi Yezu pa mushindu wa kujikija bilumbu binene? [Dibala dia Bible dia ku lumingu luonso; tangila w95 15/7 tshik. 22.]
19. “Ndenalio” mutela mu mufuanu wa Yezu wa mu Matayo 20:1-16 ntshinyi? [Dibala dia Bible dia ku lumingu luonso; tangila gt nshap. 97 tshik. 6.]
20. Tela malu abidi adi dilekela bubi kudi Yehowa dijadike. [kl mab. 77-8 bik. 18-20]
Kumbajayi miaba idi mishale patupu mu biambilu bidi bilonda ebi:
21. Evanjeliyo isatu ya kumpala mmitambe kubikidibua ne: synoptique, tshidi tshiumvuija ne: _________________________ . [si dib. 166 tshik. 3]
22. Lukuka luakasaka _________________________ musadidi wa Elisha, bua kuteta kuangata bintu bua diondopibua dia _________________________ dia nsudi kudi mfumuende. [ad dib. 623 par. 5]
23. Bu muakabengaye kuangata ne mushinga didimuija dia kudi banene ba basalayi, _________________________ wakashipibua kudi Yishemaele ne bantu bende. [ad dib. 622 tshik. 8]
24. Yehowa wakatumika ne baprofete aba: _________________________ ne _________________________ bua kutemeshilula musangelu wa tshisamba tshiende bua diasulula dia ntempelo. [ad dib. 39 bik. 6-7]
25. “Spiritu” udi upatuka munda mua bantu ku lufu _________________________ buakafumina kudi Nzambi. (Mus. 146:4) [kl mab. 81-2 bik. 5-6]
Sungulayi diandamuna dijalame mu tshionso tshia ku biambilu bidi bilonda ebi:
26. Kudi bijadiki bia se: Matayo wakafunda Evanjeliyo wende mu (tshiena-Ebelu; tshiena-Araméen; tshiena-Greke) ne pashishe wakamukudimuna mu (tshiena-Ebelu; tshiena-Araméen; tshiena-Greke). [si dib. 166 tshik. 6]
27. (Jezabele; Sara; Agare) uvua mu dinaya dia mu tshimfuanyi muvuaye muangate muaba wa tshisamba tshia Izalele wa ku mubidi, tshivua katshiyi ne bulenga bua kudi Yehowa. [ad dib. 39 tshik. 1]
28. Bena mu Afrike wa ku Ouest bavule bakibidilangana ne bulelela ku diambuluisha dia miyuki miashila pa Bible misonsodi ya ntema ya (Edwin Skinner; William Brown; Juan Muniz). [jv dib. 433 bik. 2-5]
29. Diteta ne lutambishi dia (Hamana; Hamata; Hanuna) bua kushipa bena Yuda diakapumbishibua kudi Mukalenge mukaji (Luta; Esetê; Debora). [ad dib. 637 tshik. 5]
30. Yezu wakalua Masiya ku (diledibua; ditambuishibua; dibiishibua ku lufu) diende, diakenzeka mu tshidimu tshia (2 K.B.B.; 29 B.B.; 33 B.B.). [kl dib. 65 tshik. 12]
Suikakajayi mvese idi ilonda eyi ku biambilu bifila kuinshi eku:
1 Sam. 1:12-16; Mat. 4:8-10; Mat. 16:19; Yak. 1:13; 1 Yone 5:19
31. Nzambi ki mmukebeshi wa ntatu mivule idi idituta pa bukua-bantu. [kl dib. 71 tshik. 3]
32. Balondi balelela ba Yezu badi babenga kubuelakana mu malu a tshididi a mu bulongolodi ebu. [Dibala dia Bible dia ku lumingu luonso; tangila w96 1/5 dib. 12 tshik. 9.]
33. Dimanya dia Bukalenge bua Nzambi divua ne bua kunzuluila bena Yuda, bena Samariya, ne bena Bisamba bia bende njila wa diya mu diulu. [Dibala dia Bible dia ku lumingu luonso; tangila w91 15/3 dib. 5.]
34. Bituikala babandibue mu tshikondo kampanda, ngikadilu wa budipuekeshi ne diandamuna difila ne kanemu nedituale pa tshibidilu bipeta bimpe bivule menemene. [ad dib. 639 tshik. 5]
35. Bena nkristo badi ne tubingila tuimpe tua kuditapulula ku bulongolodi ebu. [kl dib. 60 tshik. 18]
S-97-SH No. 291 4/97