Diambulula dia mu Kalasa ka Mudimu wa Teokrasi

Diambulula edi nedienzeke ne mikanda mibuikila pa biena-bualu bilonga mu Kalasa ka Mudimu wa Teokrasi kutuadija ku lumingu lua dia 3 Kabitende too ne lua dia 24 Tshisua-munene 2001. Wikale ne dibeji dikuabu pa bule bua kufunda mandamuna a nkonko yonso iudi mua kuandamuna mu dîba dikosa.

[Dimanyisha: Padi diambulula dienzeka, wenze mudimu anu ne Bible nkayende. Mikanda mitela idi kunyima kua lukonko luonso neyikuambuluishe mu makebulula ebe nkayebe. Nimero ya mabeji ne ya bikoso ki mmifila yonso bua makebulula ebe mu Tshibumba tshia Nsentedi to.]

Andamunayi Bulelela peshi Dishima ku biambilu bidi bilonda ebi:

1. Bu mudi ditabuja dikale dimuma dia nyuma wa Nzambi, bantu badi kabayi ne ditabuja kabena bakeba nyuma au to, anyi bikalabu bamukeba badi bamukeba ne tshipatshila tshibi peshi badi babenga kulonda tshidiye ubasaka bua kukumbajabu mu nsombelu wabu. (Luka 11:13; Gal. 5:22) [rs-F dib. 169 tshik. 1]

2. Musambu 58:4 udi umvuija bimpe ne: nyoka wa dikala udi ne ‘matshi’ adi kaayi umvua bualu mbamufuke ne mapapa. [Dibala dia Bible dia ku lumingu luonso; tangila Rbi8-F dib. 1711.]

3. “Tshiluilu tshinene” tshia bakaji tshitela mu Musambu 68:12 (MM [68:11]) tshivua tshia bakaji bapika ba ku ba-bende bavua bana balume ba bena Isalele bapatule mu bupika pavuabu baya kuluisha bisamba bivua nabu lukuna ne babitshimune. [Dibala dia Bible dia ku lumingu luonso; tangila w86-F 15/10 dib. 30 tshik. 6.]

4. Bu bikalabi ne: mbamane kufundila muntu yonso katshia ku diledibua diende anyi kumpala kuadi tshikondo tshiafuaye ne mushindu wamukuata lufu, kabivua mua kuikala ne mushinga bua kunyema njiwu peshi kukuba makanda a mubidi to, kabidi malu adi bantu balongolole bua kuepuka njiwu kaavua mua kukepesha bungi bua bantu badi bafuamu nansha. [rs-F dib. 99 tshik. 1]

5. Mêyi a Paulo a ne: “Muntu kakulenguludi bua bunsongalume buebe” adi aleja ne: Timote utshivua anu nsongalume wa tshitende peshi utshivua anu ku mbangilu kua bidimu biende bia 20. (1 Tim. 4:12) [w99 15/9 dib. 29 bik. 1-3; dib. 31 tshik. 2]

6. Anu mudibu baleje mu Musambu 110:1, miaku eyi: ‘Mukalenge wanyi’ idi yakula bua Yezu. [Dibala dia Bible dia ku lumingu luonso; tangila w94 1/6 dib. 28 tshik. 5.]

7. Mu mukanda wa Misambu mudi dîna dia Yehowa misangu mitue ku 700, ne mbikidilu wadi wa mu tshikoso wa “Yah” udimu misangu 43, nunku mu Musambu wonso dîna dia Nzambi nditelamu misangu bu itanu. [si-F dib. 105 tshik. 23]

8. Nansha mudibu batele Yezu bu ‘nzambi’ peshi mene bu “Nzambi Mukole” mu Bible, kakuena muaba nansha umue udibu bamubikila bu wa-Bukole-Buonso to. (Yone 1:1; Yesh. 9:6; Gen. 17:1) [rs-F dib. 110 tshik. 5]

9. Kulonga mukanda wa Nsumuinu nkulonga kua meji a Solomo nkayende menemene. [si-F dib. 107 tshik. 1]

10. Mubelu wa mu Bible udi mu Nsumuinu 21:17 (MMM) wa kuepuka ‘dinanga dia masanka’ udi uleja ne: mbibi bua kuikala ne tshikondo tshia kujikija lutetuku bualu tshidi tshidia dîba dia kuenza malu a mushinga. [Dibala dia Bible dia ku lumingu luonso; tangila w97 1/10 dib. 27 tshik. 7.]

