Bisangilu Bia Mudimu Bua Kasuabanga
Lumingu lua dia 3 Kasuabanga
Min. 10: Mamanyisha. Mamanyisha makumbanyine a mu Mudimu wetu wa Bukalenge.
Min. 15: “Bantu bonso nebananganganaku anyi?” Mu nkonko ne mandamuna. Tangila malu manene a mu Ngumu ya Bukalenge No. 35. Ela kashonyi pa tubingila tuenza bua bantu ba mu teritware bapetelaku masanka. Shindika mushinga wa kuangata mapangadika biangatshile ku mpindieu bua kuditua tshishiki mu diabanya dia Ngumu ya Bukalenge ne wa kulondakaja ne tshisumi disankidila kayi dionso diajulayi.
Min. 20: “Tuabanyayi bikole Ngumu ya Bukalenge No. 35.” Muyuki wa mbuelelu kudi mutangidi wa mudimu. Konkononayi bikoso 5-8 mu nkonko ne mandamuna. Manyisha mapangadika mangata bua malubuluka a midimu yetu. Akula bua mishindu ya kutabalela bua kunyunguluka teritware mujima bua se: atuangane. Bamanyishi badi mua kutumika ne Ngumu ya Bukalenge No. 35 bua kufila bumanyishi mu miaba ya dindila mashinyi, ya dipanyishila tuntu tukese, ya dimanyikila mashinyi ne mikuabu miaba. Fila mibelu pa mushindu wa kuambuluisha bapiabapia badi bajinga kutuadija diyisha. Mu imue teritware, nebikale pamu’apa bia meji bua muntu kuyisha nkayende ne kubenga kuambula tshibuta bua diabanya dia Ngumu ya Bukalenge. Manaya a tshilejilu abidi anyi asatu a mu tshikoso.
Musambu 126 ne disambila dia nkomenu.
Lumingu lua dia 10 Kasuabanga
Min. 12: Mamanyisha. Luapolo lua konte. Zangika ngenyi miangata mu nimero ya ndekelu ya Tshibumba tshia Nsentedi ne Réveillez-vous ! itudi mua kutumika nayi bua kutuadija diyukilangana. Vuluija bateleji bonso ne: netufile bibejibeji ne Ngumu ya Bukalenge No. 35 mu matuku a ku ndekelu kua lumingu. Tudi ne bua kulondakaja disankidila. Lomba bateleji bua balue ne broshire wa Un livre pour tous mu tshisangilu lumingu lualonda.
Min. 15: Bidi tshisumbu tshikengela.
Min. 18: “Tutu tuenza tshinyi padi bantu baleja kalèngù?” Diyukilangana pankatshi pa bakulu babidi. Bueja mumvuija mangata mu ka-tshiena-bualu: “Comment s’attaquer à l’indifférence,” (Mushindu wa kutshimuna kalèngù) mu Tshibumba tshia Nsentedi (Mfual.) tshia dia 1 Kasuabanga 1974, mabeji 669-70.
Musambu 130 ne disambila dia nkomenu.
Lumingu lua dia 17 Kasuabanga
Min. 15: Mamanyisha. Tela malu mamonamona a mu Annuaire 1996, mabeji 6-8, pa ka-tshiena-bualu: “Distribution mondiale des Nouvelles du Royaume.” (Diabanya dia Ngumu ya Bukalenge pa buloba bujima) Ela kashonyi pa madikolela menza kudi bamanyishi mu diabanya dia ndekelu dia Ngumu ya Bukalenge. Kankamija muntu yonso bua kudifila tshishiki mu diabanya dia Ngumu ya Bukalenge No. 35.
Min. 15: Malu manene a mu broshire mupiamupia wa Un livre pour tous. Diyuki ne bateleji pa tubingila tudi tuleja bua tshinyi Bible mmuakanyine dimukonkonona. Broshire eu mmuenza bua kuambuluisha bantu badi pamu’apa balonge tulasa, kadi bamanye anu malu makese pa Bible. Kêna uteta mua kubatuisha ne: Bible mmufunda ku spiritu wa Nzambi; kadi udi ulekela malu adiakuila. Tudi ne bua kumubala ne kumumanyisha bakuabu, nangananga batudi tulonga nabu.
Min. 15: “Tudi Bantemu ku dîba ne ku dîba anyi?” Muyuki kudi mukulu.
Musambu 133 ne disambila dia nkomenu.
Lumingu lua dia 24 Kasuabanga
Min. 12: Mamanyisha. Leja muaba ukadi diabanya dia Ngumu ya Bukalenge No. 35 difikile. Lomba bateleji bua balonde malu adi akankamija. Leja mukadi teritware munyunguluka too ne ku mpindieu ne tshitupa tshidi tshishale bua kumujikija yonso pa kuamba tufika mu dia 14 Tshisua-munene. Pikala teritware munyunguluka yonso, netufile mukanda wa Dimanya too ne ku ndekelu kua Tshisua-munene. Shindika tshipatshila tshia kutuadija malonga a Bible mu makumbulula a bantu bavua baleje disankidila pakabapeshabu Ngumu ya Bukalenge.
Min. 15: Dipeta ditekemena munkatshi mua dipanga ditekemena. Muyuki kudi mukulu, muashila pa Tshibumba tshia Nsentedi tshia dia 15 Lumungulu 1997, mabeji 22-5.
Min. 18: Butoke buenu bukenke. Muyuki ne diyukilangana pa mabeji 83-8 a mukanda wa Mudimu wetu. Dianjila kulomba bamue bamanyishi bua balongolole mandamuna ku nkonko idi ilonda eyi: (1) Bua tshinyi Bantemu ba Yehowa batu bayisha ku nzubu ne ku nzubu? (2) Mmushindu kayi uvuabu batumika ne ngenzelu eu mu siekele wa kumpala? (3) Bua tshinyi bidi nangananga bia mushinga lelu’eu bua kutungunuka ne diyisha ku nzubu ne ku nzubu? (4) Lelu’eu ntshinyi tshidi tshivuija dienza dia mudimu wa buambi pa tshibidilu bualu bukole? (5) Ndiambuluisha kayi ditudi mua kupeta bua kunanukila? (6) Ndibenesha kayi ditudi tupeta patudi tukenkesha butoke buetu? (7) Ntshinyi tshitudi mua kuenza bua kutamba kulubuluka bua kupeta bantu? Fila tshilejilu pa kulomba bamanyishi basatu anyi banayi bua kulondabu malu mamonamona adi akankamija a mu buambi buenza mu magazen ne mu misesu.
Musambu 136 ne disambila dia nkomenu.