Bisangilu Bia Mudimu Bua Tshimungu
Lumingu lua dia 4 Tshimungu
Min. 10: Mamanyisha. Mamanyisha makumbanyine a mu Mudimu wetu wa Bukalenge. Umvuija luapolo lua mudimu wa mu tshisumbu lua mu Kashipu.
Min. 15: “Lulamatu lutu lufutshibua.” Mu nkonko ne mandamuna. Akula bua bualu bulonda mu Réveillez-vous ! wa mu dia 22 Tshiongo 1993, mabeji 18-21.
Min. 20: “Tuambuluishe bakuabu bua kupeta busambi.” Diyukidilangana ne bateleji. Suikakaja tshikoso 4 ne 5 ku nsombelu wa muaba unudi. Longolola dinaya dia tshilejilu dimue peshi abidi mashindamene pa maleja mafila. Lomba bamue ba ku bateleji bua kulondabu muakatuadijabu diyukidilangana pa broshire imue-imue eyi mu mishindu mishilashilangane. Nenukankamije ditumika ne miaku mipepele ne misungula bimpe bua kujula dijinga dia kumanya. (Tangila Manuel pour l’École, dibeji 7, bikoso 9-11.) Akula bua broshire mikuabu idi mu stoke mu tshisumbu, inudi mua kufila.
Musambu 70 ne disambila dia nkomenu.
Lumingu lua dia 11 Tshimungu
Min. 12: Mamanyisha. Luapolo lua konte. Tshikepeshilu tshia tshiena-bualu tshia “Netulonge mukanda wa Disanka mu dîku.”
Min. 18: “Tuyishayi miaba idi bantu.” Muyuki. Bilondeshile dîba didiku, neutele malu makuabu mangatshila mu Annuaire 1997, mabeji 43-6.
Min. 15: Baledi: longeshayi bana benu kubangila ku buana butekete. Mukulu kampanda udi ukonkonona mêyi-maludiki a mu Mifundu adi ela kashonyi pa dikengedibua dia baledi dia kulongesha bana babu kubangila anu ku buana butekete. (Nsu. 22:6; 2 Tim. 3:14, 15) Baledi badi bela meji ne: bidi bikengela kuindila pafika bana mu tshikondo tshia kudiangatshila mapangadika abu nkayabu bua kushisha kubapesha dilongesha dishindame dia mu Bible. Ke bualu kayi bana ba bungi mbapambuke mu bulongolodi ebu. Dilongesha dia mu nyuma didi ne bua kutuadija anu ku buana butekete. (g97 8/3 26-7; w88 1/8 12-13) Ela nkonko kudi mulume kampanda ne mukajende badi baditatshisha bua nsombelu wa mu nyuma wa bana babu. Leja ne: tatu udi wangata dipangadika, kadi yeye ne mukajende badi benza muntu ne muntu tshiende tshitupa pa bidi bitangila kufila programe wa dilongesha mukuatakane ne muondoke kudi bana babu. Badi bumvuija madikolela adibu benza bua kukuna bulelela mu meji a bana babu pa kulonda mibelu ya bulongolodi bua kuikala ne programe muimpe ne muakanyine wa dilongesha kumbelu. Mukulu udi ushindamena pa mushinga wa kutumikila mibelu idi Dîyi dia Nzambi dipesha baledi.—Ef. 6:1-4.
Musambu 71 ne disambila dia nkomenu.
Lumingu lua dia 18 Tshimungu
Min. 12: Mamanyisha. Tshikepeshilu tshia tshiena-bualu tshia “Programe wa mpuilu wa tshijengu wa musangu udi ulua.”
Min. 13: “Nnganyi watuyila?” Muyuki wa dikankamija. Kuakula bua dibikila dia kuikala mpanda-njila wa pa tshibidilu ne bua muanda mulonda mu tshisakidila tshia Mudimu wetu wa Bukalenge wa Luabanya 1997, bikoso 16-17. Badi kabayi mua kuikala bampanda-njila ba pa tshibidilu badi pamu’apa bajinga kulama ngondo umue peshi mivule bua kuluabu bampanda-njila bambuluishi mu tshidimu tshia mudimu tshidi tshilua.
Min. 20: Tudilongolole bua kufila bumanyishi bua mu mpukapuka. Dituku dionso bikondo bia kufila bumanyishi kudi bantu batudi tupetangana nabu bidi bitumuenekela. Patu mushindu umueneka, pamu’apa tutu tudimona katuyi ne Bible peshi mukanda kampanda. Tuikale badianjile kudiakaja. Kumbelu, tuikale ne mikanda ku bianza, pabuipi ne ku tshiibi kutudi tuakidila benyi betu. Tuele mikuabu mu tshiambuidi tshia mikanda anyi mu kabuta ka ku bianza ne tuikale naku ku bianza peshi tukashiye patudi tuendakana, mu muaba wetu wa mudimu. Tuambuleku tshintu kampanda ku bianza musangu wonso utudi tubuela mu mashinyi a diambula bantu. Patudi tuenza luendu lua mushinga, patudi tuya mu mpuilu anyi patudi tuya mu dikisha, tuele ndambu wa mikanda mu mabuki etu. Kukonkonona mibelu misakidila mifila mu Manuel pour l’École, mabeji 80-2, bikoso 11-16. Manaya a tshilejilu a mu tshikoso pa mushindu wa kutuadija diyukidilangana ne mupanyishi wa bintu, ne muena mudimu netu, ne mulongi netu, ne muntu kampanda udi wenza luendu anyi udi mu diikisha.
Musambu 72 ne disambila dia nkomenu.
Lumingu lua dia 25 Tshimungu
Min. 12: Mamanyisha. Vuluija muntu yonso bua kufilaye luapolo luende lua mudimu. Akula bua difila dia ngondo dia mu Kabitende. Mu Kabitende, netuenze madikolela a pa buawu bua kukumbulula bantu batuvua bashile broshire mu Tshimungu, bua kutuadija malonga a Bible. Ku diambuluisha dia tshisakidila tshia Mudimu wetu wa Bukalenge wa mu Tshisanga 1997, kuzangika amue malu manene bua kuenza makumbulula adi apatula bipeta bimpe. Netuikale ne bua kutuadija malonga ku diambuluisha dia broshire wa Utulomba peshi dia mukanda wa Dimanya.
Min. 15: “Malu adi atangila ditantshilangana bua dibaka—Mmushindu kayi wa kuepuka bilumbu?” Diyukidilangana ne bateleji kudi mukulu.
Min. 18: Tukumbajayi tshishiki mudimu wetu. Muyuki muenza kudi mutangidi wa mudimu muashila pa mukanda wa Mudimu wetu, mabeji 5-8. Kuzangika mushinga wa buambi ne mmuenenu wabu wa dienzejibua pa kusaka muntu yonso bua kuangata majitu ende a bu-ministre ne muoyo umue.
Musambu 75 ne disambila dia nkomenu.