Mushindu wa kufila bibejibeji

Tshibumba tshia Nsentedi 15 Kabi.

“Kudi bantu ba bungi badi banange bulelela mu bitendelelu pabuipi ne bionso. Pabi, bitendelelu ke bidi biabulula bantu. Ku diebe dimona, bidi bikengela kuenza tshinyi bua kusangisha bantu ba muoyo muimpe mu buobumue? [Padi muntu ujikija kuandamuna, bala Sefanya 3:9, ne wambe ne:] Tshibejibeji etshi tshidi tshileja mushindu udi dimanya dia Nzambi mulelela dienda disangisha bantu ba miaba yonso mu buobumue.”

Réveillez-vous! 22 sept.

“Mu imue miaba, bamue badi bamona ne: bantu nebikale anu ne biakudia bia bungi. Kadi mpindieu bantu aba mbatuadije kutshina bualu malu a bena siyanse mmafuanyike kunyanga biakudia bidiku. Tshibejibeji etshi tshidi tshiumvuija amue a ku malu aa ne tshileja kabidi tshidi Bible wamba bua kujikija menemene tshilumbu etshi.”

Tshibumba tshia Nsentedi 1 Kasu.

“Ndi ngela meji ne: bumue udi mua kuikala pebe mujadike se: ditabuja Nzambi ndilue muanda udi bantu ba bungi bayikidilangana anu mu mpukapuka. Udi mumanye mbua tshinyi anyi? [Padi muntu wandamuna, umubadile Ebelu 11:1, pashishe wambe ne:] Tshibejibeji etshi tshidi tshiumvuija tshidi ditabuja dilelela dikale ne kabidi tshileja mushindu udi ditabuja edi mua kushintulula nsombelu wetu.”

Réveillez-vous! 8 oct.

“Anu muudi mumanye, bantu ba bungi batu basekelela difesto dia Nowele, ne bana ba bungi batu badisue bikole. Ukadiku mudiebeje bua kumanya kuakafumina difesto edi anyi? [Lekela muntu andamune ne panyima wambe ne:] Ndi ngela meji ne: bu muudi muledi ne uditatshisha bua bana baudi mulele, tshibejibeji etshi netshikusankishe bikole bua wewe kutshibala.”