Ndongamu wa Bisangilu bia Mudimu

Lumingu lua dia 10 Kabitende

Musambu 86

Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Tudi ne mikanda ya bungi ya mu miakulu kabukabu idi bantu bakula mu ditunga dietu. Ke bua tshinyi tudi tukankamija bisumbu bionso bua kuyilomba.

Min. 13: Majinga a Tshisumbu.

Min. 22: “Udi wenza mudimu wa buambi ne muoyo webe mujima anyi?”a Panudi nujikija kuyukidilangana ne bateleji malu a tshikoso tshia 1-3, nuenze manaya a tshilejilu abidi mîpi adi aleja mushindu wa kufila bibejibeji; dimue dileja mua kufila Tshibumba tshia Nsentedi tshia dia 15 Kabitende ne dikuabu mua kufila Réveillez-vous! wa dia 22 Kabitende. Panudi nujikija kukonkonona tshikoso 4, enzayi dinaya dia tshilejilu ne mukanda wa Dimanya dishindamena pa malu adibu bumvuije mu tshikoso etshi.

Musambu 124 ne disambila dia nkomenu.

Lumingu lua dia 17 Kabitende

Musambu 92

Min. 15: Mamanyisha a mu tshisumbu. Luapolo lua konte. “Bidi mu Index.” Leja mushindu wa kupeta ngenyi ya kuenza nayi mudimu bua kufila mukanda wa Parole de Dieu?

Min. 15: Mbipeta kayi bituvua bapatule tshidimu tshishale? Muyuki kudi mutangidi wa mudimu. Amba malu manene a mu luapolo lua mudimu lua tshisumbu bua tshidimu tshia mudimu tshia 2001. Ela bonso kalumbandi bua malu mimpe adibu benze. Utambe kuakula bua tshidi bena mu tshisumbu bonso benze pa bidi bitangila dibuela dia mu bisangilu, dipatuka dia mu buambi pa tshibidilu ne bua dilonga Bible ne bantu; ufile mibelu miakanyine idi ileja mushindu wa kulengeja amue malu. Leja bipatshila bidi bimueneka ne: nudi mua kubikumbaja mu tshidimu tshidi tshilonda.

Min. 15: Mandamuna ku nkonko yenu. Muyuki. Konkononayi programe wa ku lumingu ku lumingu wa bisangilu bia mudimu wa buambi bia tshisumbu tshienu. Umvuija mushindu udi bantu bonso badi mu tshisangilu etshi mua kuambuluisha ne yabu ngenyi pabu bua diyukidilangana edi kubotakanadi. Kankamija bena mu tshisumbu bua kuikalabu balua mu bisangilu bilongolola bua mudimu wa buambi.

Musambu 129 ne disambila dia nkomenu.

Lumingu lua dia 24 Kabitende

Musambu 97

Min. 15: Mamanyisha a mu tshisumbu. Ne ngenyi idi mu tshiena-bualu tshia “Mushindu wa kufila bibejibeji,” enzayi manaya a tshilejilu abidi; dimue bua kuleja mua kufila Tshibumba tshia Nsentedi tshia dia 1 Kasuamansense ne dikuabu bua kufila Réveillez-vous! wa dia 8 Kasuamansense.

Min. 30: Tunangayi Nzambi​—Katunangi malu a bena panu. (1 Yone 2:15-17) Muyuki ne diyukidilangana ne bateleji bua kukonkonona ndongamu wa mpuilu wa tshijengu wa tshidimu tshia mudimu tshishale. Lomba bamanyishi bua bumvuije malu manene avuabu batelejemu ne mushindu udi mumanyishi yonso anyi dîku dijima baatumikila. (Nudi mua kudianjila kumanyisha muntu kumpala kua dîba bua kudilongololaye bimpe.) Nuakuilayi pa bitupa bia mu ndongamu bidi bilonda ebi: (1) “Dinanga ditudi banange Nzambi didi ditusaka bua kuenza mudimu wa buambi.” Dinanga adi ke didi dituambuluisha bua kuepuka amue malu adi mua kutupangisha bua kuenza mudimu wetu wa buambi, tshilejilu: buôwa, didimona bu ne: katuena mua kukokesha mudimu eu, ne ditshina bantu. (2) “Badi banange Yehowa mbakine malu mabi.” (w99 1/10 28-31) Bua kuikala ne malanda ne Nzambi, bidi bikengela tukine malu adiye mukine; kabiyi anu bua malu adi amueneka patoke ne: mmabi, kadi kabidi ne bua aa adi bikole bua kuajingulula ne: mmabi. (3) “Londayi njila wa dinanga udi mupite yonso.” (w92-F 15/7 27-30) Kolinto wa kumudilu 13:4-8 udi uleja bua tshinyi tudi tutantamena mapanga a bakuetu ne lutulu, tuepuka didieyemena ne lungenyi lua ditembangana ne bakuabu, ne katuyi tuenda ku mishiku ne malu adi mua kutonda bakuabu, ne bua kushala balamate bulongolodi bua Nzambi. (4) “Mmunyi mutudi tuangata malu a panu?” Katuena ne bua kunanga malu a panu, kumata mu majinga a mubidi, kulonda majinga a mêsu peshi kuditambisha bua bubanji buetu butudi nabu. (5) “Kubenga kuikala mu ba panu kudi kutukuba.” Kolinto muibidi 6:14-17 udi uleja ne: amue malu atudi tuitaba, bimue bilele ne bimue bienzedi bidi mua kufikisha Nzambi ku dibenga kutuanyisha. Tudi ne bua kujingulula ne kuepuka mateyi adi Diabolo ututeya nau. (6) “Malu adi Nzambi mulaye bantu badi bamunange.” (w86-F 15/6 5-6) Mabenesha a Yehowa adi atuvudijila disanka ne makanda a mu nyuma.​—1 Tim. 6:17-19.

Musambu 133 ne disambila dia nkomenu.

Lumingu lua dia 1 Kasuamansense

Musambu 106

Min. 10: Mamanyisha a mu tshisumbu. Vuluija bamanyishi bua kufila luapolo lua mudimu wa buambi lua ngondo wa tshitema.

Min. 15: Mmushindu kayi undi mua kufika ku dilonga bimpe mu kalasa? Mukulu peshi musadidi wa mudimu ne mukajende badi bayukila ne umue wa ku bana badibu balela utshidi uya mu kalasa. Badi banyingalala bualu bipeta bia mu kalasa ka muana bidi bileja ne: utu upeta anu mpue mikese mu midimu idibu bafila mu kalasa. Badi babala mibelu idi mu mukanda wa Les jeunes s’interrogent, nshapita wa 18, ne bayikila bua tshidi muana ne bua kuenza bua kupetaye mpue mimpe mu kalasa. Baledi badi bamba bambulula bua kuleja muana eu mudibi ne mushinga bua kumanyaye mukanda bimpe bua kumonaye mua kuenza ne muende muonso mudimu wa tshijila.

Min. 20: “Ntshipumbishi ku mudimu wa diyisha anyi?”b Leja mudibi bikengela kumanya mua kuteka mudimu wa bianza pa muaba wawu, kudifundila anu bua kuenza malu adi ne mushinga adi kaayi apangisha malu a Bukalenge bua kuikalawu pa muaba wa kumpala. Lomba bamue bamfumu ba mêku ba mu tshisumbu tshienu bua baleje ntatu itubu bapeta bua kupetela bena mu mêku abu bintu bivuabu nabi dijinga, eku kabayi balengulula malu a mu nyuma a bena mu mêku abu aa.

Musambu 137 ne disambila dia nkomenu.

[Mêyi adi kuinshi]