Mamanyisha

▪ Mikanda ya kufila mu Tshisua-munene: Muntu mutambe bunene wa katshia ne katshia. Mikanda mikuabu inudi mua kufila: Miyuki ya mu mukanda wa Nzambi, La Bible : Parole de Dieu ou des hommes ? anyi Udi mua kuikala ne muoyo wa kashidi pa buloba bukudimuna mparadizu. Tshiongo: Mukanda kayi wonso wa mabeji 192 mupatula kumpala kua tshidimu tshia 1987 udi mua kuikala mu stoke wa tshisumbu. Bisumbu bidi ne mukanda wa L’humanité à la recherche de Dieu bidi mua kuufila kabidi. Luishi: Mukanda kayi wonso wa kale wa mabeji 192 udi mu stoke wa tshisumbu. Luabanya: Dimanya didi difikisha ku muoyo wa kashidi. Nuenze muenu muonso bua kutuadija kulonga Bible ne bantu.

▪ Nebatumine tshisumbu tshionso tubeji tua dibikila natu bantu mu Tshivulukilu bua tshidimu tshia 2002 mu muakulu watshi. Bikala mu teritware wenu bantu bakula muakulu mukuabu, nunku nujinga bua kupeta tubeji tukuabu tua mu minga miakulu, nutulombeshe pa lukasa mu formilere wa Dilomba dia Mikanda (S-14). Tubeji etu netuikaleku mu Mangala, Mfualansa, Monokutuba, Tshi-karunda, Tshiluba, Tshiluba tshia lolo, Tshisawudi ne Tshitetela. Nulombe tubeji etu anu mu miakulu inudi numona ne: ke idibu bakula mu teritware wenu.

▪ Tshivulukilu netshienzeke mu tshidimu tshia 2003 mu Disatu dia matuku 16 ngondo muinayi panyima pa dibuela dia dîba. Mbadianjila kumanyisha dituku edi kumpala kua dîba bua bisumbu bitu bisangila Nzubu wa Bukalenge umue bimone mua kudianjila kukeba miaba mikuabu bua Tshivulukilu. Bakulu badi ne bua kumvuangana bimpe ne muena muaba au bua dituku adi kabenzedipu makuabu malu adi mua kupangisha bua Tshivulukilu kuenzekatshi mu ditalala ne bulongame. Bu mudi tshibilu etshi ne mushinga wa bungi, kasumbu ka bakulu kadi ne bua kusungula mukulu utu ngamba-malu mupiluke, pamutu pa kuikalabu benza muyuki eu bashilangana peshi basungula anu mukulu umue umue tshidimu tshionso. Bidi mua kuenzeka nanku anu pikalaku muanetu muela manyi mu tshisumbu ne muikale mukulu ne ngamba-malu mupiluke.

▪ Tshibumba tshia Nsentedi tshia dia 1 Tshiongo 2002 netshikale ne tshiena-bualu etshi: “Bantu bonso badiakuikalaku mushindu wa muomumue anyi?” Bu muikalatshi mua kusankisha bantu ba bungi, nebavudijile tshisumbu tshionso bibejibeji 20 pa lukama bilondeshile dilomba diabi dia pa tshibidilu.

▪ Bisumbu bitu bitumina mapa abi ku depo wa Société bidi ne bua kuatuma ku bianza bia bana betu bakadi batambule, ba kueyemena ne ba lumu luimpe.​—2 Bak. 12:15.

▪ Bisumbu bia bungi bitshidi anu bitungunuke ne difila “Mapa bua Nzubu wa Bukalenge.” Tshia nuenu kumanya ntshia ne: Société katshiena kabidi ulama makuta au mu dîna dia tshisumbu kampanda to. Mukanda wa mu dia 1 Tshisua-munene uvuabu bafundile bisumbu bionso uvua wamba bua bualu ebu ne: “Bisumbu bidi ne tshibutshilu tshiabi ku biro bia Société tshia mapa bua Nzubu ya Bukalenge bidi mua kuenza tshinyi? Tudi tubilomba bua bimanyishe Société tshidiye mua kuenza ne makuta au. Pa kumona bunene bua mudimu ne mushinga wawu bilondeshile mutudi bamane kumvuija, bisumbu ebi nebianyishe bua basambakaje makuta abi aa ne mfranga idi Société mulongolole bua kuibaka nayi Nzubu ya Bukalenge. Nunku bena mu tshisumbu bonso nebangate dipangadika edi ne pashishe nebamanyishe biro bualu ebu.” Bua kutungunukabu ne kuibaka Nzubu ya Bukalenge, tudi tunukankamija bua makuta enu onso anudi nutuma nuatuma ne ka-dimanyisha kalamikaku kadi kaleja ne: tudi tutuma “Makuta [aa] bua luibaku lua Nzubu ya Bukalenge.”

▪ Mikanda idiku:

Anglais: La prophétie d’Isaïe I (mu maleta manene).

Mfualansa: Reliye wa Réveillez-vous! 2000.

Tshiluba: Bulelela budi bufikisha ku muoyo wa kashidi; Ditalala ne bupole bia bushuwa​—Nebilue penyi?

▪ Bande ya diteleja mipiamipia idiku:

Tshisawudi: Tuanyishayi bumpianyi buetu bua mu nyuma (drama).

▪ Bande ya video mipiamipia idiku:

Mu muakulu wa tumama wa tshiena-Amerike: Muntu mutambe bunene, volime 1.