Andamunayi nkonko idi ilonda eyi:

11. Mubelu wa Yezu mupesha Mâta ne lutulu luonso uvua ne diumvuija kayi? (Luka 10:40, 41) [w99 1/9 dib. 30 tshik. 7]

12. Mmu “butumbi” kayi muvua Yehowa mubueje mufundi wa Misambu? (Mus. 73:24) [Dibala dia Bible dia ku lumingu luonso; tangila w86-F 15/12 dib. 28 tshik. 3.]

13. Mmuenenu kayi udi utangila midimu ya malu a ntendelelu uvua nende mufundi wa Misambu udi muleja mu Musambu 84:1-3? [Dibala dia Bible dia ku lumingu luonso; tangila w97 15/3 dib. 8 tshik. 5-7.]

14. Mmushindu kayi udi mukanda wa Buakabuluibua 22:17 ne wa Lomo 2:4, 5 ileja ne: Yehowa katu mudianjile kumanya ta kufunda bualu buonso budi bantu bafika ku dienza? [rs-F dib. 102 tshik. 1-2]

15. Bu muvua bena Kristo ba kumpala bitabuja Bukokeshi bua Bidimu Tshinunu bua Yezu mudibu babuleje mu mukanda wa Buakabuluibua, mmalu kayi akalua kufikisha bena Kristo batontolodi ku dibenga dilongesha dia Nzambi edi? [w99 1/12 dib. 6 tshik. 3–dib. 7 tshik. 5]

16. Mu ‘ditangila malu a bakuabu,’ mmunyi mudi bena Kristo mua kubenga kusambuka mikalu? (Filip. 2:4) [w99 1/12 dib. 29 tshik. 1]

17. Ntshinyi tshidi Musambu 128:3 usua kumvuija padiwu ubikila bana “bu ntonga ya mitshi ya olive” minyunguluke mesa a muntu? [Dibala dia Bible dia ku lumingu luonso; tangila w00 15/8 dib. 30 tshik. 4.]

18. Tuetu bamone midimu ya bukole ya Nzambi mikale itukuatshisha buôwa, tudi mua kufika ku dienza tshinyi? (Mus. 139:14) [Dibala dia Bible dia ku lumingu luonso; tangila w93 1/10 dib. 15 tshik. 18.]

19. Bua tshinyi Nsumuinu 5:3, 4 udi wakula bua bipeta bia tshiendenda wamba ne: bitu “ne bululu bu nyongangandu” ne ‘bitue bu muele wa mvita musakisha nseke ibidi’? [Dibala dia Bible dia ku lumingu luonso; tangila w00 15/7 dib. 29 tshik. 2.]

20. Mu diumvuangana ne Nsumuinu 14:29, mmunyi mudi busunguluji mua kutuambuluisha bua kuepuka bipeta bibi bia dipanga lutulu ne dikuata tshiji lukasa? [Dibala dia Bible dia ku lumingu luonso; tangila w97 15/3 dib. 13 bik. 7-8.]

Kumbajayi miaba idi mishale patupu mu biambilu bidi bilonda ebi:

21. Baprofete balelela bakakula ․․․․․․․․ ne kumanyisha ․․․․․․․․. (Dut. 18:18-20; 1 Yone 4:1-3) [rs-F dib. 152 tshik. 1, 3]

22. Mukanda wa Nsumuinu udi ne bipatshila bibidi: kufila ․․․․․․․․ ne ․․․․․․․․. (Nsu. 1:1-4) [w99 15/9 dib. 13 tshik. 1]

23. “Tshisokomenu tshia Nzambi Mutambe Bunene wa mulu” mmuaba udi ․․․․․․․․ bua badi ku luseke lua Nzambi mu tshilumbu tshia ․․․․․․․․ ‘ntshisokomenu’ ta muaba udi kauyi mumanya kudi bantu badi ․․․․․․․․. (Mus. 91:1) [Dibala dia Bible dia ku lumingu luonso; tangila w86-F 15/12 dib. 29 tshik. 6.]

24. ‘Kupanga kupua muoyo bua [bienzedi] bionso bia Yehowa’ kudi kumvuangana ne ․․․․․․․․ bua “bienzedi biende,” bienzedi biende bia bulenga anu bu mushindu udibu baleje mu Musambu wa 103. (Mus. 103:2, NW) [Dibala dia Bible dia ku lumingu luonso; tangila w99 15/5 dib. 21 tshik. 5-6.]

25. Lusumuinu ntshiambilu tshia mu tshikoso tshidi ne ․․․․․․․․ ne tshiamba bua ․․․․․․․․. [si-F dib. 107 tshik. 6]

Sungulayi diandamuna dijalame mu tshionso tshia ku biambilu bidi bilonda ebi:

26. Nansha muvua Davidi ne mpunga wa kuikala ne tshiji bua muvua Shaula umukengesha, wakadikanda, bualu (uvua mumanye ne: Shaula uvua muntu mupange bupuangane ne bidi bikengela bua bantu ba Nzambi kuikalabu bafuilangana luse; uvua mulame bimpe malanda avuaye nawu ne Yehowa mu lungenyi; uvua mumanye ne: bivua bibi bua kuikala ne tshibidilu tshia kuelela bakuabu meji mabi). (1 Sam. 24:6, 15) [w99 15/8 dib. 8 tshik. 7]

27. (Meji; Didibela; Buakane) ntshipeta tshia bintu bia bungi bisangisha pamue, bu mudi lungenyi, bujinguludi, budimu ne bukokeshi bua kuela meji bimpe; (bulenga; lungenyi; meji mimpe) mbukokeshi bua kukonkonona bualu kampanda ne kujingulula tshidibu menemene pa kumvua mushindu udi bitupa biabu biumvuangana ne bualu ebu buine buonso bujima bua kubumvua bimpe menemene. (Nsu. 1:1-4) [w99 15/9 dib. 13 tshik. 3]

28. Bukole buvua nabu Yosefe bua kukandamena mêyi a dimulobesha nawu a mukaji wa Potifâ buakafumina ku (dimanya divuaye nadi dia Mikenji ya Mose ivua ikandika dienda masandi; kanemu kakole ka Yosefe ka muanzu munene wa bayende; mushinga uvuaye wangata nawu malanda ende ne Yehowa). (Gen. 39:7-9) [w99 1/10 dib. 28 tshik. 8]

29. Mbimueneke ne: mufundi wa Musambu wa 119 uvua ne dianyisha dikole dia (dîyi anyi mikenji ya Nzambi; dipa dia muoyo; ditekemena dia lupandu) didibu batele pabuipi ne mu mvese yonso ya Musambu eu. [dibala dia Bible dia ku lumingu luonso; tangila w99 1/11 dib. 9 tshik. 5; w87-F 15/3 dib. 24 tshik. 2.]

30. Mu nshapita ibidi ya kumpala ya mukanda uvua Paulo mufundile (bena Lomo; bena Galatia; bena Ebelu) mudi mêyi a bungi adiye mutele mangatshila mu mukanda wa Misambu adi alonda bualu bua (muanzu munene; batismo; mudimu wa pa buloba) wa Yezu Kristo. [si-F dib. 106 tshik. 28]

Suikakajayi mvese idi ilonda eyi ku biambilu bidi kuinshi eku:

Nsu. 2:19; 14:15; 18:17; Lomo 10:17; Eb. 13:18

31. Bua kupeta ditabuja, muntu udi ne bua kuanji kumanya malu adi Bible wamba ne kuakonkonona ne ntema. [rs-F dib. 170 tshik. 2]

32. Bena Kristo kabena mua kuditua mu bilele bia bungenda bia dishimakajangana ta bia dibenga kupesha bakuabu bidibu ne bua kupeta. [w99 15/9 dib. 10 tshik. 2]

33. Bantu badi benda tshiendenda tshia masandi badi mua kufika ku diya biyidi, mbuena kuamba ne: bafua kumpala kua kupetabu mushindu wa kukudimukabu. [w99 15/11 dib. 27 tshik. 4-5]

34. Muntu wa meji ne bujinguludi udi ukonkonona bipeta bia bienzedi biende kayi ulonda bilele ne bibidilu kampanda mubuite ku mêsu anu bua padiye umona bantu ba bungi bikale nabi. [Dibala dia Bible dia ku lumingu luonso; tangila g94-F 8/12 dib. 15 tshik. 8.]

35. Nansha lungenyi lua muntu mua kumueneka luimpe ne luakane, bidi bia meji bua kuteleja mukana mua bantu bonso babidi bangabanga ne kufika ku nkomenu wa dibukosa. [si-F dib. 111 tshik. 36]