Bisangilu bia Mudimu bua Kasuabanga

Lumingu lua dia 2 Kasuabanga

Musambu 38

Min. 10: Mamanyisha. Mamanyisha makumbanyine a mu Mudimu wetu wa Bukalenge. Ela nseka pa luapolo lua mudimu wa tshisumbu bua ngondo wa Tshimungu.

Min. 15: “Badi ne tshia ‘kuakidila dîyi ne mutshima wabu mujima’!” Mu nkonko ne mandamuna. Buejamu ngenyi mifila mu tshisakidila tshia Mudimu wetu wa Bukalenge wa Kashipu 1996, tshikoso 21.

Min. 20: “Ndi musue kubanga dilonga dia Bible!” Diyukilangana ne bateleji dilombola kudi mutangidi wa mudimu. Umvuija madikolela enza bantu mu tshisumbu bua mudimu wa makumbulula. Padiku mushindu, bamanyishi bapiluke nebambuluishe bapiabapia. Badi babuela mu mashinyi amue nebatabalele bua ne: kabapitshi bungi, ebi nebibapeteshe mushindu wa kuenza makumbulula a bungi. Tangila kabidi ngenyi mifila mu tshisakidila tshia Mudimu wetu wa Bukalenge wa Lumungulu 1998, bikoso 12-15. Dinaya dia tshilejilu: mumanyishi mupiluke udi ulomba muntu mu dikumbulula bua kulonga nende. Kankamija muntu yonso bua kudienzeja bua kutuadija dilonga.

Musambu 35 ne disambila dia nkomenu.

Lumingu lua dia 9 Kasuabanga

Musambu 187

Min. 13: Mamanyisha. Luapolo lua konte. Mandamuna ku nkonko yenu.

Min. 15: Bidi tshisumbu tshikengela.

Min. 17: “Tuibakanganayi mu difila mandamuna mu bisangilu.” Mu nkonko ne mandamuna. Umvuija mushindu udi difila mandamuna dituambuluisha bua kudiunda mu nyuma. (Tangila mukanda wa Manuel pour l’École, dilonga 38, tshikoso 4.) Lomba bamue bua balonde mudibu batshimune dielakana bua kufila mandamuna mu bisangilu ne masanka adibu bapetelaku.

Musambu 51 ne disambila dia nkomenu.

Lumingu lua dia 16 Kasuabanga

Musambu 182

Min.  8: Mamanyisha. Manyisha mapangadika a pa buawu mangata bua buambi ku ndekelu kua lumingu.

Min. 20: “Batangidi badi balombola​—Mutangidi wa Kalasa ka Mudimu wa Teokrasi.” Muyuki muenza kudi mutangidi wa kalasa. Tangila kabidi Manuel pour l’École, mabeji 10-11, bikoso 6-12.

Min. 17: “Tupatulayi bipeta bimpe mu mudimu wetu.” Dikonkonona mu nkonko ne mandamuna dia bikoso 1-7 bia tshisakidila. Shindamena pa ngenyi idi itangila menemene teritware wa tshisumbu.

Musambu 167 ne disambila dia nkomenu.

Lumingu lua dia 23 Kasuabanga

Musambu 89

Min.  8: Mamanyisha. Londa malu mafunda mu dibeji dia ndekelu dia Réveillez-vous! wa dia 8 Tshimungu 1998, adi aleja buenzeji buvua nabu mukanda wa Muntu mutambe bunene pa bantu. Bamanyishi bonso badi ne bua kubabidila bikondo bia kufila mukanda eu.

Min. 17: “Tupatulayi bipeta bimpe mu mudimu wetu.” Dikonkonona mu nkonko ne mandamuna dia bikoso 8-21 dia tshisakidila. Shindamena pa malu adi atangila teritware wa tshisumbu.

Min. 20: Ngenyi-mifila bua kulengeja dibala diebe dia Bible. Muyuki muashila pa Tshibumba tshia Nsentedi tshia dia 1 Lumungulu 1995, mabeji 16-17. Ela kashonyi pa masanka adi afumina ku dibala Bible dituku dionso. Umvuija mu mêyi makese ngenyi-mifila ne leja mua kukuata nayi mudimu. Bamanyishi babidi anyi basatu bumvuije mudibu bapetela dikuatshisha ku dibala diabu dia Dîyi dia Nzambi dituku dionso.

Musambu 46 ne disambila dia nkomenu.

Lumingu lua dia 30 Kasuabanga

Musambu 64

Min. 15: Mamanyisha. Vuluija bonso bua kufila luapolo lua mudimu. Kankamija aba badi kabayi babange dilonga dia Bible mu Kasuabanga bua batungunuke ne madikolela abu mu Tshisua-munene, bualu netufile mukanda wa Dimanya ne Traduction du monde nouveau. Mu dinaya dia tshilejilu, mumanyishi mupiluke udi utumika ne kazubu kadi mu dibeji 19 mu mukanda wa Dimanya, udi uleja mushindu wa kumanya malongesha a mu Bible ku diambuluisha dia mukanda eu; udi utuadija dilonga.

Min. 15: Tukuatayi mudimu biakane ne Calendrier des Témoins de Jéhovah 1999. Muyuki. Akula bua malu manene a kalandriyé aka: (1) bimfuanyi bidi bikoka ntema bia malu ne malongesha a mushinga a mu Bible; (2) ndongamu wa dibala dia Bible dia ku lumingu luonso bua Kalasa ka Mudimu wa Teokrasi; (3) ndongamu wa dibala dia Bible bua Tshivulukilu; (4) dimanyisha dia mambulula mafunda adi kumpala, ne (5) mavuluija bua kudifila pa tshibidilu mu diabanya dia bibejibeji. Leja mushindu wa kuenza mudimu ne miaba mishiya patupu: kufunda ndongamu webe wa mudimu wa buambi, kufunda mêba mapitshisha mu buambi ne malongolola menza bua kuyisha pamue ne bakuabu, kufunda midimu mikupesha, dikumbula dia mutangidi wa tshijengu ne mpuilu idi kumpala. Pa kukudika kalandriyé patoke kumbelu anyi muaba wa mudimu, kudi mushindu wa kupeta bikondo bia kuyukilangana ne bantu pa Bible. Londa bualu bumona bufunda mu Annuaire 1988, dibeji 8.

Min. 15: Tupetelayi dikuatshisha ku broshire mupiamupia wa Ntshinyi tshidi tshitufikila patudi tufua? Umvuija mu mêyi makese malu a mushinga adi mu broshire. Udi umvuija kudi dilongesha dia dibenga kufua dia anyima difumine ne umanyisha mudidi dilue dia nshindamenu mu bitendelelu bu bionso bia pa buloba. Udi umvuija mu mushindu mulenga tshidi Bible wamba pa anyima, bua tshinyi kudi lufu, tshidi tshifikila bafue, ditekemena dia muoyo kunyima kua lufu ne tubingila tutudi ne bua kumanyina bulelela pa malu aa. Muntu yonso udi ne bua kubala broshire eu. Ela kashonyi pa mushinga wa bimue bia ku bimfuanyi 40, ne mêyi matela adi ku ntuadijilu kua tshitupa tshionso atudi mua kukuata nawu mudimu bua kujula kudi bantu dijinga dia kumanya bivule. Leja mushindu wa kulomba muntu bua dilonga dia Bible kumbelu ku diambuluisha dia tshitupa tshia ndekelu. Lomba bamanyishi bua kulondabu mushindu udibu bela meji bua kuenza mudimu ne broshire eu mu buambi.

Musambu 121 ne disambila dia nkomenu.