Bulelela bua Bukalenge bua Nzambi
Yezu wakalongesha bayidi bende bua kusambila ne: “Tatu wetu udi mu diulu, dîna diebe dijidibue. Bukalenge buebe bulue. Disua diebe dienzeke kabidi pa buloba muomumue ne mu diulu.” (Matayi 6:9, 10) Bukalenge bua Nzambi ntshinyi? Ntshinyi tshidibu buenza? Bua tshinyi tudi ne bua kusambila bua Bukalenge ebu bulue?
Yezu mMukalenge wa Bukalenge bua Nzambi.
Luka 1:31-33 udi wamba ne: “Udi ne bua kumuinyika ne: Yezu. Yeye eu neikale munene, nebamubikile ne: Muana wa Mutambe Bunene, ne Yehowa Nzambi neamupeshe nkuasa wa bukalenge wa tatuende Davidi, ne neakokeshe bu Mukalenge ku mutu kua nzubu wa Yakoba bua kashidi, Bukalenge buende kabuakuikala ne ndekelu to.”
Bukalenge ke tshiena-bualu tshinene tshivua Yezu uyisha.
Matayi 9:35 udi wamba ne: “Yezu uvua unyunguluka mu bimenga bionso ne mu misoko, ulongesha mu nsunagoga yabu, uyisha lumu luimpe lua Bukalenge, wondopa mabedi a mishindu yonso ne matekete a mishindu yonso.”
Yezu wakapesha bayidi bende tshimanyinu bua kubambuluisha bua kumanya tshikondo tshivua Bukalenge abu ne bua kulua.
Matayi 24:7 udi wamba ne: “Bualu tshisamba netshiluishe tshisamba tshikuabu, bukalenge nebuluishe bukalenge bukuabu, nekuikale biyole bia nzala, buloba nebukanke ku muaba ne ku muaba.”
Lelu bayidi ba Yezu badi bayisha Bukalenge abu pa buloba bujima.
Matayi 24:14 udi wamba ne: “Nunku nebayishe lumu luimpe elu lua Bukalenge pa buloba bujima budi bantu basombele bua luikale bujadiki kudi bisamba bionso, ne pashishe, nshikidilu nealue.”