Mapiamapia a Teokrasi

▪ Albanie: Mu Tshiongo bavua bapete bungi bubandile bupiabupia bua bamanyishi 1 556, bidi bileja didiunda dia 20% pa muayene wa tshidimu tshishale.

▪ Belau: Bavua bapete bungi busanga bua bamanyishi 73 mu Tshisua-munene, mmumue ne: didiunda dia 20% pa muayene wa tshidimu tshishale ne dia 22% pa bungi bua mu Tshisua-munene tshidimu tshishale.

▪ Canada: Mu dia 1 Tshiongo 1999, bamanyishi 460 bavua batekibue bampanda-njila ba pa tshibidilu.

▪ États-Unis: Komite ya diambuluisha bantu ivua miteka kudi Société bua kulongolola bintu binyanga kudi mpepele mikole yakapita ku Sud kua États-Unis. Mâyi avua masapalale mu Texas ne bintu bivua binyanguke mu tshitupa tshia Cayes mu Floride bua tshipepele tshikole tshibikila ne: Georges. Bena musoko bakakema pa kumona muvua Société mulongolole bua kukuatshisha bana betu ne mushindu uvua diambuluisha difila.