Tuanyishayi bande wa video wa La Bible: le livre le plus ancien toujours d’actualité
Nkonko eyi idi ikuambuluisha bua kupatula malu auvua mua kuikala mumone mu bande wa video eu: (1) Mmalu kayi adi aleja ne: Bible mmukanda wa pa buawu mushilangane kule ne kule ne mikuabu yonso? (2) Fila tshilejilu tshia mudi Bible upetangana ne malu a bena meji lelu’eu nansha mudiye muikale mukanda wa kale. (3) Ntshinyi tshidi mua kututuisha ne: malu adi mu Bible utudi nende lelu ki mmashilangane ne akafundabu ku mbangilu? (4) Ntshitupa kayi tshia mifundu ya kale ya mu Bible tshidiku lelu, ne bualu ebu budi bukupesha meji kayi a dieyemena? (5) Mmu mishindu kayi muvua John Wycliffe, Johannes Gutenberg, William Tyndale, Mary Jones, ne Charles Taze Russell bambuluishe bua Dîyi dia Nzambi kutangalakadi pa buloba bujima? (6) Mmunyi muvua ekeleziya muluishe Bible ne tshikisu, kadi ntshinyi tshiakambuluisha bua Bible kushalaye too ne mu tshikondo tshietu etshi? (7) Bulongolodi bua Yehowa mbukudimune Bible mu miakulu bungi kayi, ne mbuyipatule bungi munyi? (8) Mmunyi mudi mibelu mimpe ya mu Bible miambuluishe bantu bua kuepuka manaya a mfranga (1 Tim. 6:9, 10), kubenga kushipa dibaka ne tshiendenda (1 Kol. 13:4, 5; Ef. 5:28-33), ne kubenga kuditatshisha bikole bua kupeta biuma bia bungi (Mat. 16:26)? (9) Ntshilejilu kayi tshidi tshijadika se: ditumikila mêyi a mu Bible didi mua kuambuluisha bisamba, bisa, ne bantu ba makoba mashilangane bua kulekela dikinangana? (10) Mmushindu kayi udi dilonga malu a mu Bible dikufikishe ku disanka dia menemene? (11) Udi wela meji ne: nnganyi udi bande wa video eu mua kuambuluisha, ne newenze tshinyi bua yeye kumutangila?