Mamanyisha

▪ Mikanda ya kufila mu Tshiongo: Traduction du monde nouveau ne mukanda wa La Bible: Parole de Dieu ou des hommes? Luishi: Mukanda kayi wonso wa mabeji 192 mupatula kumpala kua 1985 udi mu stoke mu tshisumbu. Bisumbu bidi kabiyi ne mikanda eyi nebifile mukanda wa Udi mua kuikala ne muoyo wa kashidi pa buloba bukudimuna mparadizu. Luabanya: Buakabuluibua​—Nkomenu wabu munene ukadi pabuipi! Tshisanga: Dimanya didi difikisha ku muoyo wa kashidi. Nenudienzeje nangananga bua kutuadija malonga a Bible.

▪ Bisumbu bidi ne bua kutuadija dilomba dia volime ya reliyé 1997 ya Tshibumba tshia Nsentedi ne Réveillez-vous! pa dilomba diabu dia mikanda. Volime ya reliyé neyikaleku mu Anglais, Mfualansa ne Portugais. Volime ya reliyé mmikanda mituma anu ku dilomba dia pa buadi.

▪ Konte ya tshisumbu idi ne bua kukonkononyibua mu dia 1 Luabanya, peshi diakamue kunyima kua dituku edi, kudi mutangidi-muludiki anyi muntu wasungulaye. Pashishe numanyishe tshisumbu ne: dikonkonona edi dikadi dienza.

▪ Mu 1999, Tshivulukilu netshienzeke mu Dinayi dia 1 Tshisanga, panyima pa dibuela dia dîba. Dituku edi ndidianjila kumanyisha bua kupetesha mushindu wa kulamisha miaba anyi kufutshila nzubu mikuabu miaba itu bisumbu bivule bikale mu Nzubu wa Bukalenge umuepele, ebi bidi bibenzeja bua kukebabu miaba mikuabu tshikondo atshi. Bakulu badi ne bua kulomba muena muaba au dianyisha dia se: bualu nansha bumue buenzela muaba eu kabulu kupumbisha dienzeka dia Tshivulukilu. Bua mushinga wa disekelela edi, kasumbu ka bakulu kadi ne bua kusungula bu ngamba-malu bua Tshivulukilu umue wa ku bakulu batambe kukumbana pamutu pa kusungula muntu ku muntu peshi kutumika ne muanetu umue-umue bidimu bionso.

▪ Musangu umue ku tshidimu, filiale wa France utu upatula formilere itudi tukengela munkatshi mua tshidimu, bilondeshile dilomba dietu ne bungi bua bamanyishi. Nunku, tudi tuvuluija bisumbu bua bitumike bimpe ne stoke wabi bua kajiki kumpala kua diabanya dilongolola bua tshidimu tshidi tshilua. Ki mbalongolole bua kutuma formilere milomba munkatshi mua tshidimu, pa kumbusha anu bua bisumbu bipiabipia. Mushindu wa kutumika ne formilere yenu bua kujikija nayi tshidimu tshijima:

◆ Ya ditumika nayi lumingu luonso: M-1, M-101, M-203, S-24. Nutumine biro anu dibeji difunda kumpala; dibeji ditentuila dishale mu dosié ya tshisumbu. Kanutumi onso abidi to. Nudi mua kutumika lumingu luonso ne S-8, S-48, S-61a, S-61b ne S-88 kadi kanuyituminyi biro. Ishale mu tshisumbu.

◆ Ya ditumika nayi musangu umue ku ngondo: S-14, S-20. Bua eyi kabidi, anu dibeji dimue ke didi diya ku biro, dibeji ditentuila dishale dilama mu dosié ya tshisumbu. Kadi, ngondo yonso nudi nuuja S-3, S-4, S-26, S-28, S-30 ne S-89, kanuyi nuyitumina biro. Tshisumbu tshionso netshipete formilere 13 ya S-1 bua tshidimu tshijima. Nenuuje formilere umue ngondo yonso ne numutumina biro. Kabatu benza kopi ya S-1. Nudi mua kuuja pamutu payi S-21 isatu: umue bua midimu ya bamanyishi, umue bua bampanda-njila bambuluishi ne umue mukuabu bua bampanda-njila ba pa tshibidilu.

◆ Ya ditumika nayi mu mpukapuka: M-202, S-12, S-13, S-19, S-9.

▪ Panudi nuenza tshilema mu diuuja dia formilere, mbimpe kutshilongoluela anu pa formilere umue-umue eu. Kanutumiki ne formilere eyi bua kufundilangana tukanda anyi bua mudimu mukuabu. Bisumbu bidi kabiyi bianji kupeta wabi stoke wa ku tshidimu wa formilere mbilombibue bua kutungunuka ne kuindila. Nebabitumineye mu katupa kîpi emu.