Tumonayi malu a kale a bulongolodi buetu mu bande wa video wa La Société du Monde Nouveau en action
Panuatangila filme eu wa mu 1954 mu bande wa video, nuele meji bua mushindu unudi mua kuandamuna nkonko eyi: (1) Bua tshinyi bakapatula bande wa video eu, ne mmunyi mudiye muambuluishe? (2) Mmikanda kayi idi Bantemu ba Yehowa bapatula, badi bayipatuila banganyi ne mbua tshinyi? (3) Mmunyi mutudi tumona bungi bua Tshibumba tshia Nsentedi lelu’eu pa kubufuanyikija ne bua mu 1954? (4) Bua tshinyi tudi tuamba ne: biamu bitudi tupatula nabi mikanda lelu mbilengeja bimpe menemene kupita bia kale? (5) Ntshinyi tshiudi umona tshikusankisha bikole bua mpungilu wa bantu bafumine mu matunga a bungi uvuabu benze mu Yankee Stadium mu tshidimu tshia 1953? (6) Ntshinyi tshivuabu babikila ne: musoko wa caravanes ne wa tentes, ne mbualu kayi bua mushinga buudi mukuate pa bidi bitangila muaba au? (7) Ntshinyi tshidi tshileja ne: mudimu wetu kawena amu bua tshisamba tshimue, ditunga dimue peshi tshisa tshimue? (8) Mmu malu kayi muudi umona lungenyi lua dinanga ludi bulongolodi bua Yehowa buenza nalu mudimu? (Mus. 133:1) (9) Udi wela meji ne: nnganyi udi mua kuanyisha bua kutangila malu a kale aa a mudimu uvua muenzeke mu bulongolodi bua bukua-panu bupiabupia mu bidimu bia 1950?