Mamanyisha

◼ Mikanda ya kufila mu Kabitende: Broshire wa mabeji 32 ku idi ilonda eyi: Bukalenge bualua kuasa Mparadizu; Dieu se soucie-t-il vraiment de nous ?; Ikalayi ne muoyo wa kashidi ne disanka pa buloba!; Padi muntu uudi munange ufua; Quel est le but de la vie ? Comment le découvrir ?; Tudi ne bua kuitabuja Busatu Bunsanto anyi? Kasuamansense: Nsapi wa disanka mu dîku. Kasuabanga: Tshibumba tshia Nsentedi ne Réveillez-vous ! Bialeja muntu disankidila mu makumbulula, nekuikale mushindu wa kumuleja abonema. Tshisua-munene: Dimuangalaja dia Ngumu ya Bukalenge No. 35. Bisumbu bikale bijikije teritware mujima ne bishiye Ngumu ya Bukalenge No. 35 kudi bena mu dîku dionso peshi nzubu yonso bidi mua kufila mukanda wa Dimanya.

◼ Mu tshimenga tshionso, mu bikondo bishilashilangane bia mu tshidimu, kutu matuku a diikisha atu bana kabayi baya mu kalasa ne bantu bakole kabayi baya ku mudimu. Ke bikondo bitambe buimpe bua tshisumbu kuenzatshi mudimu muvule mu buambi. Bua kudianjila kumanyisha tshisumbu bua mapangadika mangata bua dienza buambi mu tshisumbu mu matuku aa a diikisha, bakulu badi ne bua kumanya matuku a ngondo au.

◼ Tshisumbu tshionso ntshipete, bilondeshile majinga atshi, formilere bua tshidimu tshia mudimu tshia 1998. Anyishayi nutumike nayi mu bujinguluji. Nudi ne bua kuyilama anu bua mudimu muyitumina.

◼ Badi ne bua kukomonona konte ya tshisumbu mu dia 1 Kabitende, peshi diakamue panyima pa dituku edi, kudi mutangidi-muludiki anyi muntu watekaye. Pashishe nebamanyishe tshisumbu ne: dikomonona edi dikadi dienza.

◼ Bamanyishi badi ne dipangadika dia kulua bampanda-njila bambuluishi mu Kasuamansense badi ne bua kufila dilomba pa lukasa. Nenku bakulu nebikale ne bua kuangata mapangadika bua bibejibeji, mikanda ne teritware.           

◼ Bakulu nebanyishe bua kulonda mibelu ya mu Tshibumba tshia Nsentedi tshia mu dia 15 Tshisanga 1991, mabeji 21-3, bua bidi bitangila muntu yonso udi muipata mu bulongolodi peshi udi mumbuke ku budisuile ne muikale uleja dijinga dia kupingana.