Mamanyisha

▪ Mikanda ya kufila mu Kasuabanga: Dimanya didi difikisha ku muoyo wa kashidi. Tshisua-munene: Dimanya didi difikisha ku muoyo wa kashidi ne Traduction du monde nouveau. Tshiongo: Mukanda kayi wonso wa mabeji 192 mupatula kumpala kua 1985 udi mu stoke wa tshisumbu. Bisumbu bidi kabiyi ne mikanda eyi nebifile mukanda wa La paix et la sécurité véritables: comment est-ce possible? anyi Udi mua kuikala ne muoyo wa kashidi pa buloba bukudimuna mparadizu. Luishi: Nsapi wa disanka mu dîku.

▪ Bisumbu nebituadije dilomba dia Annuaire des Témoins de Jéhovah 1999 pa dilomba diabi dia mikanda dia Kasuabanga. Annuaire neikaleku mu Anglais, Arabe, Mfualansa, ne Portugais. Too ne pikala mikanda eyi mua kupeteka ne kutumibua, mabeji a dituma nawu mikanda neyikale ne miaku eyi: “Ya dituma pashishe.” Annuaire ndilomba dia pa buadi.

▪ Matuku aa mbilue kupepela bua kuenza luendu mu ditunga dikuabu. Nunku, bana betu bavule badi baya mu matunga makuabu. Misangu ya bungi, batu bapetela mamanyisha ku biro bia filiale ya Société. Bena ku filiale badi ne disanka dia kumanyisha miaba idi Nzubu ya Bukalenge ne mêba a bisangilu, ebi bidi biambuluisha bana betu bua kumonangana ne bisumbu bia miaba idibu baya. Badi kabidi mua kufila mamanyisha bua dikumbula dia nzubu ya filiale. Kadi kudi kabidi mamanyisha makuabu a bungi adibu bakonka ku filiale pa mishindu ya dienza luendu, pa miaba ya kutudila, miaba ya kukumbula ne bikuabu bia muomumue. Biro bia filiale kabiena ne mushindu wa kuandamuna ku nkonko eyi ne kabiena nansha ne dîba dia kuenza nanku to. Bakumbudi aba mbalombibue bua kuya kumonangana ne bena ajanse ya ndeke anyi bena midimu ya diendakana bua dibandila matunga, buobu ke badi bakumbanyine bua kufila mamanyisha a nanku.