Mamanyisha

▪ Mikanda ya kufila mu Luishi: Buakabuluibua​—Nkomenu wabu munene ukadi pabuipi! La vie: comment est-elle apparue? Évolution ou création?, anyi mukanda kayi wonso wa mabeji 192 udi mua kuikala mu stoke. Luabanya: Dimanya didi difikisha ku muoyo wa kashidi. Nukebe mushindu wa kutuadija kulonga Bible ne bantu. Tshisanga ne Lumungulu: Tshibumba tshia Nsentedi ne Réveillez-vous! Nufile mukanda wa Dimanya anyi broshire wa Utulomba ne tshipatshila tshia kutuadija malonga a Bible.

▪ Mutangidi-muludiki peshi muntu wasungulaye udi ne bua kukonkonona konte ya tshisumbu mu dia 1 Luabanya anyi diakamue kunyima kua dituku edi. Panuikala bajikije, numanyishe tshisumbu kunyima kua dibala dia luapolo lua konte ludi lulonda.

▪ Sekretere ne mutangidi wa mudimu badi ne bua kukonkonona mudimu wa bampanda-njila ba pa tshibidilu bonso. Bikala bamue kabayi bafika ku dikumbaja mêba mabalomba, bakulu badilongolole bua kubambuluisha. Nudi mua kupeta ngenyi mikuabu mu mikanda (S-201) ya dia 1 Kasuamansense itu Société unutumina tshidimu tshionso. Nutangile kabidi Mudimu wetu wa Bukalenge wa Lumungulu 1987 dibeji 3.

▪ Tudi tunumanyisha ne: Mu 2002, Tshivulukilu netshienzeke mu Dinayi dia 28 Tshisanga kunyima kua dîba dimane kubuela, kadi ki mmu Ditanu dia 22 Luabanya bu mutudi baleje ku ndekelu kua kalandriye ketu ka 2001 to. Tudi tudianjila kumanyisha dituku edi bua bisumbu bitu bisangila Nzubu wa Bukalenge umue bikebe mushindu wa kulamisha anyi kufutshila miaba mikuabu bua Tshivulukilu. Bakulu badi ne bua kumvuangana bimpe ne muena muaba au bua kabenzedipu makuabu malu adi mua kupangisha bua Tshivulukilu kuenzekatshi mu ditalala ne bulongame. Bu mudi tshibilu etshi ne mushinga wa bungi, kasumbu ka bakulu kadi ne bua kusungula mukulu umue utu ngamba-malu mupiluke, pamutu pa kuikalabu benza muyuki eu bashilangana peshi basungula anu mukulu umue umue tshidimu tshionso. Bidi mua kuenzeka nanku anu pikalaku muanetu umue muela manyi mu tshisumbu ne muikale mukulu ne ngamba-malu mupiluke.

▪ Bishilangane ne bidi mu mamanyisha adi mu Mudimu wetu wa Bukalenge wa Luabanya ne wa Kabitende 2000 ne kabidi bidi mu kakanda ka S-15, dibeji 5, tshikoso 1.1.1, tudi tulomba bisumbu bua kabikadi bituma komande yabi ngondo yonso nansha. Nudi mua kutuma komande mupiamupia (S-14) dîba dinudi nupeta binuvua balombe pa komande wa musangu mushale. Bua mpindieu, bu mudiku lutatu bua kufikisha komande yenu ne mikanda inudi nulomba, katuena ne mushindu wa kutumina bisumbu mikanda mipite bungi idibi bilomba to.

▪ Mikanda mipiamipia idiku:

Mfualansa: L’enfer de feu fait-il partie de la justice de Dieu? (T-74).

Tshiluba ne Tshiluba tshia lolo: Tutumbishayi Yehowa ne misambu (mu bunene).