Mamanyisha

▪ Mikanda ya kufila mu Kabitende: Dimanya didi difikisha ku muoyo wa kashidi. Kasuamansense: Tshibumba tshia Nsentedi ne Réveillez-vous! Padi muntu uleja dijinga dia kumanya bia bungi mu dikumbulula, udi mua kumuambila bua abonema. Kasuabanga: Ntshinyi tshidi Nzambi utulomba? anyi Dimanya didi difikisha ku muoyo wa kashidi. Tshisua-munene: Dimanya didi difikisha ku muoyo wa kashidi ne Traduction du monde nouveau.

▪ Mutangidi-muludiki anyi muntu wasungulaye udi ne bua kukonkonona konte ya tshisumbu mu dia 1 Kabitende anyi diakamue kunyima kua dituku edi. Panuikala bajikije, numanyishe tshisumbu kunyima kua dibala dia luapolo lua konte ludi lulonda.

▪ Bakulu nebatabalele bua kulonda mêyi-mashidimunyi a mu Tshibumba tshia Nsentedi tshia dia 15 Tshisanga 1991, mabeji 21-23 (Mfual.), bua muntu yonso muipata mu tshisumbu anyi mudipatukile ku budisuile ne ujinga bua kupingana.

▪ Bidi ne mushinga bua kudianjila kumanyisha biro bia Betele mu mukanda mufunda padi kasumbu ka bantu 15 anyi bapite apa bajinga bua kulua kukumbula nzubu ya Société. Numanyishayi bungi bua bantu badi balua, dituku ne dîba didibu balua bua dikumbula. Kumpala kua dikumbula dienu, anyishayi nubale kabidi Mandamuna ku nkonko yenu mu Mudimu wetu wa Bukalenge wa Kabalashipu 1998.

▪ Bena mu tshisumbu badi ne bua kutuma ku butuangaji bua tshisumbu etshi abonema yonso mipiamipia ne abonema mienzulula ya Tshibumba tshia Nsentedi ne Réveillez-vous!, pamue ne yabu buobu bine.

▪ Société kêna witaba dilomba dia mikanda didienzela kudi muntu nkayende to. Mutangidi-muludiki nealongolole bua benze dimanyisha ngondo yonso kumpala kua kutuminabu Société dilomba dia mikanda dia ku ngondo dia tshisumbu, bua ne: bonso badi bajinga kupeta mikanda badianjile kumanyisha muanetu udi usadila ku mikanda. Nuavuluka bintu bidi Société utuma anu ku dilomba dia pa buadi.

▪ Mpungilu ya distrike ne ya bukua-matunga ya “Njila wa muoyo wa Nzambi” bua 1998 ivua bushuwa mikale dibenesha bua bantu bonso bavua babuelemu. Munkatshi muabu muvua ba-misionere 2 764 ne basadidi ba mu bukua-matunga bavua bapingane mu matunga abu ku diambuluisha dia mapa a kalolo mafila kudi bisumbu. Dikuatshisha edi ndianyisha bikole. Mukadi mpungilu eyi mijike, makuta avua mashale adi ambuluisha bua mudimu wa buambi wa buloba bujima.

▪ Mikanda mipiamipia idiku:

Prêtons attention à la prophétie de Daniel!​—Anglais, Mfualansa, Lingala