Tufilayi Bible wa Traduction du monde nouveau
1 Mumanyi kampanda wa tshiena-Ebelu ne tshiena-Greke wakafunda ne: “Bible wa [Traduction du] monde nouveau mmuakanyine bua kuikala nende. Udi ufila bukole ne udi wamba bulelela, ne usaka mubadi ku diela meji ne ku dilonga. Ki mmudimu wa bakonkononyi, kadi ng’wa bashikuluji badi banemeka Nzambi ne Dîyi Diende.” Ntshia bushuwa! Mmunyi mutudi mua kuambuluisha bakuabu bua bikale ne dianyisha dia muomumue bua Bible wa Traduction du monde nouveau patuamufila pamue ne mukanda wa Dimanya mu Tshisua-munene?
2 Bantu bakuabu badi mua kuandamuna ne: “Ndi ne Bible. Tshiena dijinga ne mukuabu to.” Butudi nabu mbua kubatuisha ne: Traduction du monde nouveau mmushilangane. Nnkudimuinu wa muaku ku muaku mu ngakuilu wa lelu udi ulama mu mushindu mujalame lungenyi ludi mu mifundu ya ntuadijilu. Bulenga buende bubandile budi mua kumueneka mu difuanyikija dikudimuna miaku bu mudi “tshisalu” mu 1 Kolinto 10:25 mu Mukanda wa Nzambi ne “tshisalu tshia munyinyi” mu Bible wa Traduction du monde nouveau.
3 Kadi, bantu bakese ke batu babala Bible, bakese menemene mbadi bajingulula mêyi-maludiki ende bua nsombelu wa dituku dionso. Badi ne dijinga dia kumanya mudi Dîyi dia Nzambi mua kuikala ne buenzeji buimpe mu nsombelu wabu ne mudi kulonda mibelu yadi pa bululame, nsombelu wa tshitembu ne wa mu dîku mua kuambuluisha bua kuakama ntatu ya matuku etu aa. Mmushindu kayi udi bualu ebu mua kukumbana?
4 Dileja: “Udiku mua kuanyisha ne: bu mudi bikadilu bia tshitembu bienda bishintuluka lukasa mushindu’eu ne mutudi katuyi bajadike tshidi matuku atshilualua matulamine, tudi dijinga ne muludiki wa kueyemena anyi? [Lekela muntu andamune.] Nansha mudi Bible muikale mukanda mukulukulu ku yonso, udi ufila mibelu miakanyine bua nsombelu wa lelu ne bua nsombelu wa disanka mu dîku.” Pashishe uye mu nshapita 2 mu mukanda wa Dimanya, ubale tshikoso 10 ne tshiambilu tshia kumpala mu tshikoso 11, kabidi ne 2 Timote 3:16, 17. Bikala muntu muleje dijinga dia kumanya, umushile mukanda wa Dimanya, umvuija ndongamu wetu wa dilonga dia Bible dia ku nzubu kakuyi difuta mfranga, ne fila Traduction du monde nouveau. Biwamona se: nebitambe buimpe kutuadija dilonga mu broshire wa Utulomba, utuadija nende. Neupete mbuelelu mikuabu miakanyine mu mukanda wa Comment raisonner mabeji 9-15.
5 Tulejayi dianyisha dietu bua Bible eu mulenga wa Traduction du monde nouveau. Tudi mua kuenza nunku pa kumufila ne lukunukunu mu Tshisua-munene.