Mamanyisha

▪ Mikanda ya kufila mu Luishi: Buakabuluibua​—Nkomenu wabu munene ukadi pabuipi!, peshi mukanda kayi wonso wa mabeji 192 wa kale udi tshisumbu nawu mu stoke. Luabanya: Dimanya didi difikisha ku muoyo wa kashidi. Nenudienzeje bua kutuadija kulonga Bible ne bantu. Tshisanga ne Lumungulu: Tshibumba tshia Nsentedi ne Réveillez-vous! Nufile broshire wa Utulomba ne tshipatshila tshia kutuadija kulonga Bible ne bantu.

▪ Pa kumona mushindu udi malu a abonema ya bibejibeji ne ya bande ya bisanji mashintuluke, tudi basue kunumanyisha ne: Pamutu pa abonema kuikalayi yenzeka kabidi, bamanyishi nebikale baya kufila bibejibeji dîba didi nimero yabi mipiamipia ifika; nebatuadije ne Tshibumba tshia Nsentedi tshia dia 1 Luabanya ne Réveillez-vous! wa dia 8 Luabanya. Biro bia filiale nebishintulule abonema ayi bua ishale yenzekela anu mu dilomba ditu tshisumbu tshienza pa tshibidilu dia bibejibeji bia miakulu mienyi. Bidi bisua kumvuija ne: bibejibeji bia ndekelu binuapeta bia abonema nebikale bia dia 15 ne dia 22 Luishi 2002 (bua bibejibeji bitu bipatuka musangu umue ku ngondo, bia ndekelu mbia dia 1 ne dia 8 Luishi 2002). Padi bisumbu bilomba bibejibeji mu miakulu mikuabu, bidi ne bua kutuma kabeji ka M(d)-202-F (Demande pour congrégation: périodiques/​Ministère du Royaume) kuuja bilenga. Abonema yonso ya bande ya bisanji nenuyenze anu mushindu unudi nuenza ya bibejibeji, mmumue ne: kuyilombela pa formilere wa M(d)-202-F. Nudi mua kutangila tshidi tshiamba mu broshire wa “Instructions pour la demande de publications” S(d)15a-F Cn.

▪ Mutangidi muludiki ta muntu udiye mua kusungula udi ne bua kukonkonona konte ya tshisumbu mu dia mpatukidi dia ngondo muisatu anyi matuku makese panyima. Pikala dikonkonona edi dienzeke, numanyishe tshisumbu mu luapolo lua konte luenzabu mu tshisangilu tshidi tshilonda.

▪ Sekretere ne mutangidi wa mudimu badi ne bua kukonkonona mudimu wa bampanda-njila ba pa tshibidilu bonso. Bikala bamue ne lutatu lua kukumbaja mêba mabalomba, bakulu babambuluishe. Bua kupeta ngenyi mikuabu, tangilayi mikanda itubu banufundila ku tshidimu tshionso ya S-201. Tangilayi kabidi Mudimu wetu wa Bukalenge wa Lumungulu 1987 mu dibeji 3, tshikoso tshia 1-9.

▪ Muyuki wa patoke wa pa buawu bua tshikondo tshia Tshivulukilu tshia tshidimu tshia 2002 newenzeke mu Dia lumingu dia matuku 14 a ngondo muinayi. Newikale ne tshiena-bualu etshi: “Wikale muvuluke ‘Dituku didi dikuatshisha buôwa’!” Netutume plan wa muyuki eu. Bisumbu bikala ne dikumbula dia mutangidi wa tshijengu anyi ne mpuilu lumingu alu, nebiteleje muyuki wa pa buawu au lumingu lualonda. Tshisumbu nansha tshimue katshiena ne bua kuenza muyuki eu kumpala kua dia matuku 14 ngondo muinayi 2002 nansha.

▪ Réveillez-vous! wa dia 8 Luabanya 2002 neikale ne tshiena-bualu etshi: “Les enseignants​—Que pourrions-nous faire sans eux? (Ntshinyi tshituvua mua kuenza bu balongeshi kabayiku?)” Pa kumona muikala tshiena-bualu etshi mua kukoka ntema ya bantu, nebavudijile tshisumbu tshionso bibejibeji 20 pa lukama bilondeshile dilomba diatshi.

▪ Tshibumba tshia Nsentedi tshia dia 15 Luabanya 2002 netshiakule bua bulombodi bua Kristo mu tshisumbu. Bua mushinga wikalatshi nawu, nebavudijile tshisumbu tshionso bibejibeji 10 pa lukama bilondeshile dilomba diatshi.

▪ Tudi basue kuvuluija kasumbu ka bakulu bua tshidibu ne bua kuenza ne plan ya miyuki ikadibu banutumine: (1) Mutangidi muludiki udi ne bua kulama plan eyi muaba muimpe, mu dosié udibu kabayi batua nende eku batua nende eku. (2) Neenzejile ngamba-malu fotokopi wa plan wa muyuki au. (3) Muyuki umue umue au badi mua kuwenza kudi bangamba-malu bashilashilangane. (4) Teka diakamue plan mipiamipia yonso idi biro binutumina mu dosié eu. (5) Nebanutumine plan mikuabu mipiamipia anu pikalaku mashintuluka kampanda mu plan ya kale. Nupande ya kale eyi ne nupingaje mipiamipia inuapeta pa muaba wayi. Nunku nebiambuluishe tshisumbu bua kutelejatshi miyuki ya patoke idi Kasumbu Kaludiki kalongolola.

▪ Mikanda mipiamipia idiku:

Anglais, Mfualansa: Kalandriye 2002

Tshitetela: Prêtons attention à la prophétie de Daniel!