Bisangilu Bia Mudimu Bua Lumungulu
Lumingu lua dia 5 Lumungulu
Min. 12: Mamanyisha. Mamanyisha makumbanyine a mu Mudimu wetu wa Bukalenge. Tela ngenyi ya kuyukidilanganapu miangatshila mu bibejibeji bia ndekelu.
Min. 15: “Bisumbu bia bantu bidi bisakidibua.” Mu nkonko ne mandamuna. Ambulula mibelu ya nshindamenu mipeta mu Tshibumba tshia Nsentedi tshia dia 15 Tshimungu 1993, mabeji 12-17.
Min. 18: “Tuambuluishe bantu bakena bapiluke bua kumvuabu.” Mu nkonko ne mandamuna. Ambulula imue ngikadilu ya broshire wa Utulomba: ngenzelu mupepeja wa dilonga, nkonko mishindika, bimfuanyi bidi bikoka ntema, mvese mivule ya mu Bible. Shindika ne: tshipatshila ntshia kutuadija malonga a Bible adi afikisha pashishe ku mukanda wa Dimanya. Dinaya dia tshilejilu kudi mumanyishi mukumbane pa mushindu wa kutuadija dilonga pa kutumika ne ngenzelu mufila mu tshikoso 4. Kankamija baledi bonso ba mu tshisumbu bua kulonga broshire eu ne bana babu batekete.
Musambu 130 ne disambila dia nkomenu.
Lumingu lua dia 12 Lumungulu
Min. 10: Mamanyisha. Luapolo lua konte. Bilondeshile dîba diamueneka, londa mu mêyi makese amue malu mamona a muaba unudi adi mu diumvuangana ne difidibua dia broshire wa Utulomba ne ditumika nende bua kutuadija malonga a Bible.
Min. 15: “Tulombole balongi ku bulongolodi bua Yehowa.” (bikoso 1-6) Mu nkonko ne mandamuna. Bala bikoso 5-6 ne mvese mifila. Londa malu mamona muaba unudi adi aleja muvua balongi ba Bible bandamune pavuabu bamone kasete ka video ka Les Témoins de Jéhovah — Un nom, une organisation.
Min. 20: “Tulongeshe bakuabu tshidi Nzambi utulomba.” Diyukidilangana ne bateleji pa bikoso 1-4. Dinaya dia tshilejilu pa ngenzelu wa mu tshikoso 5 mu nsombelu inayi mishilangane: mu musesu, ku tshiibi, mu tshijengu tshia bungenda ne mu lupangu lua nyama. Ambila muntu yonso bua avuluke bua kusumba broshire ne bibejibeji bua buambi anu dilolo edi kumpala kua kumbuka ku Nzubu wa Bukalenge.
Musambu 126 ne disambila dia nkomenu.
Lumingu lua dia 19 Lumungulu
Min. 15: Mamanyisha. Amba ne: kutshidi amu dîba dia kuuja dilomba bua kuikala mpanda-njila muambuluishi mu Kabalashipu. Konkonona “Mandamuna ku nkonko yenu” ne manyisha tshisumbu binuikala nukengela imue mikanda bua kusakidila mu tshilaminu tshia mikanda tshia ku Nzubu wa Bukalenge.
Min. 15: “Tulombole balongi ku bulongolodi bua Yehowa.” (bikoso 7-14) Mu nkonko ne mandamuna. Lomba mulongeshi mukumbane bua kulejaye mushindu wa kuenza diyukidilangana dia bulunda ne dia muoyo umue ne mulongi pa dikengedibua dia kubuela mu bisangilu.
Min. 15: Tutumike tshishiki ne mikanda yetu. Muyuki kudi mukulu. Bilondeshile luapolo mivule, bisumbu bidi bilomba bibejibeji bipite bungi butubi bifila ngondo yonso mu buambi. Pabuipi ne tshia bibidi tshia bibejibeji ebi katshitu tshibala mu luapolo ya mudimu. (Fila bishiferi bibadika mu tshisumbu.) Bibejibeji ebi bitu biya penyi? Bivule bitu binyangukila anu mu tubadi peshi babimansha. Mmunyi mutudi mua kuepuka bualu ebu? Mumanyishi yonso neikale ne bua kutshinka biakane dikengedibua diende ne kulomba anu bungi budiye mua kufila. Tuikale ne tshibidilu tshia kuleja bantu bonso batudi tupetangana nabu bibejibeji. Katunyangi bibejibeji bia kale nansha. Tudifilayi pa tshibidilu mu dituku dia bibejibeji. Katupu muoyo ne: tudi ne bua kuakula bua mapa a budisuile ne kufila pa lukasa dipa dionso.
Musambu 128 ne disambila dia nkomenu.
Lumingu lua dia 26 Lumungulu
Min. 10: Mamanyisha. Vuluija muntu yonso bua se: udi ne bua kufila luapolo luende lua mudimu lua Lumungulu. Tela mêna a bampanda-njila bambuluishi bua Kabalashipu. Ela kashonyi pa malongolola a pa mutu menza muaba unudi bua bisangilu bia buambi. Mu Kabalashipu, netuenze madikolela a pa buawu bua kualukila kutangila aba batuvua bashile broshire. Tshipatshila ntshia kutuadija malonga. Fila imue mibelu mu mêyi makese pa mushindu wa kuebeja ne bukalanga mêna a bantu batudi tupesha bumanyishi bua mu mpukapuka ne miaba idibu basombele. Udi mua kuanji kufila dîna diebe ne muaba uudi musombele ne kuebeja nimero ya telefone kuudi mua kumupetela. Lomba bateleji bua kufilabu mibelu mikuabu idi mimueneke ipatula bipeta bimpe.
Min. 15: “Bua tshinyi badi bawenza?” Mukulu kampanda udi uyukidilangana pa tshiena-bualu etshi ne bampanda-njila ba pa tshibidilu babidi peshi basatu. (Bikalaku kakuyi mushindu, ebeja bamanyishi batu misangu mivule benza bumpanda-njila buambuluishi.) Fila ngenyi minene ya mu tshiena-bualu tshia “Bampanda-njila—Peshayi ne nenupete mabenesha,” tshipatula mu Tshibumba tshia Nsentedi tshia dia 15 Tshiongo 1994. Ebeja muntu ne muntu bua kuambaye bua tshinyi udi mpanda-njila. Ambila bampanda-njila bua kulondabu malu mamona adi aleja mushindu wakabeneshibuabu.
Min. 20: “Nutshidi amu bapika ba bimue bilele bia bankambua anyi?” Diyukidilangana ne bateleji ne ditumika ne mibelu pa makengedibua a tshisumbu mene.
Musambu 129 ne disambila dia nkomenu.