Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Kabit.

“Ndi musuaku kumanya meji audi wela bua mêyi aa. [Bala Dutelonome 32:4.] Kutuku muanji kudiebeja ne: bikala Nzambi udi wa bukole buonso ne muakane, bua tshinyi kudi makenga ne malu mabi bungi nunku pa buloba anyi? [Lekela muntu andamune.] Tshibejibeji etshi tshidi tshiumvuija bua tshinyi Nzambi mmulekele malu mabi too ne mu matuku etu aa.”

Réveillez-vous! Kabit.

“Ba bungi ba kutudi mbasue kuikala ne bukole bua mubidi ne kushala ne muoyo matuku a bungi. Udi wela meji ne: kuikala ne mmuenenu muimpe kudi mua kukolesha makanda etu a mubidi anyi? [Lekela muntu andamune. Pashishe bala Nsumuinu 17:22.] Tshiena-bualu etshi tshidi tshileja mudi kuikala ne mmuenenu muimpe bua matuku atshilualua ne mushinga.” Muleje tshiena-bualu etshi mu dibeji dia 26.

Tshibumba tshia Nsentedi 1 Kasuam.

“Kutuku muanji kudiambila ne: ‘Ndi ndijinga bua mumvua mua kuikala muenze malu mushindu mukuabu anyi?’ [Lekela muntu andamune.] Tangila tshidibu bamba bua tshitu tshitufikisha imue misangu ku diangata mapangadika atu alua kutunyingalaja pashishe. [Bala Yelemiya 10:23.] Tshibumba tshia Nsentedi etshi tshidi tshileja mudi mibelu ya mu Bible mua kutuambuluisha bua kuangata mapangadika mimpe.”

Réveillez-vous! Kasuam.

“Udi wela meji ne: bana ba lelu badiku mu njiwu ya bungi kupita ba kale anyi? [Lekela muntu andamune.] Bantu ba bungi badi bitaba ne: tudi mu matuku adibu bamba muaba eu. [Bala 2 Timote 3:1-5.] Tshibejibeji etshi tshidi ne imue mibelu mimpe bua mushindu udi baledi mua kulama bana babu kudi bantu badi mua kubanyanga bua kuenda nabu masandi.”