Ndongamu wa Bisangilu bia Mudimu

Lumingu lua dia 13 Tshimungu

Musambu 30

Min. 13: Mamanyisha a mu tshisumbu ne makuabu makanyine a mu Mudimu wetu wa Bukalenge. Kankamija bantu bonso bua batangile bande wa video wa La Société du Monde Nouveau en action bua kudilongolola bua diyukidilangana dienzeka mu Tshisangilu tshia Mudimu lumingu lua dia 27 Tshimungu. Ikidilanganayi pa tshiena-bualu tshia: “Ndongamu mupiamupia wa mpuilu wa pa buende.” Manyisha dituku dienzeka mpuilu wa pa buende ne ukankamije bantu bonso bua bikaleku bua kulonda programe wa dituku adi dijima. Kankamija bamanyishi bua babikile bantu badi basue bulelela ne balongi ba Bible.

Min. 17: “Udi musue kuenza bivule anyi?”a Usakidile kabidi mibelu pa mushindu wa kuenza bivule bua kuyisha bantu ba mu teritware wenu badi bakula muakulu muenyi. Bikalaku bantu badi bakula muakulu mushilangane ne utu bena mu teritware wenu bakula, tshisumbu tshidi mua kulomba mikanda mu muakulu au, tshilejilu bu mudi: Mangala, Tshiluba tshia lolo, Tshisawudi, ne mikuabu. Umvuija mu mêyi makese malu adi mu Tshibumba tshia Nsentedi tshia dia 15 Kabalashipu 1997 dibeji dia 26-29.

Min. 15: “Tutekayi dijikija lutetuku pa muaba wadi.” Mulombodi wa dilonga dia mukanda udi uyikila ne mulume kampanda ne mukajende kunyima kua dilonga. Udi ubaleja ne dîyi dimpe ne: musangu mushale kavua mubamone mu buambi anyi mu bisangilu bia ku ndekelu kua lumingu to. Mulume eu ne mukajende badi bumvuija ne: bavua baye mu diendakana, ke tshivua tshibapangishe mua kulua. Mukulu udi ukonkonona nabu malu manene a mu tshiena-bualu etshi, ubambuluisha bua kumonabu ne: malu a mu nyuma ke adi ne bua kuikala pa muaba wa kumpala. Pashishe, badi baleja dianyisha mu diakula diabu bua malu malenga adibu babavuluije aa. Badi balaya ne: bua mu matuku adi kumpala, nebatete bua kuteka malu adi ne mushinga pa muaba wa kumpala.​—Tangila Tshibumba tshia Nsentedi tshia dia 1 Kasuamansense 2000, dibeji dia 19-20.

Musambu 68 ne disambila dia nkomenu.

Lumingu lua dia 20 Tshimungu

Musambu 33

Min.  8: Mamanyisha a mu tshisumbu. Luapolo lua konte.

Min. 15: “Nudi ‘bela mu tshialu’!”b Ambaku amue malu a muaba unudi adi aleja mutu bantu bamba mêyi mimpe bua mudimu ne ngikadilu udi nende Bantemu ba Yehowa.​—Tangila Tshibumba tshia Nsentedi tshia dia 15 Luabanya 1998, dibeji dia 10, ne tshia dia 15 Tshiongo 1999, dibeji dia 32.

Min. 22: “Ngikadilu milenga ntshimanyinu tshia bantu badi badilambule kudi Nzambi.” Mukulu udi utuadija ne muyuki wa minite itanu mushindamene pa tshikoso tshia 1-5. Pashishe badi bayikila ku tshiakuidi ne mukulu mukuabu ne musadidi wa mudimu pa bikoso bidi bishale. Badi bayikila bua mushindu wa kufika ku dilekela bimue bibidilu bibi bia dibenga kutabalela bakuabu bidi mua kulua kunyangishisha lumu lua bisangilu bietu ne kukepesha mushinga wa diambuluisha ditudi mua kupetelamu. Badi baleja mushindu udi malanda atudi nawu munkatshi muetu atukankamija bushuwa patudi tuditatshisha ne dinanga bua diakalenga dia bakuabu.​—Filip. 2:4.

Musambu 72 ne disambila dia nkomenu.

Lumingu lua dia 27 Tshimungu

Musambu 40

Min. 15: Mamanyisha a mu tshisumbu menza kudi mutangidi wa mudimu. Umvuija bimpe malu adibu balomba bampanda-njila bambuluishi. Vuluija bamanyishi bua bafile luapolo lua mudimu lua ngondo wa Tshimungu. Fila mubelu umue anyi ibidi mu mêyi makese pa mushindu wa kufila mukanda wa Création mu buambi mu ngondo wa tshitema.​—Tangila bilejilu bidi mu Mudimu wetu wa Bukalenge wa Kasuamansense 1996, dibeji dia 8, ne wa Tshisua-munene 1995, dibeji 6.

Min. 10: “Ndi mua kulomba diambuluisha mu ditunga dikuabu anyi?” Tshienza mutangidi-muludiki.

Min. 20: “Tumonayi malu a kale a bulongolodi buetu mu bande wa video wa La Société du Monde Nouveau en action.” Diyukidilangana ne bateleji ne diela bantu nkonko. Mu ngondo wa dikumi netutangile bande wa video wa Unis grâce à l’enseignement divin.

Musambu 74 ne disambila dia nkomenu.

Lumingu lua dia 3 Kabitende

Musambu 80

Min.  8: Mamanyisha a mu tshisumbu.

Min. 17: “Buena-muntu bua bena Kristo budi ne mushinga kayi?”c Buejamu mumvuija adi muinshi mua ka-tshiena-bualu ka: “Ku butuangaji bua tshisumbu” mu Tshibumba tshia Nsentedi tshia dia 15 Tshiongo 1996, dibeji dia 22.

Min. 20: Bu muntu mua kuamba. Diyukidilangana ne manaya a tshilejilu. Mu buambi, padi muntu wamba amue malu peshi ujula nkonko ituvua katuyi belele meji, tudi ne bua kuenza mushindu wonso bua kuandamuna pamutu pa kushintulula diyuki anyi kudilekesha. Kakanda ka Mua kutuadija ne kutungunuka ne mayuki pa Bible peshi mukanda wa Comment raisonner nebituambuluishe bikole pa bualu ebu. Tela amue malu atu bantu batamba kuamba ne ulombe bamanyishi bua baleje mushindu wa kuandamuna ne mumvuija adi mu kakanda aku peshi mu mukanda wa Comment raisonner. Tshilejilu: ‘Tshiena ngitaba Nzambi to.’ (dibeji dia 111-112) ‘Bua tshinyi kanutu nudifila penu mu bidi bantu benza bua kulongolola nsombelu?’ (dibeji dia 402-403) ‘Nansha wewe muikale mu tshitendelelu kayi, kabiena ne bualu to.’ (dibeji dia 320) Kankamija bantu bonso bua bikale benza mudimu ne bitupa ebi bia mu mukanda wa Comment raisonner mu buambi padi bantu bajula malu avua bamanyishi kabayi belele meji.

Musambu 121 ne disambila dia nkomenu.

[Mêyi adi kuinshi]