“Nsombelu muanyisha kudi Nzambi”—Mpungilu wa Distrike bua 1998
1 Tshidimu tshionso, batendeledi ba Yehowa ba pa buloba bujima batu basanka bua kusangila ba bungi pamue tshikondo tshia mpungilu ya distrike. Batu baleja nunku lungenyi lua basadidi ba Yehowa ba lulamatu ba mu Izalele wa kale bakimba ne disanka mêyi a mu Musambu 122 mu luendu luabu batangile ku Yeruzaleme bua kutendelela Yehowa. Tudi tubala mu mvese 1 ne: ‘Mvua ne disanka pakangambilabu ne: tuye mu nzubu wa Yehowa.’ Madisangisha aa adi kabidi aleja ne: mêyi mafunda ku spiritu a Yeshaya 2:2, 3 adi enda akumbana.
2 Tshidimu etshi tudi ne kabingila ka pa buaku ka kusanka, bualu didisangisha dietu nedikale ne mmuenekelu wa bukua-matunga bualu nekuikale binunu bia baleji-mpala bafumine mu matunga mashilashilangane a pa buloba bujima bua kubuela mu imue mpungilu mitambe bunene. Ba-misionere bikala mu dikumbula mêku abu nebikale pabu mu mpungilu mivule. Nenku, mu programe eu nemuikale amue malu mamona ne luapolo idi itangila bumanyishi bua Bukalenge ku ba bende.
3 Udianjile kudilongolola bua kuikalaku mu matuku asatu a difesto dilenga edi dia mu nyuma, biangatshile ku musambu wa mbangilu too ne ku disambila dia nkomenu. Pawangata mapangadika bua kubuela mu mpungilu, uleje dinanga pa kuvuluka aba badi bakengela diambuluisha, nangananga aba badi batuadije kusankidila bulelela mu matuku makese, bua kubuelabu pabu mu bitupa bionso. Nebikale ne dikuatshisha bua kukonkonona mamanyisha adi mu tshisakidila etshi ne bantu badi balonga nebe Bible ne badi badilongolola bua kubuela mu mpungilu. (Gal. 6:6, 10) Mu Ditanu ne mu Disambombo, mpungilu neatuadije ne mijiki mu 9:30 ne neajike mu 17:00. Tshitupa tshia mu Dia lumingu mu dinda netshituadije mu 9:30, ne mpungilu neajike mu 16:00. Mamanyisha adi alonda aa neanuambuluishe mu didilongolola dienu.
4 Kakuyi mpata, anu bisumbu bidi mu rejon yenzekela mpungilu ya bukua-matunga ke biabikidibuaku. Bidi ne mushinga bua muntu yonso anemeke mikalu eyi bua mpungilu yonso ikale milongolola mu bulongame. Mpungilu yonso neikale ne mmuenekelu wa bukua-matunga bua bimue bitupa bia ndongamu (programe) ne luapolo, kabidi ne dikalaku dia ba-misionere.
5 Pa tshibidilu, miaba ya kulala idi ifidibua ku nzubu ya bantu. Tudi ne bua kuleja dianyisha kudi bana betu aba badi bitaba bua kutupesha miaba ya kulala. Kabidi, kabiakuikala bimpe pikala aba badibu bakidile mushindu eu banyanga nsombelu ne balomba bua kubatekabu matuku a bungi kumpala anyi panyima pa mpungilu. Miaba ya kulala mmifila anu MU MATUKU a mpungilu. Aba badibu bapeshe miaba ya dilala badi ne bua kunemeka bintu bia muena nzubu, kabanyangi tshintu, kabikadi baya mu miaba idibu kabayi babikidibue, ne nebatabalele bua bana babu kulondabu ngenzelu eu. Bikala bena nzubu bapete lutatu kampanda pa bualu ebu, badi ne bua kumanyisha diakamue tshibambalu tshia miaba ya kulala, tshine etshi netshikale ne disanka dia kutuala diambuluisha.
6 Nansha mudiku ‘bikondo bikole mua kupita nabi’ lelu’eu, tudi mua kutekemena se: ba bungi nebunzuluile balombi ba miaba ya kulala biibi, bu muvuabi bienzeke ku Kinshasa ne miaba mikuabu kabidi, pavua bana betu banyeme mvita. Bidi bibungamija bua kumvua ne: miaba mivule bantu kabena batamba kuleja dianyisha diabu bua kuakidila badi balua mu mpungilu. Katuakusua ne: ntatu idiku mpindieu ipuekeshe dinanga dietu dia bamue kudi bakuabu mu ditupangisha bua kuikala bakididianganyi patudi ne mushindu wa kuenza nunku.—Mat. 24:12; Eb. 13:1, 2; Yone 13:35.
7 Bamue bamanyishi, ne bana babu balela, badi ne majinga a pa buawu; nunku tudi ne bua kuleja muoyo wa kubambuluisha. Tshisumbu tshijima, ne bakulu ku luabu luseke, nebikale ne bua kutabalela bantu aba ne ki nkutudila anu tshibambalu tshia miaba ya kulala bujitu ebu nansha. Bakulu peshi bena mu tshisumbu bakuabu badi bamanye nsombelu wabu badi mua kuleja dinanga mu dibambuluisha mudibi bikengedibua. Ebi bitu bilomba misangu mivule ne: bamanyishi baditatshishe bua majinga a basadidi ba ku dîba ne ku dîba, a bakulakaje peshi balema, ne bakuabu. Tshilejilu, badi mua kubambuluisha mu dibatuala anyi mu dibakuba mu mishindu mishilashilangane.—Yak. 2:15-17; 1 Yone 3:17, 18.
8 Aba babuela mu mpungilu mukuabu: Misangu mivule, mpungilu uudi mulombibue bua kubuela ng’eu udi pabuipi ne muaba uudi musombele. Kadi, biwikala ne kabingila kampanda kakanyine ka kuya kubuela mu mpungilu mukuabu, udi ne budikadidi bua kuenza nanku.
9 Dieleshangana diboko dienu didi ne mushinga: Dienda bimpe dia mudimu ne bipeta biawu bimpe mu tshibambalu tshia miaba ya kulala mbishindamene pa dieleshangana diboko dia bantu bonso. (Eb. 13:17) Ke bua tshinyi tudi tunulomba bonso bua nueleshangane diboko ne tshibambalu tshia miaba ya kulala tshiteka kudi Société. Nunku, netukepeshe bikole ntatu itudi tupeta.
10 Bu mutudi tudilongolola bua kubuela mu mpungilu ya distrike bua 1998: “Nsombelu muanyisha kudi Nzambi” pamue ne bana betu balume ne bakaji, tuanyishe bua kuela meji kabidi ku dikuatshisha dia bintu anyi dia mfranga ditudi mua kufila bua dilongolola dia difesto edi dia mu nyuma! Bu muakenza bena Izalele ne bena nkristo ba kumpala, katuyimu bianza bitupu nansha.—Dut. 16:16, 17; 2 Kol. 8:12.
[Kazubu mu dibeji 4]
Mpungilu ya Distrike bua 1998-1999
3-5 KASHIPU
KINSHASA (F): KIN-4; KIN-7; KIN-10.
10-12 KASHIPU
BANDUNDU (LI): B-1; B-10.
BUMBA (LI): E-4; E-12; E-15; E-20; E-22; O-3; tshitupa O-10; O-15.
GOMA (F; SW): KI-2; KI-6; KI-14.
KINSHASA (LI-1): KIN-1; KIN-3; KIN-8; KIN-12; KIN-13; tshitupa BC-3.
LUBUMBASHI (F; SW): tshitupa K-1; K-2; K-13.
TSHIKAPA (F; SH): KA-6; KA-22; KA-23; KA-31.
17-19 KASHIPU
BUKAVU (F; SW): KI-1; KI-11; KI-12.
GBADOLITE (LI): E-5; E-9; E-19.
KANANGA (F; SH): KA-1; KA-9; KA-14; KA-18; KA-19; KA-28; KA-30.
KINSHASA (LI-2): KIN-2; KIN-5; KIN-6; KIN-9; KIN-11.
LIKASI (F; SW): tshitupa K-1; K-17; K-20; K-23.
NIOKI (LI): B-4; B-6; B-14; B-15.
24-26 KASHIPU
BUNIA (SW): O-4; O-12.
GEMENA (LI): E-1; E-14.
ILEBO (LI; SH): KA-10; KA-15; tshitupa KA-21; KA-29.
KISANGANI (LI): tshitupa O-1; O-7; tshitupa O-8; tshitupa O-10; tshitupa O-14.
KOLWEZI (F; SW): tshitupa K-1; K-3; tshitupa K-5.
UVIRA (SW): KI-8; tshitupa BU-1.
31 KASHIPU-2 TSHIMUNGU
BENI (SW): KI-5; KI-10.
BRAZZAVILLE (F; MK): CO-1; CO-5; tshitupa CO-3; tshitupa CO-7; tshitupa CO-8.
BUJUMBURA (RU): tshitupa BU-1; BU-2; BU-3.
KISANGANI (F; SW): tshitupa O-1; O-5; O-9; tshitupa O-14; O-16.
LISALA (LI): E-8; E-11; E-18; E-21.
MATADI (LI): BC-1; BC-5.
SANDOA (DR): tshitupa K-5; K-21.
7-9 TSHIMUNGU
BUTEMBO (SW): KI-7; KI-9.
ISIRO (LI): O-2; tshitupa O-17; O-18.
KIMPESE (LI): BC-2; tshitupa BC-3; BC-4; tshitupa BC-6; BC-7; BC-8.
MBANDAKA (LI): E-2; E-7; E-16; E-17; E-23.
MBUJI-MAYI (F; SH): KA-2; KA-8; KA-16; KA-17; KA-20; tshitupa KA-25.
POINTE-NOIRE (F; MK): CO-2; CO-6; tshitupa CO-8.
14-16 TSHIMUNGU
BUTA (LI): tshitupa O-8; O-11.
DUNGU (LI): O-6; O-13; tshitupa O-17.
KABINDA (F; SH): KA-5; KA-13; tshitupa KA-32.
KINDU (SW): KI-3; KI-13.
MANONO (KU): tshitupa K-10; K-14; tshitupa K-16.
POPOKABAKA (LI): tshitupa BC-6; B-7; tshitupa B-13; tshitupa B-21.
21-23 TSHIMUNGU
BOENDE (LI): E-3; E-6; tshitupa E-13; E-24.
KONGOLO (SW): KI-4; K-22.
LODJA (OT): KA-4; KA-11; KA-12; tshitupa KA-26; KA-27; tshitupa KA-32.
MULONGO (KU): tshitupa K-8; tshitupa K-10; tshitupa K-16.
MWENE DITU (F; SH): KA-3; KA-24; tshitupa KA-25.
OUESSO (F): tshitupa CO-3; tshitupa CO-7.
TEMBO (LI): B-17; tshitupa B-13.
28-30 TSHIMUNGU
BOKUNGU (LI): E-10; tshitupa E-13.
KALEMIE (SW): tshitupa K-12; K-18; K-19.
KAMINA (KU; SW): tshitupa K-4; tshitupa K-6; K-7; K-15.
KENGE (MK): B-3; B-9; tshitupa B-21.
KINKONDJA (KU): tshitupa K-8; K-9; tshitupa K-10; tshitupa K-16.
KOLE (OT): KA-7; tshitupa KA-21; tshitupa KA-26.
4-6 KABITENDE
KABONGO (KU): tshitupa K-4; tshitupa K-6; K-24.
KIKWIT (F; MK): B-2; tshitupa B-19; B-24.
KIRUNGU/MOBA (SW): tshitupa K-12; tshitupa K-19.
11-13 KABITENDE
BULUNGU (MK): B-5; tshitupa B-19; B-20.
PEPA (SW): K-11; K-25.
18-20 KABITENDE
IDIOFA (MK): B-8; B-16.
2-4 KASUAMANSENSE
MUKEDI (MK): tshitupa B-18; B-23.
9-11 KASUAMANSENSE
GUNGU (MK): B-11; B-12.