Mamanyisha

▪ Mikanda ya kufila mu Luishi: Mukanda kayi wonso wa mabeji 192 mupatula kumpala kua 1985 udi mu stoke mu tshisumbu. Bisumbu bidi kabiyi ne mikanda eyi nebifile mukanda wa Udi mua kuikala ne muoyo wa kashidi pa buloba bukudimuna mparadizu. Luabanya: Buakabuluibua​—Nkomenu wabu munene ukadi pabuipi! Tshisanga: Dimanya didi difikisha ku muoyo wa kashidi. Nenudienzeje nangananga bua kutuadija malonga a Bible. Lumungulu: Tshibumba tshia Nsentedi ne Réveillez-vous!

▪ Nebapeshe bamanyishi bonso batambule bikalaku mu tshisangilu tshia mudimu tshia mu lumingu lua dia 2 Luishi tuarte tua “Instructions médicales/​Pas de sang” ne tuarte tua bumuntu bua bana babu.

▪ Bampanda-njila bambuluishi badi kabayi bakumbaja mêba malombibue kabena ne bua kubadibua mu mulongo au mu luapolo lua tshisumbu lutumina biro. Bikala dîyi-dishidimunyi edi kadiyi dilonda, muayene wa ditunga dijima newikale muinshi mua mêba 60.

▪ Biangatshile mu Luishi too ne mu dia 1 Luabanya bu dia ndekelu, batangidi ba bijengu nebenze muyuki mupiamupia wa patoke udi ne tshiena-bualu etshi: “Udiku ne mmuenenu wa Nzambi pa muoyo anyi?”

▪ Bisumbu nebiangate mapangadika makanyine bua Tshivulukilu, tshienzeka tshidimu etshi mu Disambombo dia 11 Tshisanga, panyima pa dibuela dia dîba. Dipitshisha dia bimanyishilu didi ne bua kutuadija anu panyima pa dibuela dia dîba, nansha muyuki muikale mua kutuadija kumpala. Nutangile tshikondo tshia dibuela dia dîba mu tshimenga tshienu. Mbitambe kuanyishibua ne: bisumbu bisekelele Tshivulukilu pa bule, nansha mutubi kabiyi mua kuenzeka misangu yonso. Miaba itu bisumbu bivule bienzela bisangilu biabi mu Nzubu wa Bukalenge umuepele, nekuikale pamu’apa mushindu bua se: tshimue anyi bivule bia kudibi bienzele tshisangilu etshi mikuabu miaba dilolo adi. Tshivulukilu katshiena ne bua kutuadija dîba dipite didi mua kutekesha ku muoyo basankididi bapiabapia ba bulelela. Ku luseke lukuabu, programe kikadi mufimpakane mu mushindu wa kupanga nansha dîba dikumbane kumpala ne panyima pa disekelela edi bua kuelangana muoyo ne bantu babikila, kulomba bamue bua kubapetesha diambuluisha dia mu nyuma dilondolola peshi bua kukankamijangana bamue ne bakuabu. Panyima pa bamane kukonkonona malu onso adi ne buenzeji pa disekelela edi, bakulu nebangate mapangadika pa tshidi tshiakanyine kuenza bua kupetesha bonso balua mu Tshivulukilu mushindu wa kupetelaku masanka menemene.

▪ Muyuki wa pa buawu mulongolola mu tshikondo tshia tshivulukilu newenjibue mu Dia lumingu dia 29 Luabanya. Nebanutumine plan wawu. Bisumbu bidi ne dikumbula dia mutangidi wa tshijengu, ne mpuilu wabi wa tshijengu peshi mpuilu wa pa buende wa dituku dimue lumingu alu nebiteleje muyuki wa pa buawu lumingu ludi lulonda. Tshisumbu nansha tshimue katshilongolodi bua muyuki eu kuenzekawu kumpala kua dia 29 Luabanya 1998.

▪ Kasumbu ka bakulu kadi ne bua kumanya ne: bidi ne mushinga bua kuenza mashintuluka aa padi tshisumbu tshibuela mu mpuilu kampanda: Lumingu lua mpuilu wa pa buende wa dituku dimue, bisangilu bia tshisumbu bidi ne bua kuenzeka bu pa tshibidilu, anu Muyuki wa Patoke ne Dilonga dia Tshibumba tshia Nsentedi, ke bidi kabiyiku. Lumingu lua mpuilu wa tshijengu, tshisumbu netshiumbushe kabidi ku programe watshi Kalasa ka Mudimu wa Teokrasi ne Tshisangilu tshia Mudimu; anu Dilonga dia Mukanda dia Tshisumbu ke dikalaku lumingu alu.

▪ Biangatshile ku lumingu lua dia 4 Lumungulu 1998, too ne ku lua dia 14 Kabitende 1998, bisumbu bia muakulu wa Mfualansa nebikonkonone mukanda wa La Bible: Parole de Dieu ou des hommes? mu malonga abi a mukanda.