Mamanyisha

▪ Mikanda ya kufila mu Luishi: Nsapi wa disanka mu dîku. Luabanya: Dimanya didi difikisha ku muoyo wa kashidi. Nuenze muenu muonso bua kutuadija kulonga Bible ne bantu. Tshisanga ne Lumungulu: Tshibumba tshia Nsentedi ne Réveillez-vous! Wikale ne broshire wa Utulomba pabuipi bua kupesha bantu badi bitaba bulelela ne udienzeje bua kutuadija kulonga nabu Bible.

▪ Mbashintulule nimero ya telefone ya ku Betele. Fundayi nimero eyi ne nuyilame. Telefone wa OCPT: (12) 71863, (12) 71647, (12) 71439, (12) 71660; Télécel: 88 43213; Fax: 88 46944.

▪ Sekretere ne mutangidi wa mudimu badi ne bua kukonkonona mudimu wa bampanda-njila bonso ba pa tshibidilu. Bikala bamue kabayi bafika ku dikumbaja mêba mabalomba, bakulu badilongolole bua kubambuluisha. Nudi mua kupeta ngenyi milenga inudi mua kuenza nayi mudimu mu mikanda (S-201) ya dia 1 Kasuamansense itu Société unutumina tshidimu tshionso. Nutangile kabidi Mudimu wetu wa Bukalenge wa Lumungulu 1987, dibeji 3.

▪ Bua kuabanya mikanda bilondeshile ngenzelu eu mupepeja, mbimpe bakulu ne bana betu badi batangila mikanda balonda mêyi mapiamapia adibu bafila adi aleja tshiakuenza padi muntu musue kupeta bintu bitubu banutumina anu ku dilomba dia pa buadi, bu mudi: Bible ya delikse, Étude perspicace des Écritures, Traduction du monde nouveau avec notes et références, reliye ya Tshibumba tshia Nsentedi (Mfual.) ne Réveillez-vous!, bande ya diteleja ne ya video, ne bikuabu. Badi mua kulomba bintu bia nunku anu padi muntu udilombelabi nkayende. Bana betu badi ne bujitu bua kutangila mikanda badi ne bua kujadika bamanyishi bavua kumpala bangata mikanda ya bungi ne pashishe kuabanya anu bungi bukese mu buambi, kadi bikale mpindieu bajinga kupeta bibejibeji anyi mikanda mikuabu ya bungi. Ikalayi ne dîsu dikole pa bualu ebu. Pamu’apa nebikengele kuvuluija bamue bantu pa nkayabu bua kumanyabu se: ngenzelu eu mupiamupia kêna utupesha bukenji bua kufila mikanda yetu tshifilafila kudi aba badi kabayi banyisha bulelela peshi badi kabayi mene nayi dijinga to. Bana betu bonso badi batangila mudimu wa bibejibeji anyi wa mikanda badi ne bua kutabalela bua bantu kabayinyangi to.

▪ Mbavudije bungi bua bibejibeji bia bisumbu bionso bivua kumpala bibipeta bungi bushadile ku bua bamanyishi bua muntu yonso apete mpindieu mushindu wa kuikala ne tshiende tshibejibeji tshia Tshibumba tshia Nsentedi dîba dia bisangilu. Muntu yonso udi ne bua kudianjila kudilongolola. Société udi ujinga bua mumanyishi yonso ikale ne tshiende tshibejibeji tshia Tshibumba tshia Nsentedi dîba didibu batshilonga. Mulombodi wa Dilonga dia Tshibumba tshia Nsentedi udi ne bua kuikala mujadike ne: mumanyishi yonso udi ne tshiende tshibejibeji.

▪ Mikanda idiku:

Mfualansa: Dieu se soucie-t-il vraiment de nous? ne Le plus grand des noms (T-72).

Zande: Nditekemena kayi ditudi nadi bua bananga betu bakadi bafue? (T-16).

▪ Bande ya video idiku:

Mfualansa: Les Témoins de Jéhovah: Un nom, une organisation.

▪ Bande ya diteleja idiku:

Mfualansa: Faisons la volonté de Dieu avec zèle